مكان فى القلب: دعنى أحبك

Saturday, August 1, 2009

دعنى أحبك

دعنى أقولها لك بدون ترتيب أو تفكير

دعنى أقولها بدون الحفاظ على قواعد النحو أو الصرف

دعنى أقولها بدون قافيه أو وزن

دعنى بكل أرتجاليتى عفويتى طفولتى بدأيتى أقولها

أحبك

أدمنتك لا أستطيع العلاج منك

دعنى أقولها وليتك تقولها أحتاج إليك

أحبك
يسعدنى الأبحار فى حلاوتك و أحبك

أوقاتى باهته بدونك متلألأه بك و أحبك

أيامى رماضيه بدونك مشعه بك وأحبك

أوقع على كل أرصدتى بتعريف واحد أنى

أحبك

# posted by فى القلب @ 1:26 AM

Comments:

اوعدنا يارب
وحشتيني يا اوش اوش
حاولت اتصل بيكي كتير التليفون مقفول او مشغول
مستنيه كتاباتك من فتره
ودايما اجمل من اللى قبلها

# posted by

Unknown : August 1, 2009 at 3:11 AM

حبيبه قلبى اللمضه
أولاً كل سنه وانتى طيبه يا جميله
ثانياً سؤ حظى أنك معرفتيش توصليلى
ثالثاً أعتذر بشده عن التقصير
رابعاً الحمد الله ان النص نال أعجابك

# posted by

فى القلب : August 1, 2009 at 3:43 AM

في السايد بار عندي في مدونتي اللينكات بتاعت التدوينات الجديدة...متعود اني اشوف اخر التدوينات....بجد فرحت جدا جدا لما لقيت ان أوشا ظهرت من جديد...سألت عليكي في مدونتك اكتر من مرة....الحمد لله انك بخير...وكل سنة وانتي طيبة

# posted by

Anonymous : August 1, 2009 at 5:54 AM

السلام عليكم
ما اجمل ان يحيا الانسان بالحب
وكل سنة وانتي طيبة

# posted by

son's egypt : August 1, 2009 at 11:32 AM

وتفتكري اننا ممكن نعلق
انا بصراحه لو علقت هفقد روعه وجمال واحساس السطور
رغم الغيبه عوده متألقه

ملحوظه علي الماشي
كلام الكببببير في حقي ده شرف ليا والله
ومستني رايك في اللي كتبته اللي قلت لك عليه يوم القاضي علي مدونتي

# posted by

مـحـمـد مـفـيـد : August 1, 2009 at 12:02 PM

مصراوى أوى
شكر عميق لأ طمأنانك المستمر فانت أخ كريم
و انا الحمد الله كل حاجه تمام
و مقلتش أيه رأيك فى السطور

# posted by

فى القلب : August 1, 2009 at 5:30 PM

سنز أجيبت
و انت ديما طيب توقيعك نورنى كعادتنا وطبعاً الحب هو بلسم الحياه

# posted by

فى القلب : August 1, 2009 at 5:34 PM

محمد مفيد
بس أنا مصممه على رأى فيك لأنه رؤيه عين وواقع ملموس
أدام الله عليك نعمه الأسره المحبه

# posted by

فى القلب : August 1, 2009 at 5:36 PM

اوشى:::هو دى مدونتك وانا هنا صح؟

# posted by

vision : August 2, 2009 at 4:05 PM

يااااااااااااااااااه بقالك كتيررررر
اولا حمدالله علي سلمتك
طبعا انتي متعرفنيش لانك بقالك كتير بس انا دخلت عندك كتير وقريت بوستات ليكي كتير
وماشاء الله عليكي
بس كل ما ادخل عندك ملاقيش جديد ودخلت بالصدفه انهارده مبسوطه جداااا
ان لقيت ليكي حاجه جديده كمان كان في بوست لابنك ماشاء الله زي القمر فأنا فكركي بيه
ربنا يحفظك ولف حمدالله علي سلمتك ومتغبيش كده كتير
تاني
كتباتك جميله
تقبلي مروري

# posted by

سمكه واحده : August 2, 2009 at 5:13 PM

ما أجمل الحب وحين يستحوذ علينا كلية, حين نعشق البوح به,ونستمتع أى سعادة بذلك.. انه الحب و ما أدراكم ما الحب.. سلمت يداك وابدعاتك يا أووشا .. منال

# posted by

Anonymous : August 2, 2009 at 5:46 PM

كاميرا جيرل
ايوه يا حبيبه قلب أوشى
الفرحه بوجودك هنا مليه قلب اوشى

# posted by

فى القلب : August 2, 2009 at 10:21 PM

سمكه واحده
متحرمش أبدا من متابعتك لى ولقد أدخلتى السعاده على قلبى بكلامك و أهتمامك
وديماً فى تواصل مستمر

# posted by

فى القلب : August 2, 2009 at 10:22 PM

منول الجميل
دعينى أستمتع بالبوح وأدمان العشق حتى لو لم يكن واقعى
ولكن عشقك أنتى واقع ملموس فى حياتى

# posted by

فى القلب : August 2, 2009 at 10:25 PM

حبيبتى ميرسىىىىىىىىىى

خدى البوسه الضخمه جدا دى

# posted by

vision : August 3, 2009 at 12:18 AM

حلوة اوى تسلم ايدك

تحياتى

# posted by

momken : August 4, 2009 at 8:58 AM

This comment has been removed by the author.

# posted by

momken : August 4, 2009 at 10:44 AM

كل سنه وانتى طيبه يا اوشا

كل سنه وانتى طيبه مش بمناسبه رمضان ولا الصيف ولا اعياد تحرير سيناء
لكن بمناسبه البوست بتاعك ماهو برضو بيجى كل سنه مره

منتظر بوستك السنه الجايه

ياترى مين يعيش

تحياتى

# posted by

momken : August 4, 2009 at 10:45 AM

البوست رائع جدا زى ما عودتينا دايما وحساس جدا ربنا ما يحرمش حد من الحب ابدا
ربنا يوفقك ويسعدك
تحياتى
بطوطه

# posted by

tota_fm : August 4, 2009 at 11:05 AM

سعداء جدا بعودتك بعد الغيبة الطويله جداو التي نرجو ان لا تتكرر
تحياتي

# posted by

ذو النون المصري : August 6, 2009 at 1:01 AM

allah ma agmal an ykon el 7ob a7sas aksr mnho klma tkhrg mn el fam wf3l afdl mnho kaol tslm aydak

# posted by

طوبه فضه وطوبه دهب : August 6, 2009 at 9:30 PM

بس ابقى اكتبى علطول بلاش تغيبى
جميل جدا النص المره دى وكل مره
تحياتى
احمد مهنى

# posted by

حزيــــــــــــــــــن : August 7, 2009 at 10:38 PM

(.........................)

# posted by

SEADAWE Fox : August 11, 2009 at 7:18 AM

علمتينى مازعلش من حد اما يكون كده والتمسله الأعزار وانا مش زعلان بس برضه مش عارف اقول ايه؟ !!

# posted by

SEADAWE Fox : August 11, 2009 at 7:22 AM

الله الله الله

# posted by

-_- : August 16, 2009 at 4:54 AM

يااااااااه

حمدا لله على السلامه

كل سنه وانتي بصحه وسعاده
ربنا يرزقك رمضان اعوام عديده ومديده

جميله قوي كلماتك

يارب الفوقه تجيلك كتير علشان نطمن عليكي يا مختفيه انتي

سلااااااااااااااااااااام
اخوكي ايهاب

# posted by

Ehab : August 17, 2009 at 12:34 AM

كل سنه وانت طيبه وبالف خير وصحه وسعاده
ربنا يجعل رمضان شهر خير ورحمه ومغفره لك ولجميع المسلمين

تحياتى
بطوطه

# posted by

tota_fm : August 21, 2009 at 12:19 PM

كلمات جميلة شكرا ليك
ودى اول مرة ازور فيها المدونة دى وان شاء الله متكنش اخر مرة
تقبلى مرورى
http://orphanliberty.blogspot.com
اتمنى الزيارة

# posted by

call to liberty : August 27, 2009 at 1:31 AM

الله .. أخيرا رجعتي تاني للتدوين؟ وبنص جميل ورقيق كمان كالمعتاد؟ ياللا بقى عايزين إستمرارية زي زمان

حلوة قوي فكرة النص ده بجد

كلمة بس عايزة يتصلحوا

أيامي رمادية وليس رماضية

حمد الله عالسلامة

# posted by

يا مراكبي : August 27, 2009 at 1:52 AM

اخيييييييييييييييييرا
حمدلله بسه يا فندم
والله ليكي وحشة جامدة موت

# posted by

admelmasry : September 2, 2009 at 9:08 PM

كاميرا جيرل
شكرا اوى يا حبيبتى احلى بوسه منك

# posted by

فى القلب : September 4, 2009 at 4:15 AM

ممكن
متحرمش يا رب من زوقك يا ممكن
بس هخلف ظنك المره دى
يعنى هكتبه قبل السنه بيوم
هههههههه
لاء و الله كله تبع الألهام
وكل سنه و انت طيب

# posted by

فى القلب : September 4, 2009 at 4:18 AM

توتا فم
ربنا مايحرمناش أحنا من رأيك الجميل يا توتا وميحرمكيش من الحب فى كل حياتك

# posted by

فى القلب : September 4, 2009 at 4:21 AM

ذو النون المصرى
شكراً أوى على الأستقبال الجميل ده والله حاضر لان وجودى معكم يسعدنى أوى
كل سنه و أنت طيب يا ذو النون

# posted by

فى القلب : September 4, 2009 at 4:24 AM

طوبه ذهب و طوبه فضه
أسعدنى رأيك جدا ودمت
وتسلم كل أراأك

# posted by

فى القلب : September 4, 2009 at 4:28 AM

حزين
ربنا يخليك يا حزين وحاضر هكتب وأكتب ومتحرمش

# posted by

فى القلب : September 4, 2009 at 4:32 AM

سعداوى فوكس
متزعلش صدقنى ساعات الظروف أقوى و ألتمس لاخيك مليييون عزر

# posted by

فى القلب : September 4, 2009 at 4:34 AM

شارم
مرسى مرسى مرسى
شارم
صدقنى أنت منور

# posted by

فى القلب : September 4, 2009 at 4:35 AM

الشنكوتى الكبير
شكراااا أوى على تعليقك الجميل
وبعدين حاضر هبطل اخد ألى بخده ده و هفضل فيقه
الشنكوتى مش قادره أقولك أنا سعيده بوجودك أد ايه

# posted by

فى القلب : September 4, 2009 at 4:40 AM

بطوطه الجميله
و أنتى طيبه يا حبيبتى يا جميله

# posted by

فى القلب : September 4, 2009 at 4:41 AM

كول تو ليبرتى

طبعاص يسعدنى و جودك و تعليقك
ويسعدنى أكثر زيارتك

# posted by

فى القلب : September 4, 2009 at 4:43 AM

يا مركبى
شكرا اوى أوى رايك الرقيق كالعاده و الجميل
وأن شاء الله سوف أستمر
وهتلاقى من عينه الرماديه دى كتير مدقش بس الحقيقه أغلبها كى بورد

# posted by

فى القلب : September 4, 2009 at 4:47 AM

أدم المصرى
أزيك يا برنس نورتنى
والله انت الى ليك وحشه و شكراً على الترحيب الذى اسعدنى فعلاً

# posted by

فى القلب : September 4, 2009 at 4:48 AM

الأول الحمد لله انك بخير وانك بترجعى هنا

بس برضه كده بتخليها صعبة عليا انك تغيبى كده

واتمنالك كل الظروف تكون سعيد اوى ومريحة اوى علشان تلاقى وقت تبدعى وتيجى تنورينا بإبداعك دايماً يا رب

على فكرة الكتابااااااااات الجميلة دى كلها وراها سر كده فى شخصيتك انا لسة ماعرفوش

دى مش بس موهبة هوة فى ؟؟حاجات تانية كده?! بس لو اشوفك مرة وتحكيلى تانى عن كتاباتك ...._

# posted by

SEADAWE : September 11, 2009 at 9:41 AM

الحب محتاج قلب شجاع

أيوة Brave Heart

"حب" الكلمة دى جواها كتيييير
جواها روح مربوطة بروح انسان . بمكان بيفكرها بزمان . او حتى صوت بيحى جواها ذكرى . هتعيش ليها بكرة
جواها احاسيس ومشاعر جياشة . بتهز صاحبها بتفضل سهرانة بتفكر طول الليل
محتاجة صاحب نفس طويل . يقدر يقف يصمد و ان طال بيه الليل . يستنى لو حتى نظرة ترضى جواه شعور جميل..

الحب ده مش بس كلمة بتتقال أو بيتكتبلها موال
الحب اول ما بيطلع كده فجأة ولا بيجى كده فجأة88 مشعارف حد يقولى هو ايه من الأتنين؟؟ 88
المهم انه بعد كده بيسكن فى القلب
واول ما يبان بيبان فى العين
وان اخفاه اللسان.

انا سرحت شوية عن الموضوع:

الحب فعلاً محتاج قلب شجاع
يجرى بكل جنان على حبيبه يمسك اديه ويحكيله على كل اللى جواه
ويقف بكل قوة على اول طريقه اللى هيوصله لحبيبه وياخد نفس بسرعة ويجرى على الطريق ويعمل اى حاجة حتى لو كان فيها شوية جنان.

# posted by

SEADAWE : September 11, 2009 at 10:42 AM

1000000/360=
2777.777777777778 سنة

يعنى إحنا فى عمرنا كام الف سنة نستناهم اعزار فى اعزار

(انا بقول انا طيب و بيتنصب عليا بس محدش يزعل منى فى الكلام ده يا ناس)

سيدنا محمد - صلى الله عليه وسلم - قال 70 عزر بس..

وبعد كده نروح المحكمة

انا قصدى حرام كده كل ما الظروف تدينا نعد مخنوئين ونخسر نفسنا شوية
كده الضروف هتغلبنا دايماً

لأ دى كل ما تعند معانا لازم نقف نكون اقوى اقوى منها لا تغلبنا

بلاش نخسر حتى المكان الوحيد اللى بننطلق فيه بحرية وبنقول اللى نفسنا نقوله فيه

وبنلاقى دنيا تانية مليانة قلوب صافية بتحبنا فى (( مكان فى القلب ))
المكان ده ملكك دى دنيتك الجميلة اللى انتى اختارتيها بنفسك

أصل انا برده بدائت اقوم اقف بسرعة بعد كل مرة اقع فيها

يعنى الحياة حلوة لو نعيشها بنفس قوية

الفن لغة بتخاطب الروح والجسد والعقل والقلب وبيفهمها كل اجنبى او عربى حتى إن كان حشرة او حيوان او انسان . الكل بيفهماها

يعنى الأناشيد الوطنية اللى كان بيرددها الجنود اللى كانت وقود لنار الحماسة جوة الجنود

يعنى الواحد يدورله على كام اغنية جميلة يسمعها ديماً وتحمسه
وبكدا نبقى اضفنا حاجة تقوى حماسنة شوية

كل واحد عارف طريق نجاحه ازاى بس الكسل والتخازل بقى اخطر عدو دلوقتى دلوقتى

انا اسف لو كان كلام كتير

# posted by

SEADAWE : September 11, 2009 at 11:58 AM

اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا اوشا

مش قادرة اصدق بجد
بوست !!!!!!!

والله منورة منورة منورة بلوجر كله

اوشا انتى وحشتينى اويييييييييي

انا نفسي اطمن عليكى بجد يارب تبقى كويسة

وحشتينى جدا جدا من هنا لغاية اخر الدنيا ومفتقداكى بجد بجد بجد

--------------------

البوست جميل واحساسه عالى اوى
فعلا هيا كلمة مش محتاجة ترتيب ولا تزويق حاجة تتعاش وتتحس بس

ربنا يسعد كل اللى بيحبو .. ويريح بال الجميع يارب

طبعا كل سنة وانتى طيبة بمناسبة العيد ورمضان وكل المناسبات الجميلة اللى مرت واللى هتمر

تحيااااااااتى

# posted by

Hadota ... حدوتة : September 11, 2009 at 1:32 PM

كثيرا ما تكون اعذب الكلمات هى تلك التى تنطق بلا كلمات
دعى المشاعر تنساب بلا قيود بلا كلمات

تحياتى

# posted by

lonely : October 9, 2009 at 9:22 AM

انا جاى اسال واطمن عليكى

عامله ايه يا اوشا

يارب تكونى بخير

تحياتى

# posted by

momken : October 27, 2009 at 1:15 PM

كل سنة وانتى طيبة

عيد سعيد

مع خالص تحياتى

# posted by

Tamer Nabil Moussa : November 27, 2009 at 12:07 PM

thank you

سعودي اوتو