مكان فى القلب: المُغيب

Friday, August 24, 2007

 

المُغيب


عندما تراه تجده بسيطاً يعشق الحياه متفائلاً
ويوماً رأيته مهموم يكاد الحزن يعتصره ولا يستطيع أخفأه
سألته عن سر حزنه و كأنه كان ينتظر السؤال تدافعت كلماته لعله يستريح
قألاً رأيتُها فى فرح أحدى قريباتى أمس كنت أظن أنى نسيتها لم أعلم أنها مازالت بداخلى
وعبرت أطراف أصابعه عن حالته أشد من الكلمات
فطيبت خاطره و ذهبت
اليوم التالى رايته شخص أخر ليس فى رأسه أى شئ و يضحك و سألته بعجب
فرد على متحاشى نظراتى بأنه أخذ سيجاره حشيش من صديق له لكى ينسى
وعندما لاحظ جحوظ عينى قال لى لا تقلقى الموضوع ده عادى أوى و مش أدمان و لا حاجه
قلت له طيب بتقول عليه صديقك و بيحبك أزاى ويرضى أن يعطيك السم
خدعوك فقالو أن الحشيش ليس له أضرار المواد الأخرى و أنه لا يسبب الأدمان
فالنبسط الفكره
المخ عباره عن خلايا عصبيه و كل خليه تتصل بالخليه الأخرى عن طريق مليارات الوصلات لتشكل شبكه تكفى لتحيط بكوكب الارض 1600 مره
ففى الحالات العاديه توجد ماده فى المخ أسمها الدوبامين مسؤله عن حدوث حاله الفرح عندما نسمع خبر كالفوز أو حدوث حدث سعيد
وعندما نأخذ المخدرات تنشط المراكز المسؤله عن البهجه و السعاده فتسفر عنها نشوه إضافيه زائفه
وعند تعاطى المخدرات وفى الربع ساعه الأولى يحدث أن يشعر المتعاطى بأنه يركب سيارة سباق أوى أنه يهوى من أرتفاع شاهق مع أحساس بالنشوه
ولااااااااكن بعد النشوه تأتى الأثار الأليمه فيفقد المتعاطى قدرته على الأداء الطبيعى فى عضلات الوجه واليدين
بنسبه %30 و يقلل من أدأه لوظأفه الحيويه
ويفقد المتعاطى بتكرار الأمرقدره الأنسان الطبيعى على الأستمتاع بتناول وجبه لذيذه او سماع خبر سعيد
ويسيطر عليه أحساس الكأبه البغيض المؤلم ولا يرى فى الدنيا أى شئ سعيد
ومع أكتشاف أكثر من 60 عقار لعلاج الأدمان
تبقى قوه الأراده هى العلاج الحاسم و الأساسى

Labels:


Comments:
سلام عليكم
طبعا أول تعليق ده شرف ليا
أولا للأسف المفهوم ده منشر جدا ان المخدرات او الحشيش بتسبب السعادة وتخرج الانسان من حالة الكأبة او من موقف محزن
وبمناسبة الحشيش حصلى موقف غريب
أنا بعشق التصوير ومن شهر كنت بصور فرح اخو واحد صاحبي ودخلت اصور اصحاب العريس لقيتهم بيعملو سجاير حشيش ومصممين انى اشرب فقلت لهم انا اصلا مش بدخن هشرب حشيش مش ممكن يعني
دخل واحد قالى اتفضل وبيديني سيجارة حشيش فقلت له مش باشرب قالى انت شربت معايا من اسبوع قلت له حرام عليك والله مش بدخن وبعدين قرب منى قالى اه ده واحد شبهك بالظبط وبعد شوية عزموا عليا بجاتوه وحاجة ساقعة وكنا في شهر رجب وكنت صايم وأول ما عرفو انى صايم اتكسفوا اووي بس طبعا كملوا شرب
بس لاحظت حاجة غريبة انهم محدش اتأثر ولا اتسطل وكلهم كانوا طبيعين ومش عارف افهم لحد دلوقتي ايه الفايدة مادام الوضع كده
أسف للإطاله وسعدت بأنى اول معلق
 
بيدووووووووووو
الشرف كل الشرف لى أنا
أولاً لرؤيتك ثانياً أنك أول تعليق
بيدو معك حق أن الموضوع ده أنتشر وبقى عادى و فيه كميه جهر يجعلنى أحس أنى من عوالم أخرى
حيث أعلم أذا بليتم فأستترو ولكن الذى يحدث الأن من الجهر بالمعصيه اعتقد هو أولى العلمات السيئه للأدمان حبث يحدث بعد حين عدم أكتراث للمدن حتى على مصلحته
و من باب هم يبكى وهم يضحك الشباب دلوقتى ممكن تقابل واحد لاول مره بتشوفه ويعزمو عليه بحشيش من دواعى أنه واجب علينا يا راجل وايه يعنى مش دافع معانا بس المهم نبسطك
ويمكن لو شاف حد مزنوق فى عشره جنيه للضروره مش هيرضى يدهمله
وأعتقد أن أصحابك فى الفرح لم يذهر عليهم أثر ورأيتهم بيتصرفو طبيعى
لأنك أول مره تشفهم
بس بالدقه و الأنتباه سوف تلاجظ أنهم فى الساعه الأولى يضحكون على أى شئ وأى كلام أو أى حركه تضحكهم وذلك الضحك ليس عن سعاده كما هو ظاهر فى الخارج
ولاكن لأن الماده الخدره أثرت فى أماكن الاحساس بالبهجه فى المخ وترفعها بسرعه رهيبه لتهاوى ألى أسفل بعنف
محدثه بعد سقوطها أثار مدمره مثل الأحساس بالتعاسه وتدمير لبعض الخلايا
اللهم أحفظنا و أمه المسلمين وأرفع عن شبابنا هذا البلاء يا رب
شرفتنى جدا يا بيدو ونورتنى وفرحت بزيارتك الغاليه جداً
 
طيب تسجييل وهرجع تاني نقرأ
 
أولا بجد انتي ضحكتيني ووجودك بيشرفني كتير وشهاده اني هكون صحفي ذهبي دي شهاده كبيره اعتز بيها وهعلقها عندي

في البيت ,انا قلت في التعليق عند حدوته انا ممكن انافس بيرو لكم انتي لا استطيع ان انافسك انا عارف حدودي كويس
مقدرش انافس مكان في القلب

بجد وجودك بينور المدونه وكونك تقوليلي انتي صحفي ذهبي بجد اسعدني كتير

نبعت ده ونتابع مره اخري
 
عارف يا واحد
أنا مبسوطه أوىىىىىىىى أن أنا و أنت على النت فى نفس الوقت وشيفك فى أعداد الزوار خلى بالك شيفففففاك
أنما أيه الوسامه دى كلها ياعم
وطبعاً صحفى ذهبى وماسى
ومنتحرمش من ذوقك
بس عايزه أقولك لما تبقى صحفى مشهووووور
متنساش مكان فى القلب
منور النت
 
دايما اسلوبك بسيط في تناول اي موضوع,وبتقدري توصلي فكرتك باسلوب سهل ومبسط ,بعيد عن الحشو والاسهاب والاطاله وه بجد بيكون كويس جدا في عدم ملل القارئ


موضوعك بجد مهم جدا وبيطرح مشكله هامه جدا ,الايام دي في ظل الظروف اللي بيعاني منها الشباب فبتلاقيه دايما بيحاول يهرب من مشاكله وهمومه

ومن هنا فبيقع في براثن الادمان عن طريق صحبة السوء الذين بيزينوا له الامر في البدايه ,ويتركوه فيما بعد

الي مصيره المجهول ,هذا الطريق طريق الادمان بيضيع فيه الشباب مستقبله وبيهدد كيان الاسره كله ,يا ريت كل الشاب يكون عنده وعي بهذا الكلام

بجد موضوعك مهم جدا وكل مواضعيك كده

انا بجد سعيد بمعرفة هذه المدونه

تحياتي لكي يا مبدعه
 
ردك علي التعليق اضحكني ههههه


وكمان انتي لسه فاكره التعليقات ,بلاش تحرجيني تاني

شكلك كده بتلمحي لهريسه تاني اوكي نبعت تاني هههه

انتي تستاهلي كل خير

لا لما ابقي صحفي ان شاء الله هنفتكرك وهقول دايما انك اول من اعطاني لقب الصحفي الذهبي

تشرربي شاي ولا قهوه

هروح لمحمد حسانين مخصوص اسكندريه ونجبلك 100 كيلو هريسه كمان والنبي خلي اولادك يدعولي

شهادتك باني صحفي ذهبي اسعدني بجد
 
هو ايه الحكايه يا جماعه
هو واحد ورايا ورايا
ماش ياسيدى نبقىنتخانق بعدين بس انت بقيت تسبقنى دايما
بلاش نتخانق فى مدونات الناس
الناس اللى دخلت فى المنافسه
عموما ساحه القتال اقصد المدونه قدامكم
وربنا يستر بقى

ياه نسيت اعلق على الموضوع
طبعا انا مش هقدر اتكلم عن المخدرات لانى هكتب فيها كتب من كتر المشكاكل اللى بتسببها
بس لازمم يكون فى توعيه للشباب اكتر من كده عشان ميرحوش للمخدرات
وبجد شكرا جدا على المعلومه اللى مكنتش اعرفها
انتى دايما كده بتفيدينا بمعلومات جميله
تحياتى على البوست الجميل ده
 
مكان فى القلب
اوشا حبيبتى
اللى مكانك فى قلبى

عاملة ايه
انا كمااااااااااان بمووووووووووووووت فيكى والله
قد ايه كلك رقة وزوق وطيبة قلب متتكررش
انا والله بحبك فى الله
ومن غير ما اشوفك وبحبك
اومال بقى لو شوفتك دا ان ااتجنن
انا كمان هترمى فى حضنك واقولك انى بجد بموت فيكى

مش عارفة اشكرك ازاى على الكلام الحلو دا
دا وسام شرف ليا والله
متتخيليش انا قد ايه مبسوطة بيكى وببادلك حب بحب
تسلميلى وتعيشيلى
وبعدين سا حبيبة قلبى انتى بس اؤمرى
تلاقينى جيالك على طول
هواانا اتأخر عليكى؟؟
مقدرش طبعا
ليكى مرة مخصوص نخرج فيها سوا
ونقضى احلى وقت

بص بقى
الكلام كده مش هينفع
انتى تضيفى ايميلى

hadota@hotmail.com

ونتكلم بقى لما نقول يا بس

هتوحشينى لغاية ماتضيفينى
ترجع من سفرك بالف مليون سلامة


بالنسبة للبوست متميز
وزى ما قولتلك طريقة سردك لذيذة ومتسسش الواحد بالملل
موهوبة بجد

انا شايفة ان مفيش ست تساهل راجل يشرب او يدمن عشانها
والادمان عمره ما كان حل لاى مشكلة


الا بقى ادمان حبنا لبعض دا جاجة تانية

:)

اكيد قوة الارداة والثقة بالله هيا الحل
ولازم قبل كل دا يعترف المدمن بغلطه وبرغبته فى الاصلاح

:)

بحبك فى الله
هستنا اضافتك لياعلى الماسنجر
:)
سلااااام يا قمر فى القلب
 
سيبك من خناقات عبير وواحد
انا هعرف اتعامل معاهم
يللا ياعبير هانم انتى وسى واحد من هنا مفيش داعى تفرجوا الناس عليكم
الناس تقول ايه
مش عارفة اربى ولادى؟؟؟؟
انا موريكم بس اصبروا عليا نروح البلوج بتاعنا


ارجو ميكونوش الولاد ازعجوكى وعملوا دوشة فى المكان يا اوشا يا جميل
 
أولا بيشرب حشيش عشان ايه ؟واحدة!!!!!!!ليه عشان ايه دا كله

الجملة اللي فاتت دي للاشتباك بس مش اكتر:)

بجد تدويناتك متميزة وسردتي موضوع خطير في شكل قصة دا بيشد القارئ جدا مع توصيل المعلومة ف النص

اعرف واحد بيستلف فلوس كل شوية عشان يصرف علي بيته وسجارة البانجو مش بتفارقوا حياته مدمرة لانه بقي اسير سجارة

وطبعا لا تتخيلي الافراح الشعبية لاللي ف الشوارع البانجو بيتلف عيني عينك فين بقي الشرطة؟؟؟اكيد طبعا مش فاضيين هما فاضيين بس للاخوان لكن يحموا مصر من البانجو والحشيش مش فاضيين

ومستني الخمس الاف يورو مش شكر....شكر دي هنصرفها منين ان شاء الله؟

:)
 
الهروب من مواجهه اي مشكله اولى الخطوات للسقوط

فما بالك بقى لو الهروب من المواجهه يكون بالمخدرات
المشكله الاساسيه ان اللي بيتعاطى شباب
يعني مستقبل
يعني قمه القوه والعزيمه
مصيبه والله
ربنا يعافينا ويعافي شباب الامه من البلى ده

تاخدو نفس
 
قال لي مرة شخص سوداني المصريين لو في المواصلات وواحد حيشرب سيجارة لازم يعزم على اللي قاعدين كلهم ولومعاه تفاحة يداري وشه في جنب وياكلها

والحقيقة في ذلك أن العاصي يود لو أن كل الناس عصوا حتى يستريح من عذاب الضمير
 
عزيزتى فى القلب
سعيدة قوى بيكى خوفك وقلقك إنت شخصية جديرة بالاحترام وانا سعيدة بمعرفتك حقا - لا تحزنى والموضوع حيتنسى بس لو سيجارة وتعدى لكن لكن لو فيها تكرار-ده حرام
الموضوع مايستحقش فعلا -لابد ان يكون قوى ينساها بالشغل -عدم الجلوس وحيدا الانشغال باى شىء مفيد -وربنا يجعله يجد فى حياته حب ينسيه مايتوهم انه كان حبا
والله يكرمك دوما يا رب
 
احب اضيف
ان الحشيش بيعمل سلبيه للانسان و لا مبالاة
و فتور فى العلاقات
حفظنا الله منه
 
جيت اصبح
ومعايا بوكيه ورد
:)
 
الصحفى الذهبى
أقصد
واحد
أنا معنتش هسميك واحد بعد كده أنا هسميك الصحفى الذهبى على طول
أولا أنا مقدرش أنفسك أنت وبيرو
لان أنتو ناس جامده جداً جداً بس أنا
فضلت أفكر أتمحك فيكو ازاى
يعنى الحكايه تماحيك
والأولاد كده كده
بيدعولك وبلاش تكلف نفسك وتجيب هريسه
ده الكميه القديمه لسه مخلصتش
وتنزلى مخصوص متحرمش منك ياصحفى يا ذهبى

وفعلاً زى ما أنت قلت الشباب عشان تهرب من المشاكل ألى حواليها بتهرب بالشكل ده
وربنا يحفظهم يا رب ويحل كل مشاكلهم قريب أن شاء الله
وجودك بيشرفنى وبيسعدنى أوى أوى يا صحفى يا ذهبى
 
بيروووووووووووووووووووو
نورت يا جمييييييل وحشتنى
أتنافس معاك أنت والصحفى الذهبى مقدرش بس زى ما قلت للصحفى الذهبى أيه تماحيك و السلام
وفعلاً الموضوع كبير وخطير ولا زم نلقى عليه ضؤ كبير ونظهره للرأى العام
لأنه مسأله تغييب شعب
طبعاً أنت شايف نورك بنفسك يا قمر عامل أزاى
يخطف الأبصار
 
أحلى حدوته فى حياتى
حدوتى
فرحتى أأأأأأأأأأد السما و الأرض أن أحنا هنكلم على الماسنجر
أمال هبقه عامله أزاى لما أشوفك يا قمر
أسكت أسكت يا قلبى بلا ش فضايح
مالك بدق بسرعه كده ليه من ساعه معرفت أنك هتشوف حدوتى
طيب طيب حاضر يا سيدى هنشفها فى أسرع فرصه من عنيا


وطبعاً يا حدوتى
قوه الاراده والتقرب ألى الله يصنعوا المعجزات
نورتنى وشرفتنى يا أحلى حدوته فى عمرى
 
مصراااااااااااوى أووووووووووى
واللهى يا سيدى تشتبك ولا متشتبكش
تحت أمرك منته صاحب جميل عليه وكاسر عينى بقه ومديونه ليك بخمسه ألاف يورو
ولونى مش أدره أمسك نفسى
أه يا خويا واحده
أنت مستأل بينا ولا أيه
بكره نشوفك بعد الجواز عامل أيه أدام المدام ونشمت فيييييك
ههههههههههههههههههههه

وأنت أثرت مشكله كبيره جدا حكايه الأفراح وألى بيحصل فيها
والشرطه مش فاضيه
عشان هما كمان بيلفو


هقوم حالاً أمضيلك على كومبوياله
بالمبلغ المطلوب
بس أنا فى عرضك أصبر عليا شويه
عشان دخله رمضان و المدارس ومصارفها
ماشى يا معلم
هحاول اتاجر فى الصنف عشان ألملك المبلغ بأصرع وقت
أستبينا يا معلم


نورتنى وشرفتنى وكسرت عينى يا مصراووووووى
 
أسكندرانى أوى أوى أوى
الدنيا كلها بتنور بوجودك
وفعلأً لازم الواحد يكون عنده شجاعه أنه يواجه مشكله
وطبعاً الشباب هم القطاع العريض من المشكله دى
وطبعاً شكراً عل النفس ده ولونى كنت حالاً لسه شاربه
هههههههههه
نورتنى أوىىىىىىىىىى يا أسكندرانى
 
أما والله بتعمل تدوينة تهاجم فيها
الادمان وراحة تتاجر ف الصنف
:)

ادي يا عم المدونين

بس ياللا ماشي عشان رمضان نعديها
 
أهلاً أهلاً أهلاً يالأستاذ عصفور المدينه
واللهى مش قادره أشرحلك اد أيه فرحت بتشريفك الكبير أوى ده
الدنيا نورت
والمثل ألى حضرتك ضربته ده قعت أفكر فيه كتير لقيته صحيح ميه فى الميه
وتفسير حضرتك لحدوثه أثار اعجابى جداً
لصدقه الشديد
أتمنى دوام التواصل بود شرفتنى يا أستذنا
 
عصمت 30
يا حياتى متحرمش منك على الكلام الجميل ده
وتشريفك الرائع ده
وربنا يحمى ولدنا يا رب من شر الحاجات دى
وبعدين يا مِتى متستهونيش بسجاره
لأنه بتعود على الهروب من أى مشكله بسهوله
وأحنا لازم يكون عندنا قوه أراده
وفعلاً ملاء الفراغ ده مهم جداً جدً
وحل لجميع مشكلنا
ومِتى دى دلعى ليكى يا قمر
نورتينى أوىىىىىى يا حياتى
 
مارو
فعلاً يعمل لا مبالاه وتبلد
ربنا يرفع عن الحميع ويحمى الشباب
ويكرمك يا مارو
شرفتنى أوى يا مارو و نورتنى
 
حدوتى
اللللللللللللللللللللللللله أحلى ريحه ورد وأنا أقول أول ما فتحت النت الريحه الحلوه دى جايه منين
ودلوقتى عرفت من عندك انت يا جميل
أنا هجفف الورد ده و أعلقه على جدار قلبى
 
مصراوىىىىىىىىىىىىىىى
ده يوم سعاده وفرح أنك تشرفنى مرتين

طبعاً سيبك من السطر الى فات ده عشان الفلوس الى عليه بس بمسحلك جوخ ولتكمله المحلسه
خد ده


يا بيه اعمل أيه لسعتك ما انا غلببببان يا باشا وعندى عيال بجرى عليهم

وعايزه يا باشا فى نفس ذات الوقت أرض لسعتك الفلوس لاكن العين بصيره والايد طويله
عموماً سعتك يا باشا فيه شحنه كبيره جداً خت أردر بيها خلاص
وعرفت دورى فيها هقلب بالكشاف أدام البحر
ودى سعتك من النوع التقيل أوى و السبوبه فيها عاليه
والملاحه الملاحه وحبيبتى ملو الطراحه

منتحرمش سعتك يا باشا على قلب سعتك الكبير والانتظار لبعد رمضان
وأحب أطلع سعتك على المعلومات الخاصه بالشحنه أول بأول
أسم الشحنه أ ن شاء المولى
رطب أمهات أشر ب وبعدين هات
وده أسم حركى سعتك عشان الحكومه متشمش خبر سعتك


ونورتنى سعتك وتسلم أيدك سعتك ومنتحرمش سعتك
وربنا يخليك للوطن سعتك
يا رب نكون نُولنا الرضا سعتك
 
فى احصائيه عالميه
مصر اكثر دول العالم
استهلاكا للحشيش
ودا مش كلام تحشيش
دى احصائيه عالميه
ناقشتى موضوع مهم فعلا
تحياتى
 
دايما يا أوشا
بتناقشى مواضيع مهمة اوووى
بيعجبنى اوووى عقلك وطريقة تفكيرك ووزنك للأمور

تعرفى يا أوشا إن موضوع الإدمان
ده مشكله بجد
خصوصا لما بيكون حد قريب لينا
يعنى انا مثلا ليا واحده صاحبتى من ايام ثانوى
للأسف جربت مرة مهو الموضوع ده بيبتدى بالتجربة
الواحد يقول لنفسه هجرب بس
اكيد مش هدمن من مرة
كنت درست ده فى علم النفس
ده بيكون طبعا من دافع الفضول وحب الاستطلاع
والفراغ بردو
وبعدين لما جربت هى مرة اتعودت وادمنت
حاولت معاها كتير اووووى
والمشكله انها بتعمل ده
من منطلق الحريه الشخصيه
ومتعرفش انها كده بتأذى اهلها ابوها وامها
وكل اصحابها والناس اللى بيحبوها

بعدين مش هخبى عليكى
ابتديت ابعد عنها مش لأنى خايفه انى ممكن اعمل زيها
بس لأنها اختلطت بناس كتير اوى
مكنش مفروض تعرفهم
بسبب الموضوع ده

بس لسه من جوايا بدعى لها انها تتغير


سلامى ليكى يا أوشا

تعرفى لو كنت عرفت إنك رايحة
المعاد بتاع يوم السبت
كنت رحت فورا من غير تردد
أنا بتمنى اشوفك قريب اوووى
عشان انا بجد حبيتك جدااا وارتحت لك


يااااااااه
ده انا رغيت كتير اوووى


سلام بأه يا حبيبتى
 
تقريبا كده انتىسجلتينى ..صح؟؟
مش لاقياكى ليه فى الكونتاكت؟؟
سجلينى تانى
معلش
 
فى القلب والمصيبه تلاقى واحد مدون بيمجد فى الحشيش ويرا انه ضروري للسلام النفسى للانسان واللى ما جربش ما يحكمش عجبت لك يا وطن كم فيك من عجائب
تحياتى ما بتجيش ليه؟؟؟ مش تبقي تيجى!!
 
مكان في القلب

انا بس جيت اقول لحضرتك انى مستهلش كل الشكر ده وجزاكي الله خيرا وربنا ينفع بحضرتك
 
الغالية في القلب

منذ فترة وانا أعاني من إحباط شديد

إعذريني فلم أكن أدخل للنت إلا لماماً

انا ذهبت لحفلة وينكي

ولكني كنت متأخراً

فلم أستطع ان أقابل أحداً يومها

بالمناسبة سأتوقف عن التدوين لفترة

فأنا محبط للغاية

ارجو لكِ كل التوفيق
 
إذا أردتِ التواصل

ايميلي هو

hasbbo@hotmail.com

اشكرك أختاة
 
عزيزتى
زعلت منك انك طيبتى خاطره فقط وذهبتى
الم يوجد عندك اى نصيحه او اى حل لكى يشفى منها او يرجعلها او اى حل ثالث
شوفى بقه بخصوص الحشيش والنشوة والمتعه انا اظن ان كل انسان غير التانى والاحساس بالشئ ده بيتغير من حد للتانى ومدى استجابة الجسد بتختلف
انا عن نفسى جربت كتير ولا حسيت بفرح ولا نشوه ولا اى شئ
جربت حشيش بس للتجربه فقط
وعرفت اننا ساعات بنوهم نفسنا بحاجات وبنديها تاثير اكبر من حجمها
شكرا على المعلومات
مع انها مش بتاثر فى حد
بقه الكلام ده تاثيره صفر على الشباب
تحياتى
سلام
 
حوووووووورس
بتنور الدنيا يا حورس وبتسعدنى رؤيتك


يالهوووووووووووووى
بتقول أيه
أكبر أيه
دى تبقى سياسه بلد بقه
ربنا معانا يا حورس
نفسى فى جيفارا مصرى يقضى على كل أعداء البلد

شرفتنى جداً يا حورس
 
البرنسس
يا حياتى ده أنا الى أتمنى أشوفك
وطبعا فى أقرب فرصه هنتقابل يا برنسيستى يا قمر

وفعلاً الأدمان يعنى نتعرف على ناس مستحيل كنا هنعرفها فى يوم من الأيام
ناس كنا بنشوفها فى الأفلام العربى بس
ربنا ينقظ البنت دى بأى معجزه تحصل ما فيش حاجه بعيده عن ربنا

طولتى ده أيه أن شله تطولى العمر كله
أحنا نطول يا جميييييييييل
نورتينى يا حياتى
 
حدوتى القمر
أنا ضيفت سيادتكم وقعت أنتظر طلتك
ونورت شمع وطفيت النور
وأعت أستنى
وبعشم نفسى بحتوتى وعينى متحركتش من على الواد ماسنجر
عشان مستنيه حبيبتى
وفات الوقت
وبعدين وقت كمان
وقعت أقول فييييينك يا جهاد
قصدى يا حدوتى

بس متعوضه وهحاول تانى
 
بنت القمر
يااااااااااااااا ستى نورتى الدنيا
ايه الشرف الكبير ده يا رب ديما
وبعدين أحنا نطول نيجى
لبنت القمر

طبببببببببببببعا سلام نفسى
لانه بعد كده لا بيعرف يهش ولا ينش
شفتيش أكبر من كده سلام

نورتيييييييينى يا قمره والمدونه شرفت بيكى
 
بيدووووووووووووووووووو
أنت تستاهل اكتر من كده
صدقنى عن صدق
ربنا يسبتك يا بيدو
 
صاحب البوابه
صباحك ورد وفل وياسمين
مكتأب ولا محبط ليه بيعيد الشر عليك
أن شاء الله الحاله دى تنتهى قريب
يا ريت النهاره تنتهى الحاله دى
وبعدين أحباط ليه يكفى شرف انك مش منسحب ولا أنهزامى وبتعمل الى عليك
هتموت نفسك يعنى عشان يفوقو ويحسو
ربنا معاك ويحميك يا صاحب البوابه
تبعد عن التدوين فتره
انا مش موافقه
لازم تتواصل معنا عشان كلنا لازم نسند بعض فى الظروف دى
أمال أحنا لوزمنا أيه
شرفتى أوى يا صاحب البوابه
ونشوفك على خير أن شاء الله
 
أحساس لسه حى
نورتنى يا باشا وبصراحه عايزه أقولك
أنى عشان البوست بس ميطولش
مقلتش كلام كتير انا عملته
كلمه ذهبت جات بعد لت وعجن و خبز لمده تتجاوز الأربع ساعات
وهو ما ينفعش يتجوزها فعلا
لأاسباب تكاد تكون مستحيله

أنا مبسوطه أنك قلتى المعلومات الجديده دى كل واحد يكلمنى يوصفلى حاجه غير التانى بتحصل من التعاطى
أن وضحطلى أن كل واحد بيعيش ألى هو عوزه على فكره المعلومه دى فاديتنى جدا


مساله كلامى صفر فى الموضوع ده
أنا يهمنى بس لو واحد أو واحده بيفكروا يجربو اكون حشتهم ولو لللحظات يفكرو يمكن
واللهى لو هنقذ واحد بس واحد
ده يكفينى ويرضينى وربنا معانا


شرفتنى أوى ونورتنى يا أحساس فعلاً لسه حى
 
صدقتى و الله
تلك حقيقه مروعه
اصبح موضوع تجاره الحشيش او ترويجها او شربها فى الطريق العام و الاماكن العامه بدون ايه رادع ظاهره خبيثه هى الاخرى

الا تنسوا ان من اساليب القضاء على الشعوب التدمير منن الداخل
 
والله يا جميل معرفش ايه الحكاية
عموما خدى الياهو كمان اهو
hadota_blog@yahoo.com
ربنا يسهل واشوفك قبل ما اموت
:)
 
أوشا حبيبتى

أنا كتبت لك حاجة متواضعة اوووى
بس بتمنى تعجبك وتقبليها منى

باااي ياحبيبتى
 
أول البوست كان بيتكلم عن نسيان واحدة .. قلت ده موضوع عاطفي جدا .. وهوب مرة واحدة قلب .. أنا شربت حشيش يا سعاد

أي حد لو بجد عنده مشكلة وعايز ينساها ..ليه عندي حل أحسن بكتير من المخدرات والخمور .. الإنشغال والإستغراق في هواية مفيدة أو عمل مفيد يرتبط بيه ويكون ملزم

غير كده بيبقى إستسلام وإستسهال وإستهبال وتبديد لنعم ربنا وأولها الصحة عالفاضي
 
العزيزة اوشا
صعب جدا جدا الإستسلام والهروب من مشكله ما ومواجهتها بمشكله اكبر
ما باحبش الناس اللى تؤذي نفسها بإيديها
كانت جدتي تقول
احسن عاده انك ما تتعود على عاده
بس فعلاً ازاى نواجه المشكله دى وخصوصاً لو ناس قريبين مننا
او حتى ما نعرفهمش
لازم يكون فى ايمان بقضاء الله وقدره
يعني مش واحده سابتني يبقا أأذى نفسي وخاصه انه اذى له أثار خطيره
لو كل انسان فكّر ان ما يحدث له من أشياء هي أفضل ما أختاره له الله لأنه الوحيد علام الغيوب
وأن نظرتنا للامور محدوده جداً
لعرف ان لا شىء سيغير القدر المكتوب
وأنه بإدمانه يخسر ما تبقى له من ادميته
يا رب ابعد عنا وعن كل من نحب
الوقوع فى هذه الدائرة اللعينه
تحياتي يا قمر
 
السلام عليكم ورحمة الله وبركاته
اختى الفاضله
جزاكى الله كل خير على هذه اللفته الطيبه
برده انا متأخره ارجو المعذره بسش انت الى حبايبك كتير
دومتى بخير و
والسلام عليكم ورحمة الله وبركاته
 
السلام عليكم
سيدتي الفاضلة

جزاكي الله خيرا علي هذا البوست
وربما توارد خواطر
ههههه
فقد كنت من حوالي شهر مع توقيت حملة صاحب البوابة جزاه الله خيرا
ان انشر موضوعات عن اضرار الحشيش الجسدية والنفسية

لكنك قمتي بالواجب وببساطة شديدة وموضوعية سهله

لك التحية والاحترام
 
اشياء كتير لم استوعبها

كيف يترك انسان عصير المانجو الجميل ويشرب كحوليات قابله للاحتراق

كيف يترك الانسان الهواء العليل وعبير الزهور ويشمشم فى حريقه السيجارة

وكيف يتخلى الانسان عن عقل نابه واعى منطقى عقلانى ويتعاطى ما يخدره ويحول صاحبه الى معتوه مترنح ابله مبلم يضحك منه الناس

اليس هذا جنون؟
 
يعني لما أوشا هانم تتكلم..المدونين لازمهم يعملوا تعظيم سلام
كلامك رائع

أتعرفين, لست أعتب على المدمنين فقط. الوضع معقد ومتشابك تشابك الخلايا العصبية التي وصفت
والمجتمع لا يقوم بما يكفي لترسيخ وازع ديني وأخلاقي في نفسية مواطنيه. كثرة المشاكل تجعل الشباب ينغمسون في اليأس.. كل ينتحر بطريقته
فهناك من يدمن وهناك من تحترف الدعارة وهناك من يلجأ للشعوذة وأمور التخلف..وهناك من يفجر نفسه لكي يصل سريعا لعالم السعادة
من جهة أخرى, تحاول الأعمال الفنية تسويق البطل أنه الرجل الذي يدخن بلاوي وينحرف ويصيع..شوفي أبطال الشاشة, شوفي محمود عبدالعزيز في رأفت الهجان, شوفي أحمد زكي, عادل إمام, إلخ إلخ

لا نملك إلا أن ننصح الناس وندعوا الله أن يصلح من شأن بلداننا
والله المستعان

شكرا لكلماتك الهادفة

إحترامي
 
واضح انك تبنيتي قضية الادمان
ربنا يوفقك
و على فكرة انا اتحلقلي بسرعة و هفكرك تاني دة اميلي
shamsshamsegypt@yahoo.com
 
عزيزتى
اسف على كلمة صفر انا مش بقلل من قيمة كلامك بس بوضحلك ان النصيح دايمن مش بتاتى ثمرها مع الشباب بالذات لما تكون مكتوبه او مقروءه
لازم حادث او موقف ياثر فيهم فده يغيريهم
تانى شئ انتى نسيت تجوبى على سؤالى فى البوست اتمنا تخشى وتجوبى عليه
تحياتى
سلام
 
أبو مفراح
طبعا اقنعنى ليه زمان كان
ألى يمسك أدين مراته فى الشارع ييتقبض عليه لانه ارتكب فعل فاحش فى الطريق العام
الأن أقسم بالله أراهم بأم عينى على كورنيش القاهره
يفعلون مثل نهايات الأفلام العربى
ورجال الشرطه يقفون بجانبهم بقرنين
والشباب يجاهر بها فى الشوارع
ومروجى المخدرات يبيعونها عينى عينك


ولا أقتنع أنها سياسه دوله أليس لنا أى زره عقل
ألا يرو ما أرى فى كل مكان
 
برنسستى روحت وشفت يا حياتى متحرمش
 
يا مركبى
هههههههههههههههههههههههههه
حلو أنا شربت حشيش يل سعاد

وفعلا الحلول الى قدمتها منطقيه جدا


بس نيجى للهوايه جيل كامل أهله قضو عليهم ولم تنمى هوايه منذ الصغر

الشغل ألى بيحبه

أنت فى مصر يلاقى هو بس شغل مش مهم يحبه

هى دى مصر يا عبله

عبله كانت بنت خاله سعاد

شرفتنى أوى وبتنورنى
 
لومى
يا جميله
مثل جدتك ده جامد جداً
أحسن عاده أن الواحد ميتعوتش على عاده
أنا هحفظه
واللهى هى جابت الخلاصه
ويارب يبعد عن شبابنا كل العادات والتصرفات المضره
نورتينى أنتى و جدتك يا قمره
 
مؤمنه يا روح قلبى
تعالى أنتى فى أى وقت هتلاقينى اقعده مستنيه القمره مؤمنه
وبفضلك حبيبى زادو
ونورتينى يا حبيبتى أحنا بنعمل حاجه صغيره من ألى أنتو بتعملوها
 
المجهول
أنتى بتنورنى جداً وبتشرفنى
وعايزه أقول أنى من دواعى فخرى يكنلى
توارد أفكار مع حضرتك
ولازم تنزل البوست ده لازم نكلم كلنا فى الموضوع ده لانه كبير ويستحق
نورتنى اوى
 
ربنا يلطف بينا جميعا وينجينا من كل الحاجات دى ..
وخصوصا الحشيش لأن فعلا استهتار الناس بأضراره مخليه أكثر انتشارا .. ربنا يعافينا
 
هارملس
أيه النور ده كله النت كله نور

بس عايزه أقول لما يلاقوا سعر كيلو المنجه فى جيوبهم أكيد هيعصره ويشربوه بدل الكحل

ولما يلاقو الورد والشجر مزروع العشوائيات أكيد هيشموه بدل المخدر

مش بدافع عنهم بس بورى أن حاله البلد كلها ساهمت قى المشكله

وشكراً على النور ده كله
 
سندباد
ده المفروض لما سندباد يجى أنا ألى أعمل تعظيم سلام
أنت قيمتك كبيره أوى يا فندم وأنت عارف كده

وفعلا يا سندباد زى ما انت قلت كلن ينتحر بطريقته الخاصه هروبا من حاله تزداد سواااااااااد
وربنا ينورها من عنده

نورتنى يا أستذنا و تضيف ألينا
 
شمس باشا
بنتبنى أى قضيه تهم ناس الوطن الغلين أوى على قلوبنا

أنا مش بحلق أنا بروح بيوتى
ههههههههههههههههههه
ظفناك على الماسنجر ولا حس ولا خبر
 
أحساس لسه حى
أبداً أنا فهمتك ومتعتزرش
لانى عارفه أنك قصدك كل خير

وعموماً يا عمنا رحنا وجوبنا على السؤال

ونورتنى جداً
 
أخف دم عندنا
يا مراااااااااحب
أيه النور ده ده أحنا ظرنى
المتنبى الجاحظ أحمد شوقى
ده انا مش مسدقه من كتر الفرح

يا سيدى فعلا معك حق من كتر ما الناس بتقلل من أضرار الحشيش انتشر
عموما يا باشا نورتى وشرفتنى جداً جدً
 
اسلوبك رائع وسلسل
عارفة عندي صديق عزيز جدا
كنا قاعدني ومش عارفني نعمل اي
قمت قلتلو هو الحشيش اي
قالي انت بتقولي اي
وبتسألي لي
هو انت عاوزة تجربي يا مجنونة
قلتلو لاء بس عاوزة اعرف اكثر عن الانواع والاشكال والي بيحصل في الواحد لما ياخدو
بقينا اكثر من ساعة وهو بيكلمني وكل شوية يحزرني اني ما جربش حاجة
عرف يجاوب على كل الاسئلة بس ماعرفش مضار الحشيش اي
تصوري
لما اشوفو حبقى ادي المعلومات الي كاتباها
ربنا يجزيك كل خير
تحياتي القلبية
متاسفة على الاطالة
 
السلام عليكم
ازيك يا جميل
انا معرفتش اسمك
بصى بقى انا عجبتنى قوى كلمه استاذ عصفور المدينه
انا العاصى مبيرتحش الا لما يشوف كل اللى حوليه بيعصوا عشان يرتاح الضمير
طيب ما هى السجاره دى مؤقته وبعدين ما حيرجع للحال الاول يعنى المشكله متحلتش
 
سلام عليكم
انتى اتكلمتى فى موضوع مهم جدا خاصة ان اغلب شباب مصر بقو خلاص مدمنين الحشيش ده وواخدينه تسلية ويقولوك لو عايز ابطله هبطله
بجد حال الشباب بقى يأرف وتبقى مصيبة لو فى بنات بتشربه
شكرا ليكى يا جميلة
 
أكرمك الله وسوف أتابع إن شاء الله
غالبا اللي بيضاف في الريدر عندي لا يحذف لأنه يكون يستحق المتابعة
أعانك الله وأيدك
 
This comment has been removed by the author.
 
شعبان احمد سلامه
نجار من حى زينهم

كسيب وفلوسه ياما
ولا يعرف كام عددهم

وبانى كام عماره
وكل عماره منهم

تساوى الف حاره
ولا حاره حى زينهم

شعبان بطل يصلى
وشطانه خد عليه

وداه لطريق يخلى
فى الشر تزوغ عنيه

خلاه قاعد تملى
ومزاجه بين اديه

سكران والعقل تايه
وعياله مش فاكرهم

اتغير حال صاحبنا
يبدور عالرغيف

وعزل من حارتنا
واتبهدل عالرصيف

واتنيل ساب مراته
وبيته كان بضيف

والناس تقول ياريت
يموت ولا يفارقهم

الكيف ياخونا ديما
نهايته مش تمام

واوعى من الى يضحك
فى شك بالكلام

ويقولك بس جرب
وهتسرح فى الغرام

راح تخسر كل مالك
نصحتك والسلام


البوست بتاعك فوق الهايل منتهى منتهى الجمال ثقافه علميه ومعلومات عامه مبهره
انتى جامده اوى
تحياتى
 
عندك حق الارداة اقوى دواء للشفاء

المشكلة الموضوع بقى عادي و الكل بقى بيشرب

انا بوافق مراكبي في حله فعلا

بوست ممتاز بجد


سلام مؤقت
 
ليمونالدا ألى بتنعنشنى
عارفه حكايتك دى اسعدتنى لدرجه كبيره يا قمر
حسيت أن حد كان وأنا أشبعت رغبته فى المعرفه فبس خلاص عرف
لانى عارفه أن ناس كتير عايزه تعرف
شرفتينى ونورتينى يا نعنشه
بحبك
 
نسرين
أنا أسمى أوشا يا جميل

والأستاذ عصفور أعتقد كان بيرد على أحد تعليقاتى فوق أن اارجل بيعزم بحشيش لا ميسلفش حد محتاج
نورتينى أوى أوى يا قمر وبتشرفينى يا حبيبتى
 
البنت الجميله أوى أوى شلبيه
فعلا يا حياتى
كل واحد يألك لا ده انا اقدر ابطله
طب ما تورينا يلا
يقلك مش دلوقتى
أمال امتى لما يقضى عليك
فعلاً مصيبه
نورتنى اوى يا قمر وشرفت المكان
 
أساتذنا عصفور
تشرفى بوجود حضرتك مرتين ده وسام
فى أى وقت حضرتك هتنور
 
ممكن
يعنى أنتى ديما بتخجلنى
يا سيدى أن كومنتك ديما واللهى تدوينه
أنت الى جاااااااااااامد
وعمنا
نورتنى يا سيدى والشرف ليه فى وجودك
 
شاه طبعاً الدنيا كلها نورت
بوجودك
وأنا كنت ناويه زياره قريبه
لاكن الكريم سبق
طبعاً حل المراكبى صح
بس
لما يتوفر أهل وعين يعملوا هوايه منذ الصغر
أو يتوفر شغل أى شغل مش مهم نحبه
للشباب الغلبان ده
ناس كتير منهم محترمه مش عايزه تضيع
لاكن اهو هروب غلط وخلاص

شاه نرتنى جداً والشرف حل عليا بوجودك
 
حلو أوي الموضوع والكتابة
بس انا أسمع ان في حركة لفضح تجار الكيف
ليه منشاركش فيها ؟
على فكرة الناس دي سهل جدا انها تتعرف من خلال الكلام مع الشباب الكتير اللي بيدمن دلوقتي للأسف
حلو أوي الأفكار اللي بتتكلمي فيها
انا سعيد بالمدونة دي
بالمناسبة ميرسي جدا على تعليقك
:)
 
على فكرة صاحب البوابة متبني قضية المخدرات دي و انا معاه
و عندي احاديث كتير مع متعاطين مخدرات لو عايزاها
 
فين الجديد؟؟؟

منتظرين تدوينات في الجون مش ف القلب
:)
 
علوه
دييييييييماً بتنورنى
واللهى يا علوه مش عارفه ليه حاسه أنها سياسه بلد من حجم أنتشارها
وربنا يستر على ولدنا
ويسيدى أنا ألى أسعد أنى أتعرفت على مدونتك الجميله
ديما بتشرفنى يا علوه ومنور
 
شمس
ربنا يعمل ألى فيه الخير
وأن شاء الله نتطلع على الأحاديث
بتنورنى جداً يا شمس
 
مصراوووووووووى
أهلا أهلا أهلا بالناس الجميله
واللهى يا مصراوى زيارتك ليه دى عذيذه جدا والكلام ده من قلبى

وبعدين حد قلك أنى مذيع كوره ولا لعيب تكونش فاكرنى بيبو مثلا
يا عم أنت أنا يدوبك مدون بكتب من
القلب
يعنى أنا أكتب و أنت تقراء وأنت ساكت
لاء وأيه تعجب كمان بالكلام
مش بيمزاجك يعنى أه

يا عم ديماً واللهى منورنا ومشرفنا على طول
 
اوشاااااااااا

انا اولا عاوزة اهنيكى على اشتراكك فى المدونة الجديده

تانى حاجة بأه
أنا غيرت اليوزر خالص
واللى بكتب لك منه ده اللينك الجديد بتاعى

المدونة فى ثوبها الجديد


سلام ياحبيبتى
 
معاكي حق لكن صدقيني اثناء الموقف محدش بيفتكر خالص كل الكلام العاقل المنظم ده وبيكون كأنه ميعرفش منه ولا كلمه وتسمعي افتائات تجنن عن انه عشب طبيعي غير ضار
كلنا بنحب نضحك على نفسنا والحشيش هو فقط احدى الطرق
تحياتي
سلاااااااااااااام
 
مدونة رائعة تستحق الاحترام ورفع القبعة ومتابعتها دائما

اشكرك لزيارتك واسمحيلى اكون من ضمن زائريكى

تحياتى على موضوع يؤثر فى كل شبابنا دايما

سلامى -- هبة
 
تماام زي اخر جملة انتي قلتيها
تبقى الارادة
تبقى الاراده
تبقى الارادة
---------
تحياتي لكي
 
عجبني جدا مقال حضرتك رحم واحد و ان شاء الله ابقى خمتابع جيد لمقالاتك
و على راي اعلانات التليفزيون
تعالوا زورونا
 
والله يا عزيزتى الاراده مش علاج حاسم للادمانبس، ولكنها علاج حاسم لكل شىء تقريبا


تحياتى
 
ربنا يعافينا وجميع المسلمين من المصايب دي

وربنا يجعله في ميزان حسناتك

البوست طبعا مش الحشيش

:D
 
فعلا عندك حق لو كان صحبه مكنش ضره هو وصاحبه فاكر انه كده بينسى وانه روش ميعرفش انه فعلا بينسى بس بينسى حياته وعمره
 
برنسس دودو
شكراً ليكى يا جميل
وكل مدونه هتعمليها
هتكون رائعه
وديماً هكون معاكى أن شاء الله
بتنور يا قمر
 
الشنكوتى الكبير
طبعاً أنت نورتنى جداً بزيارتك العذيذه دى وشرفتنى
أنا عايز أوضح بس أنى نفسى لو هيفرق كلامى ده مع أنسان واحد هيكون أعظم أنجاز فى حياتى
يمكن تحصل معجزه
وتفرق أن شله مع واحد بس
 
دوبا
هبهوبه الجميله
شكرً ليكى تشريفك مدونتى
ونورت يا قمر
وفعلاً الموضوع ده مهم جداً
 
أحمد سلامه
بتنورنى أوىىىىىىىىىىىىىى يا أحمد
وبنتشرف بوجودك
وتبقى قوه الأراده
 
محمد التابعى
نورتنى أوى يا محمد ووجودك
شرفنى
والحمد الله أن كلامى بيعجبك
وحالاً يا باشا على مدونتك
 
بعدك على بالى
ياااااااااااااا دى النور
القمر طلع فى السما والشمس رقصت والعصافير بتغنى
كل ده عشان أنت هليت يا قمر
وقوه الاراده هى العلاج الجامع الشامل
نورتنى يا جميل و شرفتنى
 
القلم السكندرى
شرفت المدونه ونورتها
وربنا يتقبل دعائك
وأبقى ديماً
أتفضل
مش على حشيش
على زيارتنا يعنى
هههههههههه
 
هند
هندوده الجميله
فعلاً يا هندوده لو كانو أصحاب
كانو
يبقو صحبه فى الخير مش شر
وفعلاً دول بيضيعو عمرهم
نورتينى يا قمر وشرفتى المدونه
 
ربما اخطأت سهامي و اصابت الهدف مؤخرا و لكن الموضوع حقا مهم و حيوي و ارى انك بحثت كثير حتي توصلت لهذا ادعو ان يشفب الله مرضا الادمان في مصر و التي يتزايد اعدادهم بكثرة هذه الايام وفقك الله لما يحبه و يرضاه
 
طبعا ان ماثرة قوي في الزيارة بس غصب عني ياجميلة وانا شايفة ان الموضوع ده في الاول والاخر مرتبط بدرجة الايمان ومدي قوته اسال الله العظيم ان يقوي ايمان شبابنا
 
بجد أنا حزينة جدا على اللى بيحصل لشبابنا
والمشكلة أنهم مش حاسين باللى بيحصل لهم
تحياتى لكى
 
انا ول مرة ازور المدونة
مش عارف ازاى مزرتهاش قبل كده
احب بس اسجل اعجابى بالمدونة العظيمة دى
واتمنى من حضرتك زيارة مدونتى المتواضعة
 
جمبل جداً
استمرى ولا تنغمسى
اصدقى نفسك ولا تكذبى عليها

اعلمى ان للامور بدايت نعلمها جيداً الا ان النهايات لا نعلمها فابحثى عن بداية ودعى النهاية ففى النهايات الام

اتركى الزيف واهربى من الشعارات فما اشد على النفس من خطأ يقابله دعم من لا يرى

ليت النقد يكون فى معناه حتى يستقيم الامر الا ان النفوس دائماً ما تأبى
التزكية

اردت الكلام كثيراً الا ان هذا يكفى
 
hi
de awel mara azor el blog
w ad eh blog gamil .. ra2e3 fe3ln!!
 
في القلب
للأسف الشديد جداًً أني فيه شباب كتير أوي من شبابنا وممكن يكون فيه ناس منهم من أصحابي فاكرين أن المخدرات كالحشيش أو البانجو أو خلافه أن ده شيء طبيعي جداً وشيء أساسي كمان ومفيش فيه حاجة غلط
ولكن لو فكروا مجرد تفكير هيعرفوا أن الكلام ده كله ملهوش أي لازمة سوى الضرر وبس
أهنيكي على البوست الجميل الهادف ده
تحياتي ليكي
 
اللهوى الخفى
شرفتنى جدا بنورك وزيارتك لى
وفعلا الدافع لكتابه هذا الموضوع أعداد
المدمنين التى أراها فى تصاعد
ربنا معانا كلنا
شرفتنى جدا يا اللهوى الخفى
 
ترو لاف
ولا مقصر و لا حاجه ياقمر أى وقت أنت فاضى فيه أحنا مستنينك
ديما مستنينك
وفعلا صدقتى الأيمان له فعل السحر
ولاكن الأيمانفى هذا الوقت أصبح صعب لان التداعيات الأقتصاديه تؤثر عليه
ونورتنى جدا جدا يا جميله
 
بوس بوس
نورتينى أوى لأوى يا جميله
وشرفتينى جداً
أنا حاسه أنهم عارفين أنهم بيضيعو
لكن محتريين يعملو أيه
كل حاجه حوليهم متلخبطه ومش واضحه
ربنا يكون فى عونا كلنا
الدنيا نورت بوجودك يا قمر
 
دكتور كسلان
أنا ألى ليا كل الشرف أنك لقيتنى
وأنت أد أيه نورتنى وشرفتنى
وكمان الشرف همتلكه عند زياره مدونتك
أنت تأمر
ونورتنى جدا جدا
 
المجهول
السكون
أحببت كلامك لماذا توقفت عنه
أنا أيضاً كنت أريد الأستماع أكثر
ولاكن أنت من قلت هذا يكفى
شرفتنى ونورتنى يا السكون
 
بطوط
النور كله جه لما زرت المدونه
وأن شاء الله التواصل على طول و التشريف
وشكرا على رأيك الرائع
 
نوشا
نورتنى جداً يا نوشا وشرفت المدونه
والحمد الله أنك قوى وسط الأمواج ربنا يحميك ويسبتك
والحمد الله أن ربنا عرفك أن كل ده مش له لازمه
وربنا معانا كلنا
وطبعاً أنت عارف أد أيه أنا بعتز بيك وبحضورك
 
http://a7asessha3er.blogspot.com/
bambino
 
السلام عليكم
اولا موضوع مهم جدا لان المخدرات منتشرة بطرقة رهيبه جدا بين الشباب دلوقتي اصبح الكلام عنها شئ عادي بينهم
وبينافسوا بعضهم بيها
وللاسف ممكن يكون عارفين اضرارها بس بردوا بيشربوها
ويبدوا ان الانسان بيتعلم بعد ما يقع مش قبل ا يقع
فيارب احمينا من شرها
 
ماذا حدث ؟؟؟
 
السلام عليكم ورحمة الله وبركاته
أختى فى الله
أين الجديد وما سبب هذا التأخير
عل المانع خير
دومت بخير أختى المبجله
وابقى طمنينا عليكى
والسلام عليكم ورحمة الله وبركاته
 
مش عارف اقولك ايه على موضوع الحشيش ده بس المشكله ان الناس مشاكلها كترت قوي والراده اللي بتتكلمي عنها مش موجوده اصلا لأن هو لو اصلا كان عنده اراده كان هيقاوم بيها المشاكل اللي عنده ومش هيتجه للحشيش يبقى هيجيب اراده للحشيش منين يعني
وعموما محمود عبد العزيز قال راس بلا كيف تستحق القطع بالسيف
بس الكيف مش بس حشيش ممكن يكون اي حاجه انا كيفي فيها ممكن يكون هوايه او لعبه او اي حاجه
حلو البوست قوي
سلاااااام
 
يا شنكوتى
أنا ماشيه وراك أهو أرد عليك يا بنى أنا ست عجوزه مش شباب زيك يا بنى


وعموما أنتى أسعتنى أوى أنك بتعلقلى على بوستات قديمه


ومتحرمش من رأيك الجميل ده



هنبقى شكلنا كده أصحاب جامدين جدا جدا
 
情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人
 
Post a Comment

Subscribe to Post Comments [Atom]



Links to this post:

Create a Link



<< Home

This page is powered by Blogger. Isn't yours?

Subscribe to Posts [Atom]

<بينورو القلب>
<بنارات القلب>
<وصلات عقل قلب>
  • سندباد...أنا فى أنتظار ك
  • سوسو...أعمق مكان فى القلب
  • cast2way... نهاجر أليك ألى الأبد
  • مركبى... الوطن فى الانتظا ر
  • أسكندرانى...أوى أوى أوى أوى
  • بوسى...جميله وكلمها جميل
  • صاحب البوابه...الشجاع الحساس
  • loumi...قمر مجاور القمر
  • السندباد...شاعر المشاعر
  • الملاك الصغير...روايه غير أعتياديه
  • محمد حمدى...دماغ كبيره متواضعه
  • ساكايار...الحياه دنيا ودين
  • مجهول...كلمات متوازنه عميقه
  • ضد الظلم...أبو العربى الهومام
  • مدونه كسبان...مدونه مفيده أوى
  • mimi...قيثاره و عازفين
  • حدوته...تلسكوب لأشياء دقيقه
  • إيمان الطاهر...خواطر زى السكر
  • أدم المصرى...البركان الساخر
  • ماريا مجدولين...عادت من أجله
  • محمد الحداد...غاوى تلحين
  • محمد العشرى...أديب و روائى
  • الصوره الجديده...الواقع بأختصار
  • ذو النون المصرى...الفن بالفطره
  • جدو ...حبيب الملايين
  • ممكن...الحكى بهدف ونيه
  • بعدك على بالى...الحكى مغسول بماء المطر
  • مصراوى أوى...دين و أخلاق
  • شمعه امل...بيروووووو
  • واحد من الناس...كلام زى السكر
  • نوشا+شمس...هما مش معاهم
  • دودو...البرنسيسه
  • واحد+وحده...من الناس
  • لونلى...إحساس جميل