مكان فى القلب: مملكه العشق

Thursday, July 19, 2007

 

مملكه العشق



أمام البحر

البحر أبداع الخالق

البحر يحمل معنى العمق الغموض السر الحركه


ذراته تطارد بعضها البعض حركه مستمره لا توقف لا تعب

البحر خيال العاشقين
البحر صديق المعذبين

يهمسون عند أطرافه بسرهم أراهم تتسرب الغيره ألى رغم عنى
فهم يفعلون مالا أفعل و يستطيعون مالا أستطيع

رغم يقينى بأنه كاتم السر ولكن لا أجرؤ

لعلمى أنه بحركته سيأخذ سرى بعيدا

و أنا أعشق أسرارى
أعشق قربى من أشيائى


أحبه حين ألامسه ويلامسنى يغمرنى يهبنى النقاء

عندها أشعر أننى لا أحد

ما أروع الشعور






ضخوره الناتئه تقف بشموخها منتظره أحضانه الدافئه فهى تحبه وقادره على إقافه
ولاكن يالا دهائه يستطيع الأفلات و الرجوع من حين إلى حين
غسق الشمس يحبه
نسمات الليل تحبه
البحر يداعب خيالى لاكن................لاأفهمه

Comments:
السلام عليكم

البوست دا وصلي احساس حلو اوي

احكيلي للبحر ومتقلقيش ساعات بنحكيله علي حاجات
وبنتمني فعلا انه ياخدها بعيد
بس مين ينسي
البحر شئ جميل بحبه بس في نفس الوقت بخاف منه
تحياتي
 
مشاعرك راقية

واسلوبك عميق

تحياتي عزيزتي
 
انتي حتقوليلي على البحر
دا حبيبي وحبيب الناس كلها
بوست هادي اوي
وراقي اوي

ولكي كل التحيه
 
مممم...إيييييييييييييييييييييييييه
وأنا باقول اليوم البحر بيضحك لييه
أتاري ـ في القلب ـ بتوصف فييييييييه
ربنا يخلي البحر ليك..وربنا يخليك ليه

...

على فكرة إيييييه في أول السطر دي بتاع شعبان عبدالرحيم
بس يستحب نطقها بلكنة صعيدية عند التقديم
(:
 
اذا كان القمر ملهم العاشقين فالبحر مستودع اسرارهم
نفرغ فيه همومنا ويغسلنا ويشيل عننا انتي عارفة ليه البحر غامض
لانه شايل اسرار الناس مليان اسرار وهموم ومشاكل وافراح واحزان ربنا يساعده ويساعدنا
تحياتي
 
البحر يتحس لكن ما يتفهمش

يحتوينا لكن ما نعرفش نمسكه

البحر فيه كل الأحاسيس المتضاربة اللي ما نقدرش نحددها

البحر هو البحر .. كلمة بتعبر عن نفسها
 
بوسى
الحمدلله أنى أدرت أحسسك بحاجه حلوه
أنا سعيده بده
حولت كتير أحكيله مأدرتش
يمكن باجى أحكيله
يبدا يحكى هو حكياته ويخدنى لقصص ناس تانيه
شكرا لوجودك
 
صاحب البوابه
أطرأك كثير لاكنه أسعدنى
ديما بتنورنى
 
أسكندرانى
أنا عارفه أنى بكلمك عن حبيبك
بس دى مشاعر بحس بيها أدامه
والحمد لله أن الفضفضه عجبتك
ده من دواعى سرورى
شرفتنى
 
سندباد
البحر بيضحك عشان أنت منور المدونه
يااااارب يخليك أنت لينا كلنا
عشان ديما تمتعنا بالجمال ده كله

عمرى ما حسيت أن لشعبان قيمه ألا لما
أستعرت منه هذه المقدمه الذيذه
 
سندباد
يا شاعر ياجميل
حتى التعليق بتاعك ينفع بوست لوحده
من كتر رومانسيته
منور
 
يا مركبى
يمكن غموضه
يمكن تضارب مشاعرى من نحيته
يمكن أنا بديع وقت أكبر فى فهمه
عشان كده مش عارفه أحكى
البحر البحر أحترت أنا معاه
 
البحر وكان ومازال وهيفضل سر كبير
محدش عارفه

كلنا بنحبه
ساعات بنخاف منه
بس هوا حنين اوى
وقلبه كبير اوى
ارمى اسرارك فيه ومتخافيش
صاحبيه
وساعتها هتحسى انه كمان بقى صديق ليكى
هيضحك معاكى وانتى فرحانة
وهيبكى علشانك فى المك
وهيسرح معاكى فى شجنك

تحياااتى ليكى
مدونتك لذيذة اوى واحساسك عالى
 
اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي
 
ما كتبتى ....كليمات لا تكتب و لا تقرأ و لا توصف ولا تقال و لا تسمع ...بل هى كليمات وجدت لتحس ...اهنئك على هذا الشعور الرائع و المعانى المتأملة البديعة
 
حدوته
أولا تشريفك عزيز
حاضر هحاول أنافز نصايحك
وأشوفه هيتجاوب معى ولا لاء
أكيد هبلغك
 
صاحب البوابه
سمعنا وأطعنا
 
الملاك الصغير
ده كله من رأتك وزوأك
أشكرك
أطرأك أنتى ألى بديع
 
���� � �� �� ����� ��� ���� ��� ��� ����� ��� ��� � ����
������
 
كلماتك بجد فيها أحاسيس مرهفة
كلامات بتحمل م الرومانسية آفاق و آفاق

بجد الهام جميل من البحر
و فعلا البحر هو ملهم كل محبينه

" ذاك البحر أراه هادئا حتى اذا ما تسكن ماءه تلقى ألما وجيع "
يقولون البحر كاذب اذا ابتسم
و يقولون البحر غادر مهما ارتسم
و يقولون ويقولون
و لكنى أحببته مهما يكون
كلمات كنت كتيتها ف البحر و بجد انا بعشق اجة اسمها بحر لدرجة مش عارفة هل هقدر أحب بنآدم ف المستقبل القريب او البعيد - الله أعلم

هههههههههههههه
بجد مشكلة البحر ده
هيعنسنى !!!!! و ساعتها بقى البحر هيبقى الملاذ الوحيد

أجمل تحياتى ليكى
 
كلامك جميل وحساس

البحر ده حاجه جميله اوى للى يحسها

علشان كده انا هروح الأسبوع الجاى المصيف..يلا

تحياتى
 
ايه الاحساس العالى ده والمشاعر المرهفه والتراكيب اللغويه التحفه دى احسنتى يا ست البنات الله ينور.... الظاهر بعد العمر ده كله لسه هكتشف فيكى حاجات جديده وجميله
 
البحر ده لو قعدت قدامه ساعات مش ممكن ازهق ابدا وانا بحكيله وشكيله ومش عارفه ليه بفكر احسن وانا معاه بيبقى ذهني صافي وبالي رايق وبقدر استحضر ذكريات جميلة
البحر ده حكاية والاحلى كلماتك الرقيقة زي رقتك
تحياتي
 
ذو النون المصرى
أهلا وسهلا بتشريفك
فرحت كتير
شكرا لك
 
أيمان الطاهر
شكرا ياحبيبنى على طيب كلماتك فى حقى
أما كلماتك فى حق البحر ده باين عليكى ديبه فيه
أولا ياستى حبك للبحر مش هيعنسك
لأن الحب الاخر حاجه تانيه خالص
أحاسيس مختلفه
أكيد أنشاء الله لما تأبليه أريب
هتحسى بالفرق بين الاثنين
 
مدونه كسبان
أشكرك كلك زوق
وأشكرك على البرامج الحلوه
مصيف سعيد ليك أنشاء الله
 
سوسو حياتى
أكتر حاجه عجبتنى فى تعليأك
ست البنات ونحط مليون خط تحت البنات
ملعوبه يا عم
وشكرا على رفع المعنويات ألى بالشكل ده
وبعدين بوضتيها
بقولك بعد العمر ده
لازم تعرفى الناس أن عمرى يتراوح
بين السبعتاشر والعشرين
لازم تصيح يعنى
هههههههههههههههههههههه
 
مى مى
حضورك اسعدنى وشرفى
طبعا انتى بتعملى ألى مبعرفش أعمله
بس بتهيألى بعد التشجيع الكبير ده كله
شكلى كده هقعد اتكلم معاه
نورتينى
 
عزيزتى

انا من عشاق البحر
وممن يحترمون غضب البحر

البحر معمول للخيال
ومش معمول علشان نفهمه
وده سحر البحر

تحياتى
 
العزيزة فى القلب
ما فيش اجمل من الجلوس امام البحر والنظر اللى اللا محدود
انطلاق ما بعده وحريه ولا أجمل
البحر هو المكان الوحيد اللى ممكن تقولى له سرك من غيرما تخافى انه يضيعه لان لو موجه اخذته بعيد حتيجى موجه تانيه وترجعهولك
بجد احساس جميل إنك تتوحدى مع البحر بكل ما فيه من سحر وجمال وانطلاق
اوقات باقول الناس السواحليه مش ممكن يكونوا بيشتكوا من اى مشاكل لمجرد انهم عايشين جنب البحر

اشكرك
خليتينى سرحت معاه
تحياتى
 
جدو
أهلا بيك ياجدو
أنا مش مصدقه عنيه جدو عندنا يامرحبا يا مرحبا
أنت شرفت المدونه وطغيت على أى سحر
للبحر أو حتى المحيط
يارب ديما تنور الدنيا
 
لومى
بتسعدينى بتشريفك
وكمان طمنتينى على حكايه الموجه
أن الموجه الاخرى هترجعلى السر
بس انتى متأكده أنه هيرجع زى ماهو
مش ناقص جزء
أنا بأول أشيله أحسن معى
أو أفضفض بيه معاكو
أعتقد كل الناس أصبح عندها مشاكل حتى السواحليه
 
صحيح البحر كويس لكن ازاى ف الجو ده اقدر اقعد ادامه انتى مش حاسة الجو حر اد ايه مش وقته خالص
 
البحر موعدنا..... وشاطئنا العواصف
جازف
جـــــازف
فقد مات فى الدنيا الغريب
وقد عاش المخالف

جازف
فان توقفت الحياه فلا تقف
كى لاتموت وانت واقف
جازف

تحياتى
 
سوسو حياتى
أتنين تعليق ده انا كده هدوب من الحب مش من الحر
أنا مستعده لو كانت الاعده معاكى
أاعد معاكى مبحسش بأى حر خالص
وسعتها مش محتاجه اكلم البحر
ومش محتاجه اى حاجه خالص
كفايه وجودك
 
ممكن
تعليقك الرائع
ينفع بوست لوحده
شكرا على الدفعه القويه دى
شرفتنى أوى بوجودك
 
انا ايضا اعشق البحر


سعيدة بالتعرف على مدونتك
 
جميلة كلماتك عزيزتي
رائع هذا البوست فانا احب البحر واعشق سحره أيضا
البحر لي هو الصفاء والغموض في ان واحد

هو الغضب العارم والثورة
هو الابداع المتناهي من خالق الكون رب كل شيء

تحياتي لك
 
بعدك على بالى
شرفتنى و اسعدتينى بوجودك
حتى البحر شوفته بيبتسم دلوقتى عشان أولتيله انك بتحبيه
نورتينى
 
المجهول
دائما ما يسعدنى وجودك
أشكر الظروف التى اتيحت لى لأكتب عن
أحد الاشياء
التى يحبها الجميع بلا استثناء
الحمدلله أنى أسعتكو ولو للحظات
نورتنى كالعاده
 
جيت اشوف في جديد ولا لاء
 
..
أحساسك رائع بالبحر وأسراره
..
البحر يداعب خيالى لكن..لاأفهمه
يكفي الإحساس به
حتى وإن لم يكن مفهوماً
أحييك
..
 
سندباد
شكرا لك
 
محمد العشرى
دائما أعتز برأيك
لانه نابع من خبره
أسعدتنى
 
نفسى الاقيكى مضايقة من تعليق حد و ان شاء حاعملها و انجح
 
السلام عليكم
البوست حقيقي جميل جداًخصوصاً أنك اتكلمتي على البحر وعن عظمته وكتمه للأسرار
وأحب أقولك أن في أوقات كتيرة مفيش غير البحر هو اللي نقدر نتكلم معاه ونفضفض باللي في قلوبنا حتى لو خد أسرارنا لبعيد
وأحييكي جداً على البوست
تحياتي
NOSHA
 
الصوره الجديده
أى حاجه تسعدك أكيد هتسعدنى
 
نوشا
شرفتى المدونه و نورتينى
البحر له جماهريه عريضه جدا جدا
أنا مبسوطه أنى كتبت عن موضوع الكل بيحبه
 
في القلب تحياتي ليكي للمرة التانية بس فيه غلطة بسيطة وهي اني شاب مش بنت
 
اشكرك لاني بوجودك احببت الحياه و قلمت اظافر الالم و غرست بذرة جميله في روحي و تعاهدت مع نفسي و تصالحت معها بوجودك ان الحب سيد عذب و راق يهذب النفس و يسمو بها امنت ان القلب يظما و يرتوي يحس و يدرك يسعد و يتالم اصبحت اراكي في كل الوجوه و لحظه و داعك في كل مره كان قلبي يقول لك ان لحظات جنوني بك لحظات ابديه لحظات ممتده لا تعرف الحدود و المسافات لا تؤمن بالمنطق و المعقول فكنت امضي و تمضي الي حيث تدري و لا ادري و نفترق و تتوه الاماني و الاحلام و تغيبي و اغيب و يسدل الستار الاخير و يبقي حبك في قلبي الاول و الاخير يبقي حبك
 
Post a Comment

Subscribe to Post Comments [Atom]



Links to this post:

Create a Link



<< Home

This page is powered by Blogger. Isn't yours?

Subscribe to Posts [Atom]

<بينورو القلب>
<بنارات القلب>
<وصلات عقل قلب>
  • سندباد...أنا فى أنتظار ك
  • سوسو...أعمق مكان فى القلب
  • cast2way... نهاجر أليك ألى الأبد
  • مركبى... الوطن فى الانتظا ر
  • أسكندرانى...أوى أوى أوى أوى
  • بوسى...جميله وكلمها جميل
  • صاحب البوابه...الشجاع الحساس
  • loumi...قمر مجاور القمر
  • السندباد...شاعر المشاعر
  • الملاك الصغير...روايه غير أعتياديه
  • محمد حمدى...دماغ كبيره متواضعه
  • ساكايار...الحياه دنيا ودين
  • مجهول...كلمات متوازنه عميقه
  • ضد الظلم...أبو العربى الهومام
  • مدونه كسبان...مدونه مفيده أوى
  • mimi...قيثاره و عازفين
  • حدوته...تلسكوب لأشياء دقيقه
  • إيمان الطاهر...خواطر زى السكر
  • أدم المصرى...البركان الساخر
  • ماريا مجدولين...عادت من أجله
  • محمد الحداد...غاوى تلحين
  • محمد العشرى...أديب و روائى
  • الصوره الجديده...الواقع بأختصار
  • ذو النون المصرى...الفن بالفطره
  • جدو ...حبيب الملايين
  • ممكن...الحكى بهدف ونيه
  • بعدك على بالى...الحكى مغسول بماء المطر
  • مصراوى أوى...دين و أخلاق
  • شمعه امل...بيروووووو
  • واحد من الناس...كلام زى السكر
  • نوشا+شمس...هما مش معاهم
  • دودو...البرنسيسه
  • واحد+وحده...من الناس
  • لونلى...إحساس جميل