مكان فى القلب: خفى حنين

Sunday, September 9, 2007

خفى حنين

أنا وسحركش المدونه العظيمه والأنتيخ و توأمى الروحى
لفينا فى الصحراء المسماه المدن الجديده
بسسب أن زوجها صديق طفولتى وألى عارف أدق طفاصيلى المدون العظيم نيو أمدج بقه مقرش كبير جدا جدا
المهم بعتلى مراته توأم روحى عشان نلاقى أى شقه تكون شيك ومش بفلوس كتير يعنى كبيرهم المتر ب 100 جنيه
مع أنهم مقرشين بس من النوع الحريص شويه
ما علينا ......... وطبعاً دى ثالث مره على التوالى ننزل ندور
طبعاً ماهو عجل عربيتى أنا ألى بيدوب....يلا كله فدى الأخوه و الصداقه و الخاتم الماس ألى وعدتنى بيه لما تغتنى
مع أنهم مقرشين بس من النوع ألى بيخاف من العين شويه
و طبعاً كمان و الأهم عشان خاطر عيييييون مادو بسسسسسسس
ما علينا..........المهم مشينا بلاد تحطنا وبلاد تشلنا وعدينا على صحارى ونجوع وواحات وأقل شقه بتبداء ب ربع أرنب محمر
ونلاقى ناس يقولو العراقين هما ألى رفعو الأسعار يا دى المصيبه هى السياسه ورايا ورايا
وطبعاً بفعل الهزيان و المشى تحت الشمس الحارقه و الأسعار الحارقه بدأت الرقيقه توأم روحى تهذى يعنى دخلنا مدينه سكنها الأشباح والمبانى قديمه و الشبابيك متأكله لدرجه تتصور أن سفاح المعادى بينظر لك من بين ثقوبها و الغربان فى زواياها
بدأت توأم روحى تهزى بكلام من نوع شايفه البلكونات الفرفورجيه شايفه كميه الأخضر تخيلى الأولاد وهما بيلعبو شيفه البلكونات البحريه
طبعاً أنا قاعده أقول فى سرى لا حول ولا قوه ألا بالله الغفير بيقول مبنيه من عشر سنين ومش لقيه حد يسكنها
المهم توأم روحى جلها أحباط من تحت الباط بعد بحث يومين متصلين
ورجعت تانى لصديق طفولتى المقرش جدا بخفى حنين
وقرارو يتنازلو ويتواضعو ويفضلو بفلتهم الكائنه على ضفاف نهر الأمازون.............تواضع بقه

# posted by فى القلب @ 2:51 PM

Comments:

اول تعليييييييييييييق عند رائدة وبطلة المدونين واختهم

# posted by

rack-yourminds : September 9, 2007 at 3:34 PM

انا بحجز بس ..ولسة هدخل اقرأ

ثوانى وراجع يا قمر

# posted by

sa7arkash : September 9, 2007 at 3:40 PM

كمان دمك خفيف جدا

ضحكتيني بجد

اه بقي انتي طمعانه في الخاتم الماس اللي وعدتك بيه ههههههههه

فله علي ضفاف نهر الامازون ههه فعلا اصدقائك دوله ناس غلابه هههه

ربنا يخليكم لبعض والمره الجايه لو كان فيه تاني مرات وترجعوا بمفتاح الشقه

تحياتي لكي يا رائدة المدونين

# posted by

rack-yourminds : September 9, 2007 at 3:53 PM

واحد أنتى مش الصحفى الذهبى بجداره
ده أنت المدون الماسى كمممممان

# posted by

فى القلب : September 9, 2007 at 5:19 PM

سحركش
مستنيييييييييييييياك يا جميييييييييييييل

# posted by

فى القلب : September 9, 2007 at 5:20 PM

الصحفى الذهبى و الماسى و اليقوتى
الحمد الله انك ضحكت
ده من دوااااعى سعادتى
وربنا فعلا يخليها ليه ويارب تلاقى ألى فى بلها ويبلغها أملها يا قادر يا كريم
وياااااخد الأمريكان ألى كانو السبب
هههههههه
منورنى يا جميييييل

# posted by

فى القلب : September 9, 2007 at 5:23 PM

معرفتش قيمة المدونة الا لما أتاكدت ان احلام جيل الايام دى مش حتتحقق الا هنا و بس

# posted by

Unknown : September 9, 2007 at 5:39 PM

ده انا كان بقالي ساعتين هنا
ياااه يا صاحبة القلب الكبير والضحكة الصافية
ده حظي جميل ان خطرت في راسي اني اتابع الجديد في التدوين ... الاقيكي نشرتي بوست جديد

هوه اه من النوع العائلي
بس ادينا كلنا عيلة
وندور معاك علي الشقة لو حبيتي بس الزوجين السعداء باين احبطوا .. وحيفضلوا في الامازون

ههههههههه

ربنا يسعدهم ويسعدك
وكل اللي بيدور علي شقة يلاقيها

# posted by

مجهول : September 9, 2007 at 5:56 PM

هو الأمازون مش وحش بس مشكلته في الناموس
وبعدين كمان الخفين مش وحشين من حصيلة المشوار على بال ما الخاتم الماسي يوصل

كل عام وأتم بخير

# posted by

عصفور المدينة : September 9, 2007 at 8:48 PM

lo0ol :D maskhara :D

# posted by

~ Bato0ot ~ : September 9, 2007 at 9:29 PM

نيو أمدج
أبدا واللهى أن شاء الله سوف تتحقق الأحلام وهيبقى كله تمام
يا باااااااشا
ولا يهمك
هنيجى نبارك قريب أوىىىىىى على الشقه بتنورنى يا قمر

# posted by

فى القلب : September 9, 2007 at 10:44 PM

المجهول
طب كنت صفر ولا شاور أجى أقف معاك
أه لو كنت أعرف كنت جيت جرى
طبعاً عيله
وأنا أطول أنك تبقى من عيلتى يكفى السبب ده بس أنى أنتمى لعام التدوين
ومتحرمش من طلتك الجميله
وضحكتك المنيره
ووجودك الباهى
يا رب يدوم التواصل الرائع ده

# posted by

فى القلب : September 9, 2007 at 10:52 PM

أستذنا عصفور
طبعاً أنتى عارف وجودك أد أيه بيشرفنى ويسعدنى
ووجودك ده حاجه كبيره لا توصف بالحروف
وفعلاً كل حاجه نعمه حتى الناموس أكيد له فيده مش عارفينها
ويسمع من بقك ربنا ويغنيهم بسرعه عشان الخاتم يجى بقه
أدى أحنا صابرين
هههههه
نورتنى جدا

# posted by

فى القلب : September 9, 2007 at 11:07 PM

بطوط
يا قمرتى يا جميله
لووووول
أنتى ألى مدهش وقمر

# posted by

فى القلب : September 9, 2007 at 11:09 PM

السلام عليكم
كل انسان بيحلم باللي يتمناه وفي احلام بتتحق وفي احلام علي راي المسلسل في المشمش

# posted by

son's egypt : September 9, 2007 at 11:29 PM

اووووووووووووووووووووشا

انا علقت لك ببوست عندى نورينى وشرفينى وعلقيلى

يا انتيخى انت يا جميل

# posted by

sa7arkash : September 10, 2007 at 2:28 AM

هههههه..يا حرام...ساكنين على النهر كده مع التلوث والتماسيح المنطلقة في الاحراش

انا بقول انك تنسي موضوع الخاتم ده شوية رأفة بحالهم..دول حتى مش قادرين يعزلوا يعيشوا في حتة امان شوية تكون اقل تلوثا
:DDD

# posted by

Layla : September 10, 2007 at 3:51 AM

يا قلبنا
كل سنة وانتى طيبة ومبسوطة وسعيدة وفرحانة ولا يحرمنا منك
الكل بقى بيستغل طيبة قلبك حتعملى ايه
خاتم الماس ايه يا بنتى ده انتى الالماس
اما موضوع الشقق ده موضوع يجن الله يكون فى عون اللى حيتجوزوا وربنا يقويهم يا رب
اصبحت مشكلة المشاكل
اما اللى عندهم فيلا
ليه يدوروا على شقة مش فاهمة احلى حاجة السكن المنفصل بعيد عن جيران
دول المفروض فى نعيم مش الفيلا هى اللى نعيم
النعيم هو الخصوصية
بدون ازعاج من جيران
انا سمعت ان فى اسكندرية اقل متر فى الشقق 2000 جنيه
الناس علشان تجيب شقة متوضعة 100 متر
عايزة 200000 يا نهار ابيض
ربنا يقوى الشباب والله
ويسامح حكوتنا
وتحياتى يا عسلتنا
وكل سنة وانتى طيبة

# posted by

Esmat : September 10, 2007 at 9:16 AM

This comment has been removed by a blog administrator.

# posted by

Anonymous : September 10, 2007 at 10:46 AM

سنز أجيبت
أن شاء الله ربنا يحققلنا أملنا كلنا
ويكرمنا
فى المشمش
عين بتغمز

# posted by

فى القلب : September 10, 2007 at 11:53 AM

سحركش
أوك يا قمر

# posted by

فى القلب : September 10, 2007 at 11:53 AM

مارفل
نورتنى جدا يا مارفل و شرفتنى
وحاضر يا سيدى
هأجل حكايه الخاتم دى شويه
وربنا يسهل لعبيده
شكرا جدا يا مرفل على تشريفك

# posted by

فى القلب : September 10, 2007 at 12:04 PM

عصمت
يا جميله
الللللللله كلمه قلبنا دى مستنى أوى يا عصمت
ربنا ما يحرمنى أنا منك
واللهى يا عصمت أنا بحبك أوىىىىى فى الله
وربنا يكون فى عون شبابنا وفى عونا أحنا كمان يا جميله
نورك مفيش كلام لوصفه من شدته

# posted by

فى القلب : September 10, 2007 at 12:10 PM

بالفعل

نلاحظ كلنا ارتفاعاً جنونياً في اسعار العقارات والاراضي

ماكان سابقاً بمائة اصبح بثلاثمائة

!!!!!!!!

بدون أي تبرير وبدون أي انذار

!!!!!!!!

اعجبني للغاية ربطك بين اسعار الشقق وبين السياسة , حتى يعلم الجميع انها حلقة كبيرة تربط بين كافة الاصعدة

تحياتي مكان في القلب

وحاولى ان تقنعى صديقتك بالاكتفاء - حاليا - بالبقاء على ضفاف الامازون

:)

:)

:)

# posted by

صاحب البوابــة : September 10, 2007 at 12:14 PM

كل التعليقات الجميلة دى مخليانى فعلا
موش عارف أقولك حاجة لكن أنتى أنسانة فى منتهى خفة الدم والرقة ويارب يسعدك دايما
وياريت تشوفيلى شقة والنبى علشان أنا من أصحاب الحظ السئ
تحياتى يا أجمل أنسانة

# posted by

محمود التابعى : September 10, 2007 at 1:26 PM

في القلب
كل دا شوفتي هفي اللفة دى
هما العراق هما اللى رفعو الأسعار
الله يرحم زمان أيام صدام
أقول ايه بس
نازل عايزة تعيش في 100 متر وناس عايزة بالفعل في ألف متر
.........
يالا ما هو زمن العجايب
المهم
قبل ما انسى
انا جاية أعزمك على حفلة النهاردة أنا وطيور الظلام
وهاستنى تعليقك
سلام يا جميل
نلتقى هناك
تحياتي
ريال لف

# posted by

real love : September 10, 2007 at 2:25 PM

رمضان كريم
وكل سنة وانت بخير

جميلة ومتألقة زى ما انتى كدة

سلامى للعائلة الكريمة

# posted by

Anonymous : September 10, 2007 at 2:31 PM

صاحب البوابه
شرفتنى جدا يا صاحب البوابه وبتنورنى بحضورك الجميل
وفعلاً الغلاء و أرتفاع الأسعار غير طبيعى
وفعلا السياسه نازله لنا من الحنفيه
وأنا مش محتاجه أقنعها هى لوحدها
وأمر واقع هتفضل فى مكانها
ربنا معانا يا صاحب البوابه

# posted by

فى القلب : September 10, 2007 at 3:13 PM

محمود التابعى
أولا أنتى كلامك غالى جدا جدا
يعنى ديما هستناه و منتاش صاحب حظ تعيس ولا حاجه
واحنا نجيب أفخم شقه فى الدنيا عشان تليق بيك
ومنورنى جدا جدا يا محمود

# posted by

فى القلب : September 10, 2007 at 3:16 PM

ريال لف
فعلا يا حياتى ربنا يرحم أيام صدام

متحرمش يا قمر على العزومه وحالاً على هناك و مقبوله مقدماً طببببعاً
بتنورينى يا جميله و بتشرفينى

# posted by

فى القلب : September 10, 2007 at 3:18 PM

شهر
يا قمرتى يا منوره
يا بهيه الطله
كل لحظه فى حياتك وانتى رائعه وشمس الكون كالعاده
كل رمضان وأنتى طيبه

# posted by

فى القلب : September 10, 2007 at 3:20 PM

كل عام وانتي والاسره الكريمه بالف صحه وسعاده
ورمضان كريم

# posted by

مـحـمـد مـفـيـد : September 10, 2007 at 3:34 PM

السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير

# posted by

رينـــــــــــا : September 10, 2007 at 3:50 PM

قال المتر بـ 100جنيه قال
هما الاناتيخ بتوعك اول مرة يجو
بلدنا ولا ايه
قال المتر بـ 100جنيه قال
دا أحنا مرحمناش الاجئين الهاربنين
من التطهير العرقى
وعاوزانا نرحم بتوع الامازون هيها هيهاقال المتر بــ100جنية
مش ناقص الا تقولى الشباب المصرى والحاجات التانيه دى
فوقى صحابك وعرفيهم انهم فى مصر
ولا اقولك
خدى منهم التفتوفه
وهاتى الخاتم والشقة كدا كدا
حلها فى ايد امريكا
تحياتى وتقديرى

# posted by

حسن مشالي : September 10, 2007 at 3:54 PM

مش كنتى تقولى يا أوشا إن فيها
خاتم ماس

أنا لو كنت اعرف كده كنت خرجت معاكو

عسولة يا اوشا والله

بحبك اوووووووووووى

# posted by

Doaa Ebrahim Aaql : September 10, 2007 at 9:10 PM

محمد مفيد
شرفنى وجودك جدا جدا يا محمد و أسعدنى
وكل سنه وأنت طيب
اللهم بلغنا رمضان
شكراً ليك يا محمد

# posted by

فى القلب : September 10, 2007 at 9:53 PM

رينا
أسعدنى وجودك جدا و شرفنى وجودك و نورنى للغايه
وكل شهر و أنتى طيبه يا رينا

# posted by

فى القلب : September 10, 2007 at 9:57 PM

حسن مشالى
أيه يا عم حسن مالك كده داخل متنرفز
وحامى علينا
طب مسى الاول
يا عم ربنا يا خد الأمريكان ويشلهم من وشنا
عشان خاطرك أنت بس
روووووووووق كده يا حسن
وشرفتنى جدا جدا و نورتنى اوىىىىى

# posted by

فى القلب : September 10, 2007 at 10:00 PM

برنسس دودو
الهوانم اللى ذيك يستنوا مكانهم على العرش وأحنا بنفسنا ألى نجيب ليهم الخواتم الماس
من غير ما يخرجو و يتعبو نفسهم

بموت و بدوب فى حبك يا قمرى

# posted by

فى القلب : September 10, 2007 at 10:03 PM

انا شايفة ان الحرص في الفلوس مش لي لازمة انا شايفة اني ادفع و خلاص بدل ما الف و يجيلي احباط و انا ضامنه اعيش ؟؟؟؟ ادام ربنا موفر لي الفلوس استفيد من نعمتة الي ميزني بيها و هي الفلوس ايه لازمتها الا انها تتصرف المهم اعييييييييييييييييييش يا اوشا

# posted by

حنين و حنان : September 10, 2007 at 10:12 PM

bambino

# posted by

حنين و حنان : September 10, 2007 at 10:12 PM

مادام الحكايه فيها خواتم وفلوس
انا فيها لاخفيها
ادينى قلت اهو
كل سنه وانتى طيبه يا جميل
وربنا يديم صداقتكو

# posted by

horas : September 10, 2007 at 11:35 PM

أنا شايف إن أصحابك الأمور معاكسة معاهم لأنهم شكلهم كده محسودين بس مش عارف من مين

:-D

# posted by

يا مراكبي : September 11, 2007 at 12:00 AM

بجد انتى زى العسل كالعادة
ايه يا عم خفة الدم دى ؟؟؟؟؟؟؟

و الله بجد

انا فاتنى يا خسارة مواضيع كتير
انا للأسف مش بدخل النت غير فين و فين
لظروف

بس قلت أسأل حتى لو مش هتسألى

يرب تكونى فاكرانى أصلا
و قولى لصحبتك و جوزها المتر دلوقتى بألف جنيه مش بمية !!!!!!!!!!!!!!

اشوف مدونتك على خير دايما
و نقرالك علطول ان شاء الله

تحياتى

# posted by

Eman Eltaher : September 11, 2007 at 7:02 AM

أحساس شاعر
واللهى البنت لو كان معاها كانت ولا لفت لأن هيه عايزه حاجه شيك بس العين بصيره واليد قصيره
نورتينى جدا جدا وشرفتينى جدا

# posted by

فى القلب : September 11, 2007 at 9:59 AM

مش عارف ازاى مكنتش باجى قبل كده ؟
لكن عامة اكيد هكون من الزائرين الدائمين
..
تحياتى

# posted by

انكسارات .. احمد البوهى : September 11, 2007 at 9:59 AM

حورااااس العظيم
أنتى يا مان تأمر
شاور أنتى بس على أى عرررروسه
وأنتى هتلاقينا جرى شيلين الدهب و المرجان و اليقوت لرجلين سعتك
أأمرنا يا ملك
ومنتحرمش من نورك الكبير علينا و لا تشريفك

# posted by

فى القلب : September 11, 2007 at 10:03 AM

يا مراكبى
أولاً واللهى أنتى بتنورنى لأقصى درجه
وتشريفك ليا ده شئ غالى جداً
بسسسسسسسسسسسس ليه كده
شمه حاجه مريبه فى تعليقك
ده أنا غلببببببان
نورتنى و نورت النت كله

# posted by

فى القلب : September 11, 2007 at 10:06 AM

إيماااااان الطااااااااهر
وحشتتتتتتتتتتتتتيييييينى
كنت مفتقداكى جدا جدا
أنت فى القلب من وجوه يا قمر وألى يدخل القلب مش بيطلع للأبد ربنا يخليك ليا يا جميل
وأنا مقصره فى السؤال عشان دخله رمضان و المدارس
ونورتينى أوىىىىىىى يا جميله

# posted by

فى القلب : September 11, 2007 at 10:10 AM

أنكسارات
أولاً نورى زاد بتشريفك
ثانياً أنتى تشرفنى فى أى وقت هتلاقينى فى أنتظارك
أنا فى منتهى السعاده انك لقيت هنا
نورتنى جداً و شرفتنى

# posted by

فى القلب : September 11, 2007 at 10:13 AM

اول مره اجي عندك ولسه عايز اقولك نبقى اصدقاء الاقيكي مشرده اصحابك وفضحتيهم كده يا ساتر عليكي عموما برده تشكري على المشاوير اللي عماله تعمليها بدافع الأخوه والصداقه والخاتم الألماس طبعا
نورتيني واتشرفت بيكي
سلاااااااااااااااااااام
اروح اقلب بقية مدونتك واتفرج عن اذنك

# posted by

Ehab : September 11, 2007 at 10:42 AM

الحمد لله انا فيلتي جاهزة كده وعلى ادي كمان مش هدور كتير ومش هتعب حد معايا وبعدين دول صحاب يتعبوكي كده مش حلو اقولك اخلعي منهم ....ههه لا طبعا ربنا يخليكم لبعض ويديم المعروف

# posted by

truelove : September 11, 2007 at 10:46 AM

الشنكوتى الكبير
طبعاً صدقتك دى حاجه أفخر بيها جدا
ويا رب ديما على طول بود

ويا سيدى مش كل حاجه فى الدنيا الفلوس

أهم حاجه الماس
هههههه

نورتنى أووووووووووووووى يا شنكوتى وشرفتنى صدقتك

# posted by

فى القلب : September 11, 2007 at 1:12 PM

ترو لف
واللهى ولو مكنش فيه فيلا
نلفلك أى خدومه
أحنا تمام أوى و نسد
ولو الواحد يعرف يخلع من روحه أو من دمه كنت خلعت من زماااااااااان

شرفتنى أوووووووووى و نورتينى يا
ترولف

# posted by

فى القلب : September 11, 2007 at 1:19 PM

السلام عليكم
اوشتى حبيببتىىىىىىىى
وحشانى والله

خيرا خلصت امتحان وهلجأ عندك فى المدونة بتاعتك

طب تروحوا تدوروا من غيرى؟
دا كلام برده؟؟؟

طب مجيتوش شبرا ليه؟؟؟
دى حلوة والله
اه صحيج الاسعادر ضاربة شويه بس هتلاقى شقق

عموما وحشتينى
اوىىىىى

# posted by

Hadota ... حدوتة : September 11, 2007 at 1:22 PM

السلام عليكم ورحمة الله وبركاته
أنا بقول التواضع أحسن وخصوصا لما تكون على نهر الأمازون ماله التواضع
بس يا عينى ضاع عليكى الخاتم الماس
سلميلى على توأم روح حضرتك كتير كتير
أسعدنى هذا البوست وأبكى الغلابه
وكلنا فقراء الى الله
دومت بخير أختى الفاضله ودائما ما تسعدينى بمواضيعك التى تناقش قضايه اجتماعيه هامه من واقع تجارب محسوسه
مناقشه دون سأم
ولو ان هى مقرشه شويه
ههههههههه
دومت بكل خير دوما
وسلميلى على أولادك كتير ويارب نبلغ رمضان ويتسلمه منا مقبولا
والسلام عليكم ورحمة الله وبركاته

# posted by

مؤمنه : September 11, 2007 at 8:10 PM

سلام عليكم
ازيك يا اوشا
بوست جميل بس كنت عايز اعرف مقاش الخف ايه عشان يفرق اوي المقاس
تحياتي وادعي لي في رمضان
اخوكي الصغير
بيدو

# posted by

بيدو : September 11, 2007 at 8:27 PM

السلام عليكم
اوشا الجميله معلش ملحقتش اقرء البوست انا عارفه انا اللى خسرانه
بس كنت عايزه اقولك كل سنه وانتى طيبه
وربنا يجعله خير على المسلمين اجمع

# posted by

نسرين - أمة الله : September 11, 2007 at 9:02 PM

حدوتى
يا جميله ده أنا بتمنى تفضلى عندى هنا على طول
وأنتى ألى كنت فى الأمتحان مشغول لولا خوفى على مصلحتك يا قمر كنت ختك تلف معيا
واحنا نطول شبرا ولا ناس شبرا
دول أحلى و ألذ و أجمل ناس
منورنى يا قمر وألف مبروك على الأمتحان

# posted by

فى القلب : September 12, 2007 at 1:37 AM

مؤمنه
أهلا أهلا يا حبيبه قلبى
بتنورنى أوىىىىىىى يا قمر
كلا و ألف كلا لم يضع سوف أظل وراه وراه
وفعلا يا حياتى كلنا فقراء ألى الله
ونورتنى أوىىىىىىىىى يا قمر و شرفتينى
يا رب متحرمش من كلامك الحلو

# posted by

فى القلب : September 12, 2007 at 1:43 AM

بيدوووووووووووووو
السلام عليك ورحمه الله و بركاته
منورنى جدا جدا يا بيدو
بس مش فاهمه يعنى أيه مقاس الخف
مش فاهمه أرجوك فهمنى و انا أجاوب على طول
بتشرفنىىىىى أوىىىىىىى يا بيدو
وأحنا الأتنين ندعى لكل الأمه فى رمضان
كل سنه و أنت طيب و بصحه

# posted by

فى القلب : September 12, 2007 at 1:49 AM

نسرين أمه الله
تقراء ما تقرأش كفايه تشريفك ده بالدنيا كلها
وأنتى طيبه يا عنيه
وكل لحظه فى حياتك الغالين عليكى و أحبائك ديماً حوليكى

# posted by

فى القلب : September 12, 2007 at 1:54 AM

انا بس جايه افولك رمضان كريم لكى وللاسرة الكريمه
وبعدين معلش يعنى اذا كان المتكلمه مجنونه تبقي اللي بتسمع ايه؟؟
قولي لصاحبتك ال100 جنيه دى ما تجيبش 2كيلوونص لحمه وما تجيبش جزمه لو ابنها داخل مدرسه يعنى ترحمنا واهديها بمناسبه ذكري 11 ستمبر فيلم كراكون في الشارع ممكن ويمكن ويجوز تقتبس منه فكرة تنفعها ولو انى اعتقد برضه ان فلوسها مش ها تكفي هههههههه

# posted by

بنت القمر : September 12, 2007 at 3:02 AM

جيت عشان اقول بس كل سنة وانت بالف خير

# posted by

عصفور بلا أجنحة : September 12, 2007 at 3:35 AM

العزيزة الغالية أوشا
آسف جداً إني متأخر في تعليقاتي وأوعدك إنها تكون آخر مرة بس مش أوي يعني !!!!
البوست بتاعك جمي وزي ما عودتينا دائماً على كلامك الحلو وصراحتك الجميلة
وبالنسبة لجوز صاحبتك ده باين عليه مقرط مش مقرش
تحياتي ليكي جداً

# posted by

nosha : September 12, 2007 at 4:09 AM

عزيزتى
صدقينى لو مفيش العراقيين هتلاقى الحرميه مفيش الحراميه هتلاقى اسعار الحديد الحديد يهدى هتلااقى الاسمت
كله يهدا هتلاقى السجاير
هتقولى مبشربش
هى الحكومة كده عاوزه كل شويه حاجه تحصل تقولى هى السبب
الحمد الله ان مفيش فى الجنة قائد ولا زعيم
ولا حتى فى النار فيها
منهم لله
كل سنة وانتى طيبة
سلام

# posted by

احساس لسه حى : September 12, 2007 at 9:50 AM

كلنا ندخل نسلم ونشوف جديد

يا ريت تكتبينا موضعين كل اسبوع بدل ماهو موضوع واحد فقط
كل سنه وانتي طيبه

# posted by

rack-yourminds : September 12, 2007 at 1:57 PM

كل سنه و انتي و صديقتك و زوجها بالف خير
الشقق في مصر يا اما غاليه جدا في اماكن زحمه جدا
او غاليه جدا في اماكن صحراويه لا تجد من يسكنها لشدة بعدها عن العمار و هذا من سوء التخطيط العمراني
لو يعملوني وزير اسكان!!!!!!؟؟؟؟؟
تحياتي

# posted by

ذو النون المصري : September 12, 2007 at 2:27 PM

انا مش عندنا ازمة سكن بل ازمة فكر

تحياتى

# posted by

Tamer Nabil Moussa : September 12, 2007 at 7:42 PM

السلام عليكم

متأسف جدا عن غيابي عن صفحاتك

رمضان كريم
وكل سنة وأنت وعائلتك الكريمة بألف خير

خالص تحياتي

# posted by

Anonymous : September 12, 2007 at 8:22 PM

بنت القمر
يا سكرتى
دى جوزها مقتدر و لا بيهمه
يعنى ممكن من 100جنيه احد 300جنيه
أحنا ولا بيهمنا
أه
أحنا بنحب الفنيخه جدا
كراكون فى الشارع
ماشى يا قمر نجربو الموضوع ده

نورتنى يا جميله وشرفتى المنطقه

# posted by

فى القلب : September 12, 2007 at 10:09 PM

عصفور بلا أجنحه
كل عام وانتى بألف صحه وأمنياتك محققه على أخر الشهر الكريم بأذن الله

# posted by

فى القلب : September 12, 2007 at 10:11 PM

نوشا
أنتى عارف أنك تيجى فى أى وقت
لأنى ديما بستناك وديما منور و ديما مشرفنى
شكرا ليك يا نوشا

# posted by

فى القلب : September 12, 2007 at 10:14 PM

أحساس لسه حى
فعلا معاك حق هما بيتلصموا يرفعو الأسعار بأى طريقه
وشكرا كتير لزيارتك الجميله ألى ديما بتشرفنى و بتنورنى

# posted by

فى القلب : September 12, 2007 at 10:17 PM

ذو النون المصرى
أنتى وزير الفن و الجمال و الأبداع
مش محتاج وزاره الأسكان ألى كلها زلط و رمل مش يليقوا مع حد حساس زيك
بتنورنى جدا يا ذو النون و بتشرفنى

# posted by

فى القلب : September 12, 2007 at 10:21 PM

واحد
حاضضضضر يا صحفى يا ذهبى كلامك أوامر

# posted by

فى القلب : September 12, 2007 at 10:23 PM

تامر نبيل
شكرا لتشريفك ليه جدا جدا
واحنا عندنا
فسسسسسسسسسسسسسساد
نورتنى

# posted by

فى القلب : September 12, 2007 at 10:25 PM

سندباد
أهلا أهلا أهلا أهلا
ياه ه ه ه ه
تعليقك له وقع خاص فى نفسى
شكراً لك زيارتك فى أى وقت
وكل سنه وأنت طيب

# posted by

فى القلب : September 12, 2007 at 10:29 PM

بصراحة انا لسة مشكلة النت متحلتش بس مقدرش اقعد على النت من غير ما اعلق عند اوشا
بصراحة البوست لذيذ جدا و عودتينا على خفة دمك الرائعة دوما
و فعلا الاسعار كل يوم في ازدياد مش عارفين هنتجوز ازاي

# posted by

ابن رشد : September 13, 2007 at 2:31 AM

أنا جيب أعزم في القلب اللى مكان خاص جوا القلب
على اول حفلة دينية رمضانية بعنوان وقفة بين يدي الله ومستنيا الرأي من أجمل مكان في القلب
..
ريال لف

# posted by

real love : September 13, 2007 at 11:09 AM

شمس
كل سنه و انت طيب ويا رب ديما التواصل الجميل ألى بينا ده يفضل على طول
وأنتى بتشرقنى جدا جدا
وغلاء الأسعار فى كل شئ مشكله فعلاً
وطبعا شايف النور فى كل حته بجودك

# posted by

فى القلب : September 13, 2007 at 3:10 PM

رايال لف
طبعاً عزومتك مقبوله يا قمر
ده شهر كريم و يحب اللمه حوالين حب
الرحمن
شرفتنى يا جميله

# posted by

فى القلب : September 13, 2007 at 3:14 PM

كل سنه واتنتي طيبه
ادعي في اليالي الفضيله ان ربنا يكرمهم ويسهلهم

ويهديلهم شقه تكون على قدهم كده

# posted by

اسكندراني اوي : September 13, 2007 at 3:33 PM

كل سنة وانتى بخير وطيبة
يا رب رمضان كريم عليكى
يا رب يعينك الله فيه
ويتقبل منك جميع اعمالك
وشهر رحمة عليكى
ويغفر الله لكى فيه
وبارك الله لكى
وجزاكى كل خير
يا قلب المدونات

# posted by

Esmat : September 13, 2007 at 8:21 PM

مع اني مش قادر اربط علاقة العراقيين بالموضوع كده
بس يالله
منها لله المنيلة اللي ورا كول الكلام والخراب ده
ربنا يهدي الجميع

# posted by

أحمد سلامــة : September 13, 2007 at 8:22 PM

سكندرانى اوى

أهلا أهلا أهلا أهلا
يعنى أقول أيه فى النور ده كله

كل سنه و أنت و الأسره الكريمه بخير
ويا رب يديهم كل ألى فى بالهم و يجعلهم من السعداء
أنتى ديماً بتشرفنى يا أسكندرانى

# posted by

فى القلب : September 13, 2007 at 10:39 PM

عصمت
حبيبه القلب من جوه
ربنا كرمنى و الله بمعرفتك
بحس بحبك بالرغم من البعد أد أيه انتى طيبه أوى يا عصمت
ربنا يحققلك كل الى فى بالك ويسعدك أنتى و العائله الكريمه
كل سنه وانتى طيبه يا حبيبتى

# posted by

فى القلب : September 13, 2007 at 10:45 PM

أحمد سلامه
شرفتى جدا جدا يا أحمد وديما ديما بتنورنى
بص يا جميل أفهمك ما العلاقه بين العراقين و الأسعار
بيقلك فيه 80ألف عراقى موجدين فى 6 اكتوبر لوحدها
كل عراقى معاه 4مليون على الأقل وده يعتبر الفقير
نذحوا على مصر بفعل الحرب
وبداو يشتروا الاراضى و الشقق بجنون و بأى سعر
طبعا كانو سبب فى أرتفاع الأسعار لأنهم وضعوا أسعارهم هم
مش أسعار المصرين الغلابه صاحبه الأرض

وربنا ينتقم من الأمريكان السبب
وينتقم من كل ألى سكت على أفعالهم

شرفتنى أوى أوى يا احمد

# posted by

فى القلب : September 13, 2007 at 10:53 PM

كل سنة وانتي طيبة
ورمضان كريم ليكي ولأهلك

ويارب دايما سعيدة

# posted by

نهى جمال : September 13, 2007 at 11:13 PM

نهى جمال
أهلااااااااااااااً
بالشمس النيره وروعه الأحساس و الأبداع
نورتينى يا قمر يا رب متحرم
من زوقك العالى
وكل سنه و أنتى بألف صحه و سعاده

# posted by

فى القلب : September 13, 2007 at 11:30 PM

بصراحة صعبوا عليا جدا

الواحد قلبه بيتقطع عليهم وعلي الفيلا اللي ساكنين فيها ياعيني بتاعت النموس علي راي الاستاذ عصفور

بس انا من النوع الايجابي

وافدي اصدقائي بنفسي

ولذلك انا بعرض علي اختنا العزيزة اني اتنازلهم عن مسكني المتواضع واروح اسكن بدالهم في فيلتهم المتواضعة علي نهر موزمبيق حتي

بس اقراص كيتو علي حسابك انتي بقي يا في القلب

ايوة لازم تشاركي اخوانك بحاجة

# posted by

القلم السكندري : September 16, 2007 at 8:47 PM

ههههههههههههه

القلم السكندرى تشكر يا ذوق منتحرمش من عطفك علينا

ومن عونيه الكيتو هضيفه على ميزانيه البيت و أمرى لله

أدى أخره الأخوه غرامات
هههههههههههه

نورتنى يا جميل

# posted by

فى القلب : September 16, 2007 at 11:51 PM

هههههههههه
هيا صاحبتك ساكنة قرب الغابات الاستوائية ولا ايه
ولا يكونش نهر الامازن ده هوا نهر النيل مجازا
هههههه
دورى كمان مرة التالتة تابتة واهى عجلات عربيتك ممكن تتغير مش مشكل كله فدا الصداقة
سلامى

# posted by

البنت الشلبية : September 18, 2007 at 2:29 PM

البنت شلبيه القمر
متحرمش منك أبدا يا حياتى و ربنا يخليكى ليه
و ديماً نورك مالى المكان
بس فيه مجارى مائيه أخرى غير نهر النيل
ممكن نعتبر أحدها
هههههههههههههههههههه
وشرفتينى جدا نورتينى أوى

# posted by

فى القلب : September 18, 2007 at 3:27 PM

مكان فى القلب

Sunday, September 9, 2007

خفى حنين

About Me

<مود القلب>

<مخزن الأحاسيس القلبيه>

<قلب الوقت>

<بينورو القلب>

<بنارات القلب>

<وصلات عقل قلب>