مكان فى القلب: الحنين الجارف

Sunday, September 2, 2007

الحنين الجارف

هل يا لى غايب و أسمع ندايا

أعرف فى بعدك الغيوم صاحبه سمايا

صبحى ما عاد له شمس و القمر جافى مسايا

ترجع أه أرجع ده كل منايا

حنين وشوق و أمل كنت تفضل معايا

يا ريتنى كنت أيدك لجل ألمسك برضايا

أو حتى كنت أنت دمى ساكن فى الحنايا

أهون عليك و يهون عليك بكايا

ساكن فى البال أنت كل رجايا

مالى ألى الصبر و سماع الوصايا

ما عاد عندى عذر يا كل غلايا

# posted by فى القلب @ 11:39 AM

Comments:

السلام عليكم
اوشا الجميله
كنت لسه حسالك مفيش حاجه جديده لقيتك كتبتى بوست جديد
بس ايه ده كله كلام جميل
بس فى حاجه حاسه انى مش عارفه افهمها
هل يا لى غايب و أسمع ندايا
يا ريتنى كنت أيدك لجل ألمسك برضايا

# posted by

نسرين - أمة الله : September 2, 2007 at 1:25 PM

نسرين يا قمر
بتنورينى يا جميله
وعميييييييييييق شكرى على سؤالك عنى يا حياتى
بصى يا ستى
هل يا لى غايب
أعنى بها أرجع لأى أنسان أحبه جداً
والأقدار فرقت بيننا بوسيله أو بأخرى
وأسمع ندايا
أعنى بها
أسلوب تمنى أنك تكون سمعنى دلوقتى

اما عن يا ريتنى كنت أيدك لجل ألمسك برضايا
أعنى بها أسلوب تمنى أنى كنت أبقى أى حاجه منتميه أليه
حتى لو كنت جزء من جسده
زى الأدين أكثر جزء بيلمس صاحبه
عشان ألمسه ديماً وقت ما أحب

يا ريت أكون وصلتلك ألى جوايا يا قمر
وشرفتينى جداً

# posted by

فى القلب : September 2, 2007 at 1:43 PM

ايه الكلام الجامد ده يا اوشا انا عارفة ان الكلام ده اكيد من فراقي بامبينوووووووووووووووووووو

# posted by

حنين و حنان : September 2, 2007 at 3:33 PM

سلام عليكم

الاخت العزيزة أوشا

بجد بوست كله احساس راقى
ويارب ينفع بيكي ويبارك لك وعايزين نستعد لرمضان بقى

# posted by

بيدو : September 2, 2007 at 4:34 PM

حباب ولاكن
طبعاً يا قمر ولا كلمه فى كده
أكيد طبعاً
شرفتينى ونورتينى يا جميل

# posted by

فى القلب : September 2, 2007 at 5:10 PM

:)

اين شعر القبيلة ؟؟؟

:)

---------

فخرت بمعرفتك حقاً

سعدت بكِ

وبياسمين

تحياتي ياصاحبة القلب الكبير

# posted by

صاحب البوابــة : September 2, 2007 at 5:12 PM

بيدووووو
ديماً بتنورنى وبتشرفنى أوى أوى
وشكراً على دعائك الرقيق
ومن ناحيه أستعدادى لرمضان
متقلقش
أحنا ناس جااااامده جداً
يعنى الحمد الله أشتريت الفوانيس للعيال
وحضرت الأطايف و الكنافه
وخزنت حاجه الفطار من مكسرات واللذى منه
هههههههههههههه
ويجعله عامر
منور

# posted by

فى القلب : September 2, 2007 at 5:14 PM

صاااااااااااااااااااااحب البوابه
واو شيفففففففاك فى عداد الزوار
أيه يا عمنا الثورجى الوسامه دى كلها

ده الشرف كان لينا واللهى

شعر القبيله
ههههههههههههههههههههههه
المره الجايه وعليك خير
وعلى رأيك
هيبقى متلخبط مش عارف مين ولا مين
هههههههههههههههههههههههههههه
منورنى ومشرفنى جدا جدا

# posted by

فى القلب : September 2, 2007 at 5:18 PM

ممكن نمشي الكلام على رمضان

اللهم بلغنا رمضان
آمين آمين آمين

# posted by

ta5areef : September 2, 2007 at 5:19 PM

تخاريف دكتور
أولاً منورنى ومشرفنى جداً
ثانياً أسجل أعجابى الشديد بدماغك الجامده جداً جداً
فعلاً يا عبقرى نمشى الكلام على رمضان

اللهم بلغنا رمضان
أمين أمين أمين

# posted by

فى القلب : September 2, 2007 at 5:23 PM

الملاحظ ان كل بوست بتزدادي نضج والاحساس بيعلي اوي

تحياتي

# posted by

سندباد : September 2, 2007 at 6:11 PM

كمان بتقولى شعر

يعنى شعر ونثروادب وتاريخ وجغرافيا وطب...احمدك يارب

هك هك هك هك
هه هه هه هه
بضحك معاك يا سكر تسلم ايدك يا قمر
ازيدينا

# posted by

sa7arkash : September 2, 2007 at 6:28 PM

أجمل ما فيه بساطة الكلمات
بوست حساس ومعبر
تحياتي

# posted by

mirage : September 2, 2007 at 7:26 PM

ana awel ma 2aret hel ya ghayeb... hoft ramadan w shamet re7et el konafa w el basbosa :) m3rfsh howa enty asdek 7ad wala asdek ramadan?/

Allhom balghna ramadan

:)

# posted by

~ Bato0ot ~ : September 2, 2007 at 7:39 PM

في القلب
انتي بشعرك هذا فكرتيني بأشعار زمان
بس بجد وبدون مجامله بوست جامد اوي
واني بحيكي عليه
تحياتي

# posted by

إسلام : September 2, 2007 at 7:50 PM

ايه الجمال ده
يا قمر

وتقول لى حاجه متواضعه
اطلع من دووول

ده انا هروح على مدونتى واستعد للمنافسة بأه

بس ممكن اسأل سؤال
هو مين اللى يرجع - غمزة
إوعى تكونى بتضحكى دلوقتى
هههههههههههههه

سلام يا روح قلبى

# posted by

Doaa Ebrahim Aaql : September 2, 2007 at 9:02 PM

ياتري حب كتابة الاشعار و الزجل موجود عندك من زمن و للا نشاء قريبا
انا لم افكر في كتابة الزجل او الشعر لكن حبيت امارسه كما يفعل الزملاء لكن اعتقد ان كلامي مش قد كده
تحياتي

# posted by

ذو النون المصري : September 2, 2007 at 9:56 PM

سندباد
لما كلام زى ده
يتقلى من شااااااااااعر الشعراء
وأبو الشعر
ده أنا أفخر بيه وأعلقه وسااااااام
أبداً دى حاجه بسيطه أوى شعرت بها
واللهى بتشرفنى يا سندباد جدا جدا
وبتنورنى أوى

# posted by

فى القلب : September 2, 2007 at 10:34 PM

سوسو
حيييييييياتى وقلببببببببببى
طبعاً أضحك معاااااااااك للصبح
مين يطووووووووول

لسه الطب هخلى عمو عذيذ ينزل بوست بالخصوص ده
نورك زاااد وفاااااض
يا قمر عمرى

# posted by

فى القلب : September 2, 2007 at 10:39 PM

الله الله على الكلام الجميل
ايه الغزل ده كله
ربنا يبارك فيكى ويسعدك
سلام

# posted by

البنت الشلبية : September 2, 2007 at 10:43 PM

ميرااااااج
عندنا منوره الدنيا
ده أنا طول ما أنا مع دودو وحورس
مبطلوش كلام عن رقتك و أبداعك
واللهى كنت جايه عندك
بس الكرييييييييم سبق

منورانى يا ميراج يا جميله
وشرفتينى أوى

# posted by

فى القلب : September 2, 2007 at 10:54 PM

بطوط
يا قمر يا رقيقه
هى لأى حاجه حلوه مفتقدنها
ممكن تمشى أى أحساس حساه
تحت أمرك
ونورتنى يا جميله اوى وشرفتنى جداًجداً

# posted by

فى القلب : September 2, 2007 at 11:02 PM

إسلام
شرفتنى جداً يا إسلام ونورت المدونه
ويا خبر أبيض على كلامك الجمييييييييل ده كتير اوى
دى حاجه بسيطه أووووى
حقيقى رأيك ده أسعدنى جدا جدا
ودوام التواصل الجميل

# posted by

فى القلب : September 2, 2007 at 11:08 PM

جذبنى الشوق و الفضول لاتعرف على صاحبة القلب التى شغلت قلوب من عرفوها ،تحياتى لكلماتك الرقيقة
و اسمحيلى اغبطتك على حب ربنا ليكى، وده الاكيد من حب الناس اللى عرفوكى
اسعد الله اوقاتك

# posted by

Fatma El-Zahraa Mohamed : September 2, 2007 at 11:12 PM

برنسس
أولاً يا قمرتتتتتتى
محدش يقدر ينافسك يا جميله
ده أحنا ننحنى أممامك

ومفيش داعى يا قمر تجيبى سيره لمين
هههههههههه
ليك طبعاً يا جميل فى كل الأوقات ألى أنت مش معايا
بتنورينى يا قمر وبتشرفينى

# posted by

فى القلب : September 2, 2007 at 11:12 PM

ذو النون المصرى
صدقنى أنا زيك يعنى زواقه للشعر
بس الزملاء ورقتهم المتانهيه
أسرت فيه وجعلتنى أريد الكتابه فى الشعر
وهعتبر ده وعد منك يا ذو النون
أنى هقراء ليك شعر قريب
لأنى أنا متأكده أن كل حاجه بتعملها روعه يا ذو النون
نورتنى وشرفتنى

# posted by

فى القلب : September 2, 2007 at 11:19 PM

البنت شلبيه
نورتييينى يا قمره و شرفتينى
ومن دواعى سرورى العميقه أنه عجبك
نورتينى جدا جدا يا جميله

# posted by

فى القلب : September 2, 2007 at 11:21 PM

لعب عيال
شرفنى وجودك جدا جدا ياقمره
أولاً شكراً للكلام الرقيق الجميل
ثانياً كلامك عن حب ربنا ليه خلانى أبكى
ياليت الأمر كذلك
واللهى كل الناس ألى قالت الكلام ده هما ألى ملائكه فعلاً
وأسطوريين بمعنى الكلمه
شكراً ليك يا رقيقه يا جميله

# posted by

فى القلب : September 2, 2007 at 11:30 PM

عزيزتى
طلب الرجوع الرجاء فيه عالى اوى
هو الرجوع امنيتك بس ولا امنيته كمان
اتمنا احساسه بيكى اد احساسه صعب اوى نحس بشئ وندى حاجه ومنخدش من الطرق الشئ ده ولا الحاجه دى
سلام

# posted by

احساس لسه حى : September 3, 2007 at 12:02 AM

رائدة وبطلة المدونين واختهم كمان

معلهش اتأخرت في التعليق كان في مشكله في جهازي

ديما تمتعينا بموضوعاتك

والنهارده موضوعك كتير رومانسي وحساس

كتاباتك دايما مهمه وجميله واجمل ما فيها بساطتها وسهولتها

تسلم ايدك

تحياتي لكي

# posted by

Anonymous : September 3, 2007 at 12:24 AM

هو ده الاستعداد ولا بتعاندي فيا
على العموم اللهم بلغنا رمضان وقد أزال همومك وأراح بالك وكتب لك الجنة واعتقك من النار
واخيرا
جزاكي الله خيرا على الطناش الجااامد اوي ده

اخوكي الصغير بيدو

# posted by

بيدو : September 3, 2007 at 12:32 AM

ارجع... ارجع
فروحى الاسيره..تحيا انتظارك كل حين
كطير سجين...يشق الليالى

واشعلت الثوانى بنار الحنين
لتعدو وتعدو
وتقهر صمت البعاد الضنين

ارجع
فقلبى يذوب بنشوة همسك
حين التقينا عبر الاثير

وسمعى يتوق لنبره صوتك
فيمنح روحى الكثير الكثير
ارجع

تحياتى

# posted by

momken : September 3, 2007 at 12:33 AM

This comment has been removed by the author.

# posted by

momken : September 3, 2007 at 12:33 AM

لأ كده أنا هأغير وهأبدأ أنزل بالشعر بتاعي أنا كمان بقى

إشمعنى إنتي يعني؟

ما عندكيش دوا مضمون يطلع الشعر؟

:-D

# posted by

يا مراكبي : September 3, 2007 at 12:51 AM

أحساس لسه حى
طبعاً محدش يقدر يوصل للأحساس ده
الى لما يكون الطرف الثانى أعطاه الكثيييييييييييييييييييييييير

ومن زاق عرف ومن عرف أغترف
بتشرفننننى جدا جدا يا أحساس لسه حى

# posted by

فى القلب : September 3, 2007 at 12:57 AM

نعم 34 تعليق؟؟؟

دا امتي حصل الكلام ده دا انا فتحت المدونة الصبح كانت ع التدوينة اللي فاتت اجي من الشغل الاقي تدوينة ب 34 تعليق كمان ايه الشهرة دي يا اوشا

انا بقي هبقي اغش الابيات الجميلة دي عشان ابقي اقولهم لمراتي في المستقبل ان شاء الله يعني

بس دي راكبة علي فراق.....ممممم اقولك اطردها يومين علي بيت ابوها عشان ابقي اقول البيتين دول

:)

تحياتي للمدونة العالمية اوشا

# posted by

Anonymous : September 3, 2007 at 12:58 AM

الصحففففففففففى الذهبى
وااااااااااااااااااااااحد
يا سيدى أنت تشرفنا فى أى وقت
هتلاقينا ديماً و أبداً مستنينك
وشكراً أوووووووى على كلامك الكبير أوى
الجميل أوى فى حقى
منتحرمش
ومشرفنى جدا

# posted by

فى القلب : September 3, 2007 at 1:01 AM

بيدوووووووووووووووو
تنورنى وتشرفنى
مرتين ده كتتتتتير عليا جدا جدا
واللهى ولا عند ولا تتطنيش
تقدر تقول عليه أنه من ضمن الأستعداد
لرمضان
مش كده برده ولا أيه
وشكراً ليك على دعائك الرائع
يا رب يكون ليا وليك ولكل المدونين ولكل المصريين
واللهى يا بيدو بتنورنى جدا وبتشرفنى

# posted by

فى القلب : September 3, 2007 at 1:08 AM

يا ممككككككككككككككككن
عقدتنى يا بنى واللهى
أيه الجمممممممممال ده
كل مره تعلق عندى بحس
أنه بوست
أنا هلم كل تعليقاتك
و أعملها بوست أسمه تعليقات الرااااائع
مممممممممممكن
نورتنى أوووووى يا جميييل

# posted by

فى القلب : September 3, 2007 at 1:16 AM

يا مركبى
أنا متأكده أنت لو عملت أى حاجه فى الدنيا هتتطلع جامده جدا جدا
وأنا مستنيه الشعر بتاعك بفااااااارغ
الصبر
ده بس تواضع منك يا عمنا
واللهى ديماً وجودك بيسعدنى جدا وبينورنى أوى أوى

# posted by

فى القلب : September 3, 2007 at 1:19 AM

مصرااااااااااااااااااااوى أوووووووى

مستنياك من الصبح
مش بستكنيس ألا لما بتنورنى
والبركه محلتش عليا ألا لما أنت عرفت المدونه
ويوم جوازك بأذن الله هكتبلك شعر مخصوص
وأبعتهولك
بس أقلى أنت الأميل بتاعك عشان أبعتهولك عليه
وممكن من دلوقتى نستعدله لو قلتلى على أميلك دلوقتى برده
هههههههههههههههههههههههههههههههههه

واللهى يا سيدى أد أيه بفرح بوجودك الجميل أوى وبيسعدنى جدا

# posted by

فى القلب : September 3, 2007 at 1:26 AM

حلو الكلام ده ولذيذ قوي
انا بحب الشعر لما بيكون خفيف كده ومشمكلكع
اصلي مبعرفش اكتب غير كلاكيع بعيد عنك وعن السامعين يعني
عشان كده بحب اقرا الحاجات السكر دي
بتهون عليا اللي بكتبه
:)

# posted by

أحمد سلامــة : September 3, 2007 at 2:11 AM

أحمد سلامه
بتنوووووووووووووور المدونه كلها
أنت عارف أنك أنتى ألى زى السكر
ومتواضع جدا جدا
قابلت تعليقك بأبتسامه
وشعرك العظيم ده منقدرش نوصله ده أحنا نقرأه ونستمتع وننسجم و بس
أنما أحنا بقى بنحاول نتمحك فيكو وخلاص
ونحمد ربنا أن حاجه بنكتبها بتعجبكوا
شرفتنى أوىىىىىىىىىى ونورتنىىىىىىىى
يا أحمد

# posted by

فى القلب : September 3, 2007 at 2:52 AM

أوشا حبيبتى
كلمات كلها إحساس عالى
ويا رب ديما كل يوم تكتبى
ولا تتاخرى عن إمتاعنا
ولا تتاخرى فى الكتابة
لان ده فعلا بيتنا
ويا رب يخليكى لنا يا جميل
وفعلا بتوحشينا
سلامى لكى يا صديقتى

# posted by

Esmat : September 3, 2007 at 4:54 AM

اكتر حاجة مميزة فيا اني دايما بلحق اول تعليق عندك و مبيفوتنيش بوست

ايه يا اوشا الكلام الحو و الاحاسيس الحلوة دي

وبعدين ارجوكي انا عايز احجز دور معاكي عشان اشوف الملاك اللي بيتكلمو عنه ده حكايته ايه؟!؟

ادخل عند حدوتة جيفارا حقل التوليب الاحمر ...........الخ كله اوشا اوشا

تحياتي يا قمر

سلام مؤقت

# posted by

S H A H : September 3, 2007 at 9:58 AM

يا كسوفى كده وانا جاية اخر واحدة
منظرى وحش جدا
:$
سامحينى يا اوشتى يا حبيبتى
انتى اكتر حد حاسس زنقة الامتحان المنيلة اللى انا فيها
ادعيلى

ايه الكلمات الجامدة دى
قمة الاحساس وقمة الرومانسية
انا نفسى استعير منك الكلمات دى
وامشى اغنيها
احلى حتة بقى لما بتقولى
اهون عليك ويهون عليك بكايا
تفتكرى ليه يا اوشا ليه البنى ادم بيهون
وليه الدموع بتهون
ليه حد لما بيشوف دموعك مش بيحن

ارجع تانى واردد كلامك
حنين وشوق وامل كنت تفضل معايا
تحياتى يا قمر
كل مرة بتتفوقى على نفسك
:)

# posted by

Hadota ... حدوتة : September 3, 2007 at 12:11 PM

يا ريتنى كنت أيدك لجل ألمسك برضايا

بلا ادنى مبالغه
من اجمل التشبيهات
التى قرأتها في حياتى

والحاله كلها دفقه شعوريه ممتلئه بالاحساس
وحشتينى يا جميل

# posted by

horas : September 3, 2007 at 12:21 PM

لا اخفى عليكى
هناك بعض التعبيرات الاكثر من راائعه

ابو مفراح

# posted by

ahmed mefrh : September 3, 2007 at 1:52 PM

اية الحاجات الحلوة دى

# posted by

مصطفى محمود : September 3, 2007 at 3:23 PM

دي اول مره ادخل المدونه بصراحه
ودا اكيد من سوء حظي

منكرش اني سامعه عنك وعن مدونتك وكان نفسي اشوفها من زمان

اللهم لا حسد احباابك كتير

وذادوا واحد دلوقتي

بجد المدونه فعلا كما يقال عنها
وتستحق بصراحه
تسلم ايدك

موضيعك كلها جميله ومتنوعه

وفيها تجديد

غير ان اسلوبك جميل وممتع

بجد عجبتني كلمات الحب في البوست الاخير وحسيت بيه اوي

ربنا يسعدك ويهنيكي يارب

ويا بخت حدوته بمعرفتك والله وحبك ليها

دا اكيد من حظها

انا طولت عليكي يا قمر

قبل ما امشي بس
هديكي مليون الف تحيه

تيلم ايدك يا جميله

# posted by

gohayna : September 3, 2007 at 4:28 PM

اولا مش عجباني جدا جدا جدا
.
.
.
بصي يا ستي
انا فعلا باحب كتاباتك وبتعجبني
لكن الخاطرة دي مش عجباني خالص
.
.
.
حاسس فيها بتكلف شديد جدا دا غير ان فيه بعض الكلمات اتحشرت عشان تعمل قافية بدون اي داعي
.
.
.
لو فعلا بتحبي الشعر ونفسك تكتبي شعر
فانا احب اقولك ان دي كبداية شيء جميل
.
.
.
كويس انك عارفه ان الشعر محتاج لقافية ومحتاج لوزن .. موسيقي ياعني
.
.
انا اعرف واحد ماكنشي يعرف اي حاجة خالص ودلوقتي بقي بياكل مع ابن الريس
هههههههههههههههه
.
.
.
.
المهم انتي لازم تقري شعر كتير وتحضري لقاءات بيتقال فيها شعر كتير
.
.
صدقيني دي الروشته التماما
تحياتي والسلام

# posted by

admelmasry : September 3, 2007 at 5:18 PM

يارب يرجع

# posted by

semsem : September 3, 2007 at 6:50 PM

عصمت
حبييييييييييييييييبتى
يا قمر أنا أطول المكان ألى أكون فيه أنتى تحبيه
يا حبيبتى ده كتير عليا
حبك ياه ه ه ه ده غاااااااااااالى اوى
وأنتى ألى بتوحشينى يا قمر
ويا رب متحرمش منك
ولا من نورك الغالى

# posted by

فى القلب : September 3, 2007 at 9:07 PM

شاااااااااه باشا
حبيب الملاين
أنتى تيجى فى أى وقت تلاقينا كده قاعدين مستنينك واللهى كلنا
وكفايه أنك بتشرفنا وبتنورنا
و لا ملاك ولا حاجه
دول شويه ملايكه أقبلتهم وعشان هما عندهم جمال داخلى فشيفين الدنيا جميله
كتر خير الجميع
وبعدين أحنا نطول نقابل شاه
دا أحنا نتمنى جدا
أأمر وأحنا علينا التنفيذ
بتنورنى يا شاه وبتشرفنى كتير

# posted by

فى القلب : September 3, 2007 at 9:16 PM

حددددددددددددددوتى
يا ناااااااااااس الغالييييييييه
أوى أوى أوى أوى
أنتى بتعتزرى لمين أنا ببص حوليا يمكن بتكلمى حد تانى
ده أنتى بس تيجى يا جميله فى أىىىىىىىى وقت وقت ما تحبى
وهتلقينا مستنينك تنورينا
من حيث الدمووووووع
يمكن فيه ظروف بس أكيد القلب ألى يحب الحب ده كله طيب
بتشرفنى يا حدوتى يا قمره حياتى

# posted by

فى القلب : September 3, 2007 at 9:25 PM

حووووووووووووووورس العظييييييييييم
الدنيا والنت كله بينور
لما أنت بتيجى
أنت ألى دفقه شعوريه غير طبيعيه
أنا مش قلتلك بتمحك فيكو وخلاص
والتشبيه ألى عجبك ده أقرب تشبيه ليه
عشان تعرف بس أتفاق تام
ربنا ما يحرمنا منك يا حورس
ولا من أبداعك الأدبى الى مالوش مثيل

# posted by

فى القلب : September 3, 2007 at 9:30 PM

أبو مفراح
الحمدالله أنه عجبك ده واللهى من دواعى سعادتى وفخرى الشديد
وبتشرفنى جدا جدا وبتنورنى أوى يا
أبو مفراح

# posted by

فى القلب : September 3, 2007 at 9:34 PM

مصطفى محمود
تشريفك ده غالى أوى يا مصطفى أنت مش عارف أد أيه أنا فرحت لما شوفتك معلق عندى
والحمد الله انه عجبك
بتنورنى جدا يا مصطفى

# posted by

فى القلب : September 3, 2007 at 9:37 PM

جهينه
الجميله القمر الشاعره الرائعه
طب ده أنت زى النار على العلم
واللهى كنا جاين عندك الأول يا قمر
بس الكريم سبق
يعنى الواحد يتوارى خجلاً أمام كبار الشعراء ألى جم وشرفونى
واللهى يا بنتى بنتمحك فيكو بس من كتر أعجبنا
وتعالاى أنت بس يا جميييل وشوف هنعملك أيه ده أحنا نتمنى بس خروجه معااااك
وشرفتينى جداً جداً يا جهينه

# posted by

فى القلب : September 3, 2007 at 9:44 PM

أدم المصرى باااااشا
أنتى يعنى عشان شاعر عظيم وقيمه وطنيه فى ذات نفس الوقت
أوم أيه
تتنطط علينا و تتأنعر يعنى
يا سيدى أحنا يكفينى أن واحد عسل و باشا زى سيتك يجى بس يبص علينا
نعجب ما نعجبش
دى حاجه مش بنفكر فيها خالص
لأن أحنا بنتمحك فى الشعراء الأجلاء ألى زى سعتك

كووووووووووول الدباجه ألى فوق دى ياااااااااااض

عشان خاطر عيون أبن سياده الريس
هههههههههههههههههههههههههه

فاهم ياض
أنت بعد كده تيجى تقراء ألى حضرتى تكتبه وتعجب بيه وتقول الله وتسقف
وأنت ساكت يا عسل
هههههههههههههههههههههههههههههه

وده ميمنعش أن أنا بحترم كل أرأك وهحاول أعملها ومنكم نستفيد أدم باشا
بتشرفنى جدا جدا

# posted by

فى القلب : September 3, 2007 at 9:54 PM

سم سم
شرفتنى أوى اوى يا سم سم
أمين أمين أمين

# posted by

فى القلب : September 3, 2007 at 9:57 PM

السلام عليكم
انا طبعا مش لاقيه اى اعتذار اقوله عن تأخيرى
بس طبعا فى القلب قلبها كبير
وهتسامحنى
بس جد البوست روعه
طبعا ده العادى بتاعك
انتى حد جميل اوى
وجميل ان الواحد يتعرف على انسانه زيك
تمتلك كل حب الناس ده
ربنا يكرمك
ويزيد حب الناس ليكى
لانك بجد تستاهليه
تحياتى يا جميل

# posted by

شمعة أمـــــل : September 4, 2007 at 2:13 AM

طبعا يستاهل كل الحنين و الشوق ده ، وانا الوحيد اللى عارف هو مين و بصراحة عرفته من مشاعرك المرهفة و لقيت نفسى حاسس بنفس الشوق و الحنين ...طبق الفول بالزيت الحار و اليمون و الشطة ...صح كلنا بنحبه لكن منعرفش نعبر زيك كده .. الله ينور

# posted by

Unknown : September 4, 2007 at 2:34 AM

ربنا يخليكى يا اوشا انتى مدونتك جميلة وبحبها

تحياتى

# posted by

مصطفى محمود : September 4, 2007 at 3:04 AM

طول عمرنا معروفين بالروحة الرياضية
حاجة مش جديدة علينا

# posted by

ta5areef : September 4, 2007 at 4:22 AM

اوشا
الصبر على البعاد نعمة من ربنا هو اللي بيلهمنا بس ساعات بيفيض بينا وبنبقى عايزين نطير ونشوف اللي بنحبهم
تحياتي لكلماتك ورقتك وحنينك الجارف

# posted by

mimi : September 5, 2007 at 8:04 AM

بطلة ورائدة المدونين واختهم كمان

انا رشحتك عند شيماء الجيزي يكون الحوار القادم معكي

اللينك بتاعها اهو

http://shymaaa.blogspot.com/

تحياتي لكي

# posted by

rack-yourminds : September 5, 2007 at 11:27 AM

بيرووووووووووووووووووووووو
السكر العسل الجميله
أنتو يا حياتى ألى حاجه محصلتش ولا هتحصل و الحمد الله أنى أقابل ناس زيكو
ويا رب ديما مع بعض على طول
وفيه مقوله حلوه بتعجبنى بتنطبق عليكو

الجميل يرى الوجود جميلاً

وطبعاً يا قمر بحبك جدا وبتشرفينى وبتنورى حياتى

# posted by

فى القلب : September 5, 2007 at 4:44 PM

سلام عليكم

ساعات الواحد بيدي لنفسه حجم اكبر من حجمة عند الناس وبيفتكر ان له خاطر او معزة وبيتعامل على الاساس ده بس بيفاجأ انه مش كده خالص رغم انه معملش اي حاجة في حق الناس عشان يعاملوه كده

تحياتي

# posted by

بيدو : September 5, 2007 at 4:49 PM

نيو إيمدج
باشا باشا باشا
وفقسنى ديماً
يعنى أنا معرفش أخبى حاجه على جنابك أبداً
أهو ده أخرة الأخوه وأنى أول ما أشوفك أقول على كل ألى مخبياه
كده يعنى تصيحلى على الهوا
بالأصرار ألى بقلك عليها
بس أنا قلتلك بحبه بالذبده
مش بالزيت الحار
مره تانيه يا باشا أستر عليا
وأبوس رجلك متقلش على بقيه الأسرار ألى أنتى عارفها

بتنورنى يا نيو إيمدج باشا وطبعاً بتشرفنى تشريف بتمناه على الدوام
ربنا ما يحرمنا منك ولا من العائله المقدسه

# posted by

فى القلب : September 5, 2007 at 4:53 PM

مصطفى محمود
واللهى يا مصطفى تشريفك ليا تانى كبير أوى أوى ويا رب منتحرم أبداً من زوقك الكبير ده
نورتنىىىىىىىىىىىىىىىى جداً يا مصطفى

# posted by

فى القلب : September 5, 2007 at 4:57 PM

تخاريف دكتور
طبببببببببببببببعاً يا دكتور الروح الرياضيه واضحه فى كل كلامك و طبعاً مشهور أنت بكده
منتحرمش من تشريفك لينا بود يا دكتور

# posted by

فى القلب : September 5, 2007 at 5:05 PM

مى مى
ياحبيبه قلبى يا جميله يا رقيقه
فعلاً كل الغالين لو يعرفو أد أيه غلاهم مكنوش بعدو لحظه
بس سعات البعد بيكون مش باليد
والأقدار فى النهايه هى ألى بتقول كلمتها الاخيره
بتنوريييييييينى يا حياتى واللهى جدا وبتشرف الدنيا لحظه ما بتهل

# posted by

فى القلب : September 5, 2007 at 5:12 PM

الصحفى الذهبى
واااااااااااااااااااااااااااحد
يا عنى أنحنى أمام كرمك البالغ
أنا مش عارفه هرد ليك كل ده أزاى
مترمش يا قمر على كل ألى بتعملو علشانى

الصحفى الذهبى ديماً يا رب منورنى و مشرفنى

# posted by

فى القلب : September 5, 2007 at 5:17 PM

بيدوووووووووووووووووووووو
أن أنت تشرفنى ثلاث مرات
ده شرف كبير أكثر مما أستحق
وأحتمال يا بيدو الناس ألى عملو كده
ومقدروش الشخص الكريم
يكون عندهم تقدير جوه قلبهم كبير جدا
بس الظروف منعتهم يعبروا عنه
ساعات الظروف بتبقى أقوى من الأنسان
وجودك يا بيدو داماً و أبداً
بيشرفنى و ينورنى

# posted by

فى القلب : September 5, 2007 at 5:25 PM

انتي تستحقي كل خير بجد

وكمان انتي كرمك مغرقني

تحياتي لكي

# posted by

rack-yourminds : September 5, 2007 at 7:50 PM

السلام عليكم
الكلام جميل جدا
دايما البعد بيكون شئ صعب علي الانسان
ولكن في اشياء بتبقي مش في الحسبان
والواحد دايما بتمني يرجع من بعده يلاقي احبائه منتظرينه

# posted by

son's egypt : September 6, 2007 at 12:56 AM

السلام عليكم
ايه الاحساس العالى ده
ما شاء الله عليكى
دى اول زياره لمدونتك وان شاء الله مش هتكون الاخيره

# posted by

صانعة الحرية : September 6, 2007 at 7:25 AM

احساسك عالي قووي كانك بتتكلمي عن حالتي تحياتي ليكي ياجميلة وذاد الله ايامك بالخير وبلغك رمضان

# posted by

Anonymous : September 6, 2007 at 9:17 AM

صديقتى العزيزة بجد احساس رائع وانا عايشاه وحاساو ناو
ومش عارفة اقولك اد ايه جميلة فى تعبيراتك وكلماتك وجميل اوى احساسك
حسيته ووصلنى اوى
واتمنى اشوفك فى أول زيارة لكى فى مدونتى واعرف رائيك
..
تحياتى صديقتى
ريال لف

# posted by

real love : September 6, 2007 at 4:47 PM

أستاذة/ فى القلب
بعد كول التعليق دة من كول الناس دى أنا معنديش كلام أقولوا فعلا غير
تحياتى الجميلة فقط..

# posted by

محمود التابعى : September 6, 2007 at 9:55 PM

واحد
أنا مش بعرف سعات أرد من كتر كرمك وأحترامك
بس ده مش غريب على الصحفى الذهبى
أشكرك من أعمق مكاااااان فى القلب يا صحفى يا ذهبى

# posted by

فى القلب : September 7, 2007 at 2:02 AM

سنز أجيت
شرفتينى يا جميله أوى ونورتى الدنيا
وفعلاً كلامك الأنسان بيبقى محتاج بعد البعد حضضضضن كبيييييير يضمه و يحتويه
نورت الدنيا يا جميل

# posted by

فى القلب : September 7, 2007 at 2:08 AM

صانعه الحريه
طبعاً نورتييييينى جداجدا وأنا بتمنى دوام التواصل بود وشرفتينى جدا جدا يا جميله

# posted by

فى القلب : September 7, 2007 at 2:11 AM

قلوب حائره
أتمنى من أعماق قلبى أن يرجع لكى الغائب إذا كان خير لك وطبعاً يا قمر نورتى الدنيا كلها وشرفتينى جداً

# posted by

فى القلب : September 7, 2007 at 2:15 AM

فى القلب
كلامك حساس ومعناه واضح ربنا يردلك الغايب بالسلامه يا رب
ويرد لى انا كمان الغايب برضه
تحياتى ياقمر

# posted by

بنت القمر : September 7, 2007 at 11:38 AM

ايه حكاية الحنين اليوين دول
انا كمان كاتب عن الحنين

تحياتى

# posted by

حزيــــــــــــــــــن : September 7, 2007 at 9:24 PM

اللللله حو بجد اوي

# posted by

Coca : September 8, 2007 at 4:56 AM

رايل لف
نورتيييينى جدا وشرفتينى أوى
وحالاً على مدونتك أكيد هنول الشرف ومعرفتى سوف تزيد بقرأتها
وشكراً على كلامك الرائعونورتينى جدا جدا يا قمر

# posted by

فى القلب : September 8, 2007 at 2:18 PM

محمد التابعى
شرفتنى أوى ونورتنى
بس أنا ديماً مستنيه كلامك أنت وتعليقك
لأنه بيسعدنى جدا جدا
وديماً كده على طول منورنى يا محمد

# posted by

فى القلب : September 8, 2007 at 2:35 PM

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

# posted by

صاحب البوابــة : September 8, 2007 at 3:22 PM

بنت القمر
يا رب يرجعلك الغائب يا حبيبتى ويسعدك
يا جميله
ويريح قلبك الذى السكر ده
ويا رب ديماً منورنى يا جميل ومشرفنى على طول

# posted by

فى القلب : September 8, 2007 at 5:31 PM

حزين
كونى أكتب على أى فكره فى الدنيا وفى نفس الوقت أنت تكتب فبها أبقى أنا سعيده للغايه
أن نفس الفكر موجود
أنت عارف أد أيه أنت بتسعدنى بتشريفك
ويارب ديماً منورنى على طول

# posted by

فى القلب : September 8, 2007 at 5:38 PM

كوكا
الللللللله ده لتشرفك الجميل يا كوكا
أنتى ألى جميله بجد
وشرفتنى أوووووووى يا قمر ونورتينى

# posted by

فى القلب : September 8, 2007 at 5:44 PM

صاحب البوابه
كل عام وأنت بخير و سعاده و صحه و معنا
ويا رب ميحرمنا من وجودك الجميل الرائع
يا صاحب الكلام و الأحساس الصادق الحقيقى الممتع

# posted by

فى القلب : September 8, 2007 at 5:55 PM

السلام عليكم
ادعوكم للمشاركه فى حملة
معا من اجل الحريه للمعتقلين
http://sona3al7iah.blogspot.com/2007/09/blog-post_08.html

# posted by

صانعة الحرية : September 8, 2007 at 9:10 PM

السلام عليكم ورحمة الله وبركاته
الأخت الغاليه جدا أوشا
البوست أكتر من رائع
هو فيه ب بالشكل دى ولو فيه ليه نعذب نفسنا
ربنا يوفق
دومتى بخير أختى الكريمه
والسلام عليكم ورحمة الله وبركاته

# posted by

مؤمنه : September 8, 2007 at 10:01 PM

صا نعه الحريه
حاضر يا جميله إلى هناك فوراً

# posted by

فى القلب : September 8, 2007 at 10:43 PM

مؤمنه
يا جميله يا رائعه
يا منيره
بيشرفنى حضورك الجميل وبينورنى جدا

# posted by

فى القلب : September 8, 2007 at 10:50 PM

أول حاجة انا آسف ع الغيبة الطويلة دي بس الظروف والله إدعولي بس في الامتحانات والشغل والذي منه

أنا ملاحظ ان في موجة مشاعر جامدة أوي في المدونات اليومين دول

ايه ؟

صباح الفل ؟

# posted by

علوة : September 9, 2007 at 1:29 AM

ده انا جيت متأخر اوي يا صاحبة القلب الكبير

يابخته اللي متوجه ليه الكلام الرقيق الجميل ده كله
ولا بلاش قر وحسد؟
هههههههههههه

كل سنة وانتي طيبة وبخير بمناسبة حلول الشهر الكريم

خالص مودتي

# posted by

مجهول : September 9, 2007 at 2:52 PM

علوه
طبعاً أنت تنور فى أى وقت
وربنا ينجحك ويكون فى العون
وديماً هتلاقى المدونا ملاينه مشاعر عشان المدونين ناس حساسه ورقيقه
وأكبر دليل على كده أنتى
نورتنى يا علوه وشرفتنى

# posted by

فى القلب : September 9, 2007 at 3:09 PM

المجهول
واللهى الدنيا كلها بتنور
لما هلالك يهل
فى أىىىىىىىى وقت متأخر بدرى على الدوااااااااام بتنورنى وبتشرفنى
وكل سنه وأنت طيب وبصحه يا رب

# posted by

فى القلب : September 9, 2007 at 3:16 PM

جميل قوي بس سؤال هو انتي مش مصريه ولا انتي بتكتبي بكل اللهجات
عموما هو ل>ي> قوي
سلاااااااام

# posted by

Ehab : September 11, 2007 at 10:44 AM

في القلب
تتألق كلماتك مرة بعد مرة
وتترجم احاسيسك بطريقة جميلة تقسو احيانا وتعطف أحيانا أخرى
دمت بخير
ودامت كلماتك متالقة
أم المييس

# posted by

حياة تستحق الانقاذ : September 11, 2007 at 1:17 PM

الشنكوتى الكبير

منورنى أوىىىىىىىىىىىىىىىىى هنا كمان
أنا مصرى وأفتخر

وبتكلم عربى وبكتب بيه

# posted by

فى القلب : September 11, 2007 at 1:28 PM

أم الميس
شرفنى وجودك أوىىىىىىى ونورنى يا جميله يا رقيقه
واللهى أنا مقصره أوى فى حقك
أن شاء الله هاجى أزورك على طول

بتشرفينى أوى أوى أوى

# posted by

فى القلب : September 11, 2007 at 1:33 PM

السلامه عليكم
حبيبتى انا كنت عايزه اعرف منك ازاى انشر المدونه بتاعتى عندك وانشرها ازاى فى المدونات الاخرى
وده لنك المدونه
http://fawdamshaer.blogspot.com/

# posted by

عاشقه الخيال : December 21, 2010 at 7:43 PM

مكان فى القلب

Sunday, September 2, 2007

الحنين الجارف

About Me

<مود القلب>

<مخزن الأحاسيس القلبيه>

<قلب الوقت>

<بينورو القلب>

<بنارات القلب>

<وصلات عقل قلب>