مكان فى القلب: تاج من البنوته الرقيقه .....حدوته

Wednesday, August 1, 2007

 

تاج من البنوته الرقيقه .....حدوته


أنا جالى تاج من الرقيقه حدوته...أناكنت واخده فكره عن موضوع التاج ده قبل كده بس مكنتش عارفه بيتبعت أزاى
دلوقتى فهمت اللبه
أنا كنت فاكره موضوع التاج ده بيحصل بعد سنه مالتدوين مثلا لما العلاقه تأوى بين المدونين عشان كده أتفجأت لما
أتبعتلى تاج بعد اقل من شهر فى عالم التدوين مخبيش عليكم فرحت أوى عشان حسيت بالحب ليه
أنا شايفه التاج ده حاجه صحيه ومهمه عشان نعرف بعض أكتر
أسم مدونتك؟
مكان فى القلب
لماذا أخترته ..وما هى نيتك من وراء أختياره؟
أخترته لعده أسباب أولا لانى كنت بأقراء للمدونين قبل دخولى عالم التدوين وأثرنى الحب ألى بنهم مع أنهم مش عارفين بعض
فحبيت أستمتع بالعالم الدافىء الداعم ده وأنتمى أليه وأنا فى تعريفى للأسم قلت مكان أحتويه ويحتوينى ويملكنى وأملكه وأأنس به وأعتقد أنى لقيته بفضلكم
وكمان عشان فيه أشياء و أماكن وأحاسيس أريد البوح بها
هل فكرت فى أغلاق مدونتك ؟ولماذا؟
يافتاح يا عليم يا رزاق يا كريم ده احنا لسه فاتحين المحل وهنرش الميه ليه كده على الصبح
صورتك فى المدونه و رمزيتها؟؟
مش عارفه حسيت أول ما شفتها أن الانسان طلما وجد الرفيق الطيب ممكن يمشى بأمان فى الحياه حتى لو كانت الظروف المحيطه مش ملونه وممكن كمان يشعر بالسعاده لمجرد القرب منه المهم عجبتنى الصوره وأثرت فيه
لما دخلت عالم التدوين من الأساس؟
يمكن فبه يوم يجى أطبطب على حد أو أمسح دمعه حد او أدفى حد لو حصل ده هكون فى منتهى السعاده
جمله قيلت لك فى وصف مدونتك؟
بصراحه كل الناس ألى علقت كانت فى منتهى الرقه والزوق العالى كل الكلام أسعدنى
التعليقات بالنسبه لك..واهميتها؟
نبض القلب فهى التفاعل الحقيقى
أحلى بوست كتبته....ضع اللنك ثم أذكر لماذا؟
كلهم أولادى
أفضل بوست قرأته ؟وضع اللنك؟
كل البوستات الى بقرأها بتفاعل مع صاحب البوست وأندمج معه وأنظر من وجه نظره وبحترمها عشان كده كلهم الافضل
أفضل مدونه قرأتها؟
كلهم واللهى بدون مجامله
حد قل أدبه فى التعليق أيه رد فعلك؟
أبدا كلهم ناس حساسه وجميله
أسواء مدونه؟
ده بقه حصل
مدونه واحده نكره تطاولت على الرسول بأسأله سخيفه زيها وتطوالت على السيده خديجه وطبعا الشيطان ألى
ألى فاتح المدونه وقاعد فى دمغها البوست ألى بعده تطاولت على الذات الالهيه بسؤال حقير زيها
عموما الله متم نوره ولو كره الكافرين
وأيضا النار وقودها الناس والحجاره
نغير الموضوع ده عشان هى أقل من أن أنا أدوشكم بسيرتها
أسواء بوست أسواء مدونه؟
الأجابه فى السؤال السابق
هيحصل أيه لاميلك لما تموتى؟؟
سؤال غريب عجيب
هو انا هاكون عند ربنا بتسأل وعرقى مرقى فاضيه أدور على الأميل وألى هيحصله
بس أنا هكتب فى الوصيه لأولادى يدخلو على كل العناوين المتسيفه ويبعتلهم يدعو للمرحومه حضرتى ويقر أو الفاتحه
وخصوصا انا مسيفه الباسوورد
أديتى الباسوورد لحد قبل كده؟
أى نعم
كانت أيه طبيعه علاقتك بيه؟
مين الباسوورد ولا ألى خده عموما كل خير
أسمك؟
حاجه غريبه تانى يعنى لو عايزه أقوله كنت كتبته فى التعريف بتاعى
المشهور بيه وسط أصحابك؟
ده تصميم بقه عموما عشان بحبكم أوشا
عمرك؟
ياجدعان حد يسأل انثى عن عمرها عموما عشان برده بحبكم 35
برجك؟
الجدى
دراستك؟؟مجالك؟؟
درست محاسبه فى كليه تجاره ودلوقتى بعد ما العلم تقدم بدرس نظم معلومات
شخصيتك نوعها ايه؟
متفائله..بسيطه..عندى سعه صدر..حموله
السفر بالنسبه لك؟
متعه لحد السما لما بأكون مع ناس صحبتها حلوه أما لو حصل العكس كل الأماكن فى الوقت ده بتبقى فى عينى واحده
المهم عندى الصحبه أخبرها ايه
وقت فراغك بتعملى ايه؟
ببلجر ,ببلجر, ببلجر,بتكلم فى التليفون مع أصحابى
المود بتاعك؟
مرحه ألا لو ظهر حد كأبو خبر كأبو
الأكله المفضله؟
الأطعمه الخفيفه ألى معموله بفن ..ام على من غير زبيب وجوز هند عشان مش بحبهم
الصفات التى أخذتها من بابا؟
التسامح عمال على بطال من غير مناسبه التفائل من غير مناسبه
الصفات التى أخذتها من ماما؟
أنكار الذات بس مش بطريقتها هى اكتر أنا خت حته تحمل السؤليه
أكتر ست حاجات بكرهها؟
بكاء الشيخ
القسوه
الظلم
الزلازل
التكالب على المال
الفضائح
أكتر ست حاجات بحبها؟
ربنا و الرسول صلى الله عليه وسلم
أولادى وهم يضحكون
أصحابى ألى فى الحياه وأصحابى البلوجاريه ألى معنتش أقدر أستغنى عنهم
الجبال الجبال الجبال أروع منظر على الاطلاق
أفنن أكلات غريبه فى المطبخ وأشوف رد فعل الجمهور
الوحده مع شوب عصير نسكافيه باللبن ساعه العصارى وخلفيه موسيقيه وتكون معزوفه بالعود أو كمان أو ناى
يا سلام يا ولاد أحلى دماغ
الشغل بالنسبه لك؟
الحلم المستحيل لطبيعه ظروف حياتى
الأنترنت بالنسبه لك؟
الأكسوجين
أمرره لمين؟؟
السندباد..أنا فى أنتظارك****صاحب البوابه****بوسى**** لومى****ممكن**** مىمى****سحركش****
الملاك الصغير****ذو النون المصرى**** المجهول****جدو ****أدم المصرى

Comments:
يا مرحبا بالتاجات
انشاء الله حجاوبه قريبا
اشكرك علي الاهداء
واجاباتك تنم عن انسانة محترمة وطيبة
بس علي فكرة انا بحب جوز الهند
وده اختلاف كبير بينا يا استاذة
هههههههههه
تحياتي يا سيدتي ودمتي بخير
 
مبروك التاج واجاباتك جميله اوى
واجاباتك بتدل على شخصيه جميله ومحترمه
تحياتى
 
العزيزة اوشا

اشكرك على ترشيحى للاجابة على اسئلة التاج ـ لكن ارجو قبول اعتذارى لسبب واحد انى من خلال الكتابة فى مدونتى ومن ردودى وتعليقاتى عند الاخرين اصبحت كتاب مفتوح ولن اضيف شئ عند الاجابة على اسئلة التاج ـ اما اجاباتك انتى فعرفتنا على انسانة بتحب الخير للناس ودة يدل على انك فى سلام داخلى ونشكرك على تعريفنا بشئ عنك ـ تحياتى
 
اجاباتك جميله

تحياتي لكي
 
مبروك التاج و ربنا يكتر من أفراحك و يخللى أولادك دايما بيضكوا و سعدا بيكى ويبعد عن سكتك الزبيب وهند تطلق من (جوزها) هاهاها
 
ايه يا ستي
كلنا لها انا اتهبدت تاجين في يوم واحد وفي تاج تالت بس والله ما فاضيله
نهايته
بجد تاج شديد اوي
والجابات كمان ظريف
ادام الله علييكي اسرتك
 
اجابتك جميلة جدا وفضفضة دمها خفيف ربنا يسعدك دايما
تحياتي وشكرا علي التاج
 
السلام عليكم


كل تاج وانت بخير

يظهر ان في اسرار علي التاج دا
هجاوبه هجاوبه
اشكرك جدا
 
في القلب
شكرا على التاج يا عسل انا اتخضيت لما جالي وكنت فاكرة ان حكاية التيجان صعبة عموما هجاوب في اقرب فرصة
على فكرة دماغ النسكافيه مع الموسيقى دي زي دماغي علشان كده بنفهم بعض كويس وربنا يديم المحبة
تحياتي
 
السلام عليكم
واضح جدا من اجاباتك خفة دمك وقلبك الطيب وشخصيتك المتسامحة الجميلة

تحياتى ليكى
واحب اعرفك ان مكانك دايما فى القلب

:)
 
المجهول
لا شكر على واجب ده من دواعى سرورى
ومش واحده زى هند ألى توقع بينك وبينى
ههههههههههه
أكيد فيه أكلا ت كتير مشتركه بينا و ده يقرب وجهات النظر
 
شمعه أمل
الله يبارك فيك
وشكرا على الكلام الجميل ده فى حقى
 
جدو
أحنا عشان بنحبك أوى عايزين نقعد نسمع منك كل حياتك ألاف المرات
وشكرا على كلامك الحلو فى حقى
 
واحد
الحمد لله أنها نالت الأعجاب منتحرمش
 
الصوره الجديده
أنا وأنت يارب متحرمش منك أد أيه دعاك حلو
ومفيش داعى جوز هند يطلقها كفايه بس علقه سخنه عشان تعرف غلطها فى حقى
ههههههههه
دمتم لنا أنت و الاسره
 
أسكندرانى أوى
تتصور أنى فرحت أوى لما أدهبت التاج ده مكنتش عارفه أنى هفرح كده
ولو سمحت أعمل يالا التاج بسرعه ألى عندك
متحرمش منك أبدا يا اسكندرانى
 
سندباد
الحمد لله أنها عجبتك
ومتحرمش منك ولا من أشعارك الجميله
وبعدين لا شكر على واجب
 
بوسى الجميله
أحنا بقه بعد متجوبى التاج عيزين نعرف كل الاسرار
فى أصرع فرصه لو سمحتى
 
ميمى
ولا صعبه ولا حاجه دى فضفضه جميله أوى بتقربك من ناس انتى بتحبيهم وهما كمان بيحبوكى
دمغنا واحده ده أكيد يا جميييييل
 
حدوته
الجميله الرقيقه جبتيلى هديه متعتنى اوى يا قمر يا رب ديما لا أتحرم منك ولا من هداياكى
أما خفه الدم ده انت استاذ يا قمر
 
انا جاوبت علي التاج ده مره ولكن هجاوب عنه تاني باجابات اخري لاجل الدعوه الكريمه من طرفكم
عموما استمتعت بالقراءه و اتمني لك التوفيق
تحياتي
 
اجابتك جميلة جدا ورقيقة اوي اوي
ان شاء الله هبقى زائر دائم لمدونتك
بعد اذنك يعني
 
ذو النون المصرى
ياخبر ده كرم كبير منك أنك تشرفنى وتقبل أن تجاوبه مره تانيه لأجلى
أعطتنى أحساس كبير بالسعاده
نورتنى اوى يا ذو النون
 
واحد من الناس
ده تواضع ده ولا أيه
أنا ألى بأرجوك متحرمنيش من زيارتك
ده شرف عظيم ليه
شكرا لك زوقك الراقى العالى
 
مدام اوشا

اولا اسم المدونة جميل جدا

ثانيا تعليقك عندي يجسيد عملي لردك علي سؤال انتي بتدوني ليه
يمكن انا في ردي علي تعليقك قلت دا انا لو هقفل المدونة مش هقفلها بسبب ذوقك وتشجيعك

فعلا بكاء الشيخ الكبير مؤلم جدا


فعلا احيانا الوحدة مطلوبة ان الواحد يقف مع نفسه ويحاسبها او حتي لو مش هيحاسبها لمجرد تأمل كدة

تحياااااااااااااااتي


اه لا استني خناقة من فضلك:(

ماليش مكان ليه في مدوناتك المفضلة؟؟؟
 
مصراوى أوى
تعرف تعليقك ده خلانى أتأثر لغايه الدموع
شكرا أوىىىىىىىىىىىىى
عن أذنك عشان أروح أحط اللنك فى مكان فى القلب
 
كثيرا ما يستفزني معرض التاجات الدائم هذا
ولكن لا اساوي غالبا بين المجيبين
.
.
لك تاج طبيعه مختلفة
اجابتك تنم عن روح مرحه
ادامها الله عليكي
واصابنا ببعض منها
( اينعم هو نق بالفعل )
.
.
لك تحياتي والسلام
ادم المصري
 
أدم المصرى
دأما أحب سخريتك
أشعر أن ورأها أنسان أخر تريد أن تخفيه
أدم أنت باين عليك حدوته
المهم أنك فى كل احوالك بتسعدنا

بطل أكل شويه من الجزره هتخلى بطنك تمشى عليك
وبعدين بطل عنطزه على الفاضى أحسن تاكل دراعك
(أينعم هى أرررر بالفعل)
.
.
لك تحياتى والسلام
مكان فى القلب
 
اجاباتك حلوة اوى بس احب اعرفك انا مىن انا انايا ستي بنتك
 
كت كت
حبيبه ماما دى مفجأه جميله ليه
متحرمش منك ياجميل ولا من تعليقاتك الحلوه وعقبال منشوفك مدونه جامده جدا
نورتى قلبى و حياتى
 
العزيزة فى القلب
فى يوم واحد جالى تاجين
يا سعدى يا هنايا
واحد منك وواحد من كلمات
وزى ما قلتلها
حاقولك
سعيده بان مدونتي عاجباك عشان مررتيلى تاج
بس انا حاعتذر عن الاجايه عليه
لان اى حد عايز يعرف عن اى مدون اخر اى شىء كفايه انه يدخل يتجول عنده
فى المدونه وهو حيكتشف كل شىء
وانا لاحظت ان فيه سؤالين انت استغربت منهم وكان ردك انك لو عايزة تقولى المعلومه دى كنت حتقوليها ببساطه فى مدونتك اشكر لك رقتك
وذوقك الرفيع
تحياتى للجميله اوشا
:):):):)
 
جميلة فكرة التاج و اجاباتك جميلة و خصوصا
يافتاح يا عليم يا رزاق يا كريم ده احنا لسه فاتحين المحل وهنرش الميه ليه كده على الصبح
ههههههههههههههه
دى عجتنى اوى
انتى عسولة خالص

ربنا يوفقك دايما
و الى الأمام

تحياتى
 
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)
 
لومى
لكى أيضا عندما نحب احد نريده أن يكلمنا عن نفسه حتى لو فى اشياء نعرفها
ونحن نحبك جدا جدا
 
إيمان الطاهر
شكرا اوى يا مونى على زيرتك ليه
ويارب ديما تنورينى
الحمد الله أنك أمبسطتى
 
David Santos
I do not make conversation in policy
And my greatings for portugese
 
اختي الغالية في القلب

اعتذر كثيراً لتأخري في الرد عليكٍِ

نظراً لإنشغالي مؤخراً في موضوع الحملة

اجاباتك جميلة ومميزة

اشكرك على تمريرك التاج لي
 
فى القلب
مشكلة؟؟
يالهوى؟؟؟
دا انا اموتهالك المشكلة دى

اخجلتم تواضعنا ياقمر
:$

بصى بقى انا فهمت المشكلة عندك فين

بالنسبة لمدونة واحد هوا عامل اوبشن ان التعليق لاينشر الا بعد مواقفة صاحب المدونة
وبالتلى هيكتبلك فوق بدل كلمة saved
ان الكومنت لن ينشر الا بعد
owner approval
انا حاولت اشوف مدونة دجودو عشان اتاكد من كاامى بس معرفتش اوصلها خالص بس تلاقيه زى واحد كده


ونصيحة ليكى لما تكتبى كومنت وكان طويلا شويه ابقى خديه كوبى غشان لو حصل اى عطل فى الصفحة متكتبش تانى
تعمل بيست وتجربى تانى


زى ما حصل معايا دلوقتى كده
الروتر عمال يفصل والنت معفرت
تحياتى ليكى
واى خدمة يا جميل

هنا مركز خدمة العملا يرحب بكم 24 ساعة
:)
 
عارف شكلك بتقولي علي وحش
آسف والله على التأخير..كنت مسافر
بأشكرك من كل قلبي على تمريرك التاج لي
ولو إني مش من هواة التاجات, من حضرتك عنده شكل ثان
شكل ثان تاجك إنت ههههه

إجابتك لذيذة ورقيقة كثير تنم عن روحك الحلوة
إكتشفت إننا بنقتسم عدة أشياء
علشان كده مش حأكررها عندي ههههه

آه إفتكرت بأشكرك أيضا على وضع إسمي في المفضلة عندك
بس الرابط بيودي على صفحة إعلانات..في حرف ناقص ههههه

متشكرين أفندم ونهارك سعيد
 
صاحب البوابه
ربنا يوفقك يابطل فى مهمتك
طبعا أنا مأدره ظروفك
ربنا يحميك ألى الامام دأما
 
حدوته
ياجميله شكرا على الاهتمام
بس أنا مش فاهمه أوى أعمل ايه يعنى منه ولامنى ولا أيه
أخوكم صاقط أبتدائيه فى الكمبيوتر
أول تانى كده
 
سندباد
يا سيدى النت نور
وحمدالله على سلامه رجوعك
ماعاش ألى يقول عليك وحش
ومن دواعى سرورنا الاشياء المشتركه
ديما بتنورنا
 
مش عارف أقول أوشا ولا في القلب بس عموماً الاتنين واحد
أولاً أهنيكي على التاج الجميل
وثانياً بقى أحييكي جداً على إجاباتك الصريحة والجميلة واتمنالك مزيد من الصراحة والتقدم
تحياتي
nosha
 
نوشا شكرا ليك تشريفك ليا
وديما كلامك بيسعدنى
 
مساء الفل يا قمر....اية كمية الكدب والافتراء اللى فى التاج دى..اللى قلتية مالوش اى علاقة بيكى انتى هتترسمى ولا اية...لا لا لا لا انتى اجمل من كدة ميت مرة..وعلى راى حليم ..ويا ريت اللى كتير وصفوكى كانوا ياخدوا عنيا يشوفوكى...
 
مساء الفل يا قمر....اية كمية الكدب والافتراء اللى فى التاج دى..اللى قلتية مالوش اى علاقة بيكى انتى هتترسمى ولا اية...لا لا لا لا انتى اجمل من كدة ميت مرة..وعلى راى حليم ..ويا ريت اللى كتير وصفوكى كانوا ياخدوا عنيا يشوفوكى...
 
واضح كده اني محتاج اغير النضاره او البس واحده يعني لأني معنديش انا كنت بحسب انا خلصت كل بوستاتك وعمال ادور فين يا جدعان التاج بتاعها ده لقيتك كاتبه من شهر فات وعشان كده مش ظاهر والألوان عندك بيضاء وفاتحه كده وانا خلاص مش شايف تحت رجلي البنات طيروا اللي فاضل من نظري
بس بجد شخصيه لذيذه وزي السكر وسعيد جدا بصداقتك بتقولي عندك اولاد مين هم وليه مش قلتي اسمائهم عشان ابقى العب معاهم واجيبلهم ايس كريم كمان يالا بقى هو الكلام عليه جمرك ابقي اقفشيني الول وبعدين خدي مني الأيس كريم ده
بجد بجد كويس انك قولتيلي على التاج بتاعك عرفت عنك كتير اقراي التاج بتاعي برده في شاب شنكوتي عشان تعرفيني اكتر ولو كنتي بتدخلي شات ابقي قابليني
ehabonnet@hotmail.com
hoba_popcorn@yahoo.com
انا كتير بكون اون لاين
سلاااااااااااااااام يا صديقتي الجديده
 
Post a Comment

Subscribe to Post Comments [Atom]



Links to this post:

Create a Link



<< Home

This page is powered by Blogger. Isn't yours?

Subscribe to Posts [Atom]

<بينورو القلب>
<بنارات القلب>
<وصلات عقل قلب>
  • سندباد...أنا فى أنتظار ك
  • سوسو...أعمق مكان فى القلب
  • cast2way... نهاجر أليك ألى الأبد
  • مركبى... الوطن فى الانتظا ر
  • أسكندرانى...أوى أوى أوى أوى
  • بوسى...جميله وكلمها جميل
  • صاحب البوابه...الشجاع الحساس
  • loumi...قمر مجاور القمر
  • السندباد...شاعر المشاعر
  • الملاك الصغير...روايه غير أعتياديه
  • محمد حمدى...دماغ كبيره متواضعه
  • ساكايار...الحياه دنيا ودين
  • مجهول...كلمات متوازنه عميقه
  • ضد الظلم...أبو العربى الهومام
  • مدونه كسبان...مدونه مفيده أوى
  • mimi...قيثاره و عازفين
  • حدوته...تلسكوب لأشياء دقيقه
  • إيمان الطاهر...خواطر زى السكر
  • أدم المصرى...البركان الساخر
  • ماريا مجدولين...عادت من أجله
  • محمد الحداد...غاوى تلحين
  • محمد العشرى...أديب و روائى
  • الصوره الجديده...الواقع بأختصار
  • ذو النون المصرى...الفن بالفطره
  • جدو ...حبيب الملايين
  • ممكن...الحكى بهدف ونيه
  • بعدك على بالى...الحكى مغسول بماء المطر
  • مصراوى أوى...دين و أخلاق
  • شمعه امل...بيروووووو
  • واحد من الناس...كلام زى السكر
  • نوشا+شمس...هما مش معاهم
  • دودو...البرنسيسه
  • واحد+وحده...من الناس
  • لونلى...إحساس جميل