مكان فى القلب: سراب

Thursday, July 26, 2007

 

سراب

قالت
قبله أهديت علبه ألوان........لم أظنها الثعابين ملونه
قبله تغذيت على نبتة الصبار......ظننتها الطعام الوحيد
قبله مشيت على طريق مزروع بالشوك على جانبيه وتحت قدمى و ظننته الزنبق
قبله ألامنى الشوك فقفزت إلى أعلى ظننتنى أطير نشوه
وأدمانى الشوك فشممت رائحه الدم فظننتها أفخر الروائح الفرنسيه
قبله حسبتنى بطل فى الألومبياد ولم أعرف أننى أجلس على كرسى متحرك

ثم جاء فأهدانى سجاده صغيره حريره مزخرفه لأرتاح عليها وأصلى

فعرفت معنى الوجع

ثم جاء فأهدانى زهره وقمر منير

فعرفت معنى الشوك

ثم جاء فأهدانى عقد من فل وعنبر

فعرفت رائحه الدماء

ثم جاء فأهدانى قاروره شفافه بيضاء فيها ماء الحياه

فعرفت معنى الموت

ثم جاء فكان كل الناس فعرفت معنى الوحده

جاء ......رحل......فرجعت

الأن عرفت الأشياء

اللوعه......الشغف......الألم

صمت لم تتكلم بعدها كلتانا



Comments:
أهلاااااااااا
فقط لأحجز أول مقعد
سأعود
أصل البوست شكله لازمه كام قراءة
(:
 
دائما قبل ان نلتقي بمن نحب نصبح الاشياء كما نرسمها كما نتمناها ولما ياتي تنهار الاحلام رويدا رويدا ولكن نسال انفسنا سؤال هل بالفعل احببنا صدقنا مع انفسنا سامحنا عذرنا نظرنا الي اعيينا سويا
هل فعلتي ذلك ؟
هل سالت ؟
تحياتي علي الكلمات الغير عادية
رائعة
 
كلماتك جميلة وحمالة معاني تترك القارء حائرا

يبدو أن المثل: بضددها تتميز الأشياء
قيل أول ما قيل في الحب

نحن في إنتظار المزيد من
إبداعاتك

.......
إضافة على ذكر الأمثال ـ إذا سمحت ـ

عنوانك هو : في القلب
لكن على رابط مدونتك إنت واضعة: ف الكلب
ههههه

:حضرتك مؤمنة بالمثل البلدي
الحب في القلب زي عضة الكلب

ههههه مقصود ولا هو فقط مصادفة

أنا فقط بامزح
(:

تحياتي
 
لكي اكون صادقا ,لم افهم كلماتك مع انها كلمات عميقه وتحمل في طياتها دلالات بعيده اعتقد انك الوحيده اللي تقدري تفهمينا كلماتك الجميله دي

تحياتي لكي
 
اين البانرات ؟؟؟

:)

هكذا اذن ايها الكسولة :)))

قلتِ انك ستدعمينا في حملة افضحوا تجار الكيف

ولكنك لم تضعي البانرات ولم تمدينا بالمعلومات

ما هذا الكسل

:)

انتظر تفاعلك يا عزيزتي
 
بجد بوست مميز وممتع جدا
حرك فيك حاجات كتير
انتى احساسى عالى اوى


ليكى تاج عند ياقمر
تحياتى
 
اسلوبك حلو أوى وفيه احساس كويس
تحياتى
 
سندباد
عندما أرى تعليقك أبتسم أبتسامه كبيره
حتى قبل أن أراه
شكرى العميق على تشجيعك المستمر

أمابالنسبه للحب فمهما قيل فيه
فهناك كلام دائما لم يقال بعد

اما بالنسبه لموضوع الكلب
يا خبيبى أنا فلاخ مصرى
من الكريه الزاكيه وكمان إتكلمتو أرابى مع الناس أجى أنا نكتب أنجلش أرابى لازم يطلع كده
فخمتو حاجه يا خبيبى

ولك تحياتى وسعادتى الدائمه بوجودك
 
سندباد شاعر المشاعر
وهل عندما يأتى الحب هناك أى أحد يسأل نفسه أى سؤال
أنت تعزر وتسامح وتسوق المبرارات
حتى وانت مجروح
تلغى العقل
أعتقد عندها أنك فى حاله حب
يسعدنى رأيك ويضيف ألى
 
واحد
عندما تقول تحمل دلالات بعيده
فأنت بذلك فهمته كويس أوى أكثر مما تتوقع
أسعدنى وجودك وشرفنى
 
صاحب البوابه
بص بأه عشان متزعلش منى
أنا بألى فى المصيف شهر
وسعات نعزم ضيوف ويجوا كده كام يوم
طبعا انا بتعطل شويه معاهم
فميعطلنيش على هذا العمل العظيم الا الشديد الاوى
من عنيا متزعلش
 
حدوته
شكرا على تشجيعك وأطرأك
وسوف أذهب ألى مدونتك
وأخذ التاج
هو بأه أسمه تاج لانه من أيدك ياجميل
تسلم ايدك على أى حاجه
 
وعد العيون
ديما بفرح لما بتزرنى
شكرا على كلامك الجميل
ربنا يحققلك كل الى بتتمناه
 
احيانا كتير ظهور طرف تاني في الصوره بيديها بعد جديد
بعد ما اكناش شايفينه
وطعم ما كناش تذوقناه قبلا

بوست صغير لكن بيقول كلام كتيير

لكي كل التحيه
 
اول مرة احس ان الوحدة ممكن تكون احسن الف مرة من الحب
كلماتك فيها تضاد جديد
 
أسكندرانى
كلامك صحيح تماما
تماما
نورتنى
 
رينا
قال القدماء
إذا كان الحب موصول فانه الاروع
أما أذا كان من غير وصل
فالوحده أفضل
 
My friend, I make votes so that you have a good weekend
 
في القلب
كلام حلو قوي بيبين قد ايه التضاد قبل وبعد تجربة الحب بيبقى الواحد فاكر انه عايش وهو مش عايش فاكر انه سعيد وهو بيضحك على نفسه لكن لما بيعرف معنى الحب والسعادة الحقيقية بيعرف قد ايه هو كان عايش في اوهام ولو ان الحب ممكن يبقى وهم كبير بس بيبقى احلى وهم ممكن نعيشه
تحياتي على كلامك الجميل
 
هو ده الكلام ده ف الرومانسية صح ؟ لو غلط ارجو التصحيح
 
Dear David
Thank you for visiting me
And have a nice week
 
مىمى
ديما بتسعدينى بزيارتك الجميله
فعلا يا مىمى الحب ممكن يكون وهم كبير
بس مين يعرف وهو فى حاله الحب أنه موهوم ولا لاء
 
الصوره الجديده
فى صميم الرومانسيه
 
محدش بيعرف الا لما بيفوق على صدمة
البوست الجديد نزل بس يا رب يعجبك
تحياتي يا سكر
 
العزيزة فى القلب
أنا قرأت الكلمات اكثر من مرة
كلام فى العمق يحتاج الى كثير من التأمل وربما يفتح لكل ان يفهمه كما يحسه
اوقاتاً كثيره عندما نحب شخصاً ما نرى الأشياء من خلال احساسنا بحاله الحب التى نمر بها فنسمى الاشياء بعكس حقيقتها وتنتهى هذه الحاله عندما تذهب غشاوة الحب من على عيوننا فنرى الاشياء على حقيقتها الفعليه0ولكن عندما يظهر الشخص المناسب الحقيقى الذى نرى معه الاشياء على حقيقتها اعتقد انه هو من يستحق منا الحب والاحترام فى نظرى هذا هو الحب الذى يدوم ويعمر0
تحياتى
معلش طولت عليك بس كلامك ممتع
 
ميمى
كلامك حقيقى وخلاص أنا رحت عندك وعجبنى كلامك أوى
 
لومى
يعنى ايه اسفه على الاطاله
يارب تطولى العمر كله أنتى مش عارفه أنا بحب زيارتك أد أيه
أما بالنسبه للتحليل فعلا كل واحد هيبص للموضوع من وجه نظره هو
يعنى ورا الكلام كلام
 
الاحاسيس جميلة جدا و كلامك مؤثر
 
اسلوبك رااائع
والبوست خدنى معاه اوى
تحياتى
 
مش ممكن
بجد والله البوست خلانى أعلق بطريقة لا أرادية
احساسك جميل جدا

لكن
صمت لم نتكلم..صح؟

مكتوبه تتكلم


تحياتى
 
جميلة قوى ..بي اعتقد ان الكلمة الأخيرة مفروض تبقى كلانا....؟؟
تحياتى
 
إممممم

عارفه إيه اللي عجبني بجد وشايف إنه فكره جديدة؟ رغم إن الفكرة بتدور حوالين تضاد الأشياء إلا إنك بدأتي بالأشياء السيئة قبل الشياء الجيدة .. ومنها إتعرفتي على معاني الأشياء السيئة بعد كده مش العكس وهو ده الجديد

والأهم في الآخر إنها سكتت .. وده في حد ذاته إضافه مفتوحة المعاني على فكرة

أحييكي
 
أنا أسفه ياجماعه أن أتأخرت فى الرد مش عارفه البلوج بتاعى فيه أيه
كل ما أجى أفتحه ألاقى صفحه أخرى باللغه الفرنسيه تفتح معه وتهنجلى البلوج
وأجى أضع كمنت يحصل أرور
ولازم أفتح وأقفل الكمبيوتر كذه مره
ألى عنده حل الله يخليكو يبعتلى
 
شمس
شكرا جزيلا على الزياره وشرفتينى الحمد الله أن البوست عجبك
 
البرنسس دودو
نورتى المدونه وشرفتينى
وشكرا على أطرأك
متحرمش
 
مدونه كسبان
الحمدلله على رجوعك بالسلامه للتدوين
وديما مدونتى منوره بوجودك
ده كتير عليه لما تقول
خلانى أعلق غصب عنى
حقيقى الكلمه أسعدتنى جداجدا
منتحرمش
 
مونى
من دواعى سرورى انها نالت أعجابك
حاضر هسأل على الكلمه متخصص وابلغك
 
يا مركبى
واللهى مصر نورت بألها المتغربين لما بيشرفونا
وشكرا على التحليل الدقيق
والاحساس العالى
ألى أسعدنى أوى أوى
ديما منور معنا
 
كتير بنرضى باوضاع هى اقل مما نستحق ووقتها بنكون حاسين انها مرضيه
بس لما بنلاقى اوضاع افضل ومتاحه لينا بنسأل نفسنا احنا ازاى كنا عايشين قبل كدا
دى طبيعه فى النفس البشريه
وممكن اللى احنا شايفينه دلوقتى اقصى امانينا
بعد فتره نلاقى ان ليسا فى افاق بعيده لم نكتشفها بعد
اسلوبك جميل وكلماتك معبره
 
عذرا للتحليق خارج السرب ارجو منكم التضامن معي في حمله نقطه ماء تساوي حياه
تحياتي
 
تتغير الاشياء
ان لم نزوق الحنظل فلن نعرف طعم العسل

تحياتى
 
اي انسان لما يلاقي من يملا قلبه بيكون هذا حاله مع من يحب يري الاشواك زهور و الالم لذه و تتبدل معاني الاشياء لديه
كلمات جميله
تحياتي
 
لونلى
كلامك حقيقى مغلف بأمل رقيق
صحيح ممكن لسه حاجه احلى ربنا عينها لحكمه
 
فارس
حاضر من عنيه
 
ضد الظلم
فعلا أذا لم نعلم المر كيف لنا أن نستمتع بالسكر
شكرا على مرورك الكريم
 
ذو النون المصرى
أنا مقتنعه جدا بفكرتك
وفعلا مرايه الحب عاميه و طرشه و خرسه
 
فعلافي ناس لما بيظهروا في حياتنا بيسيطلروا علينا

وبيلونوها بس اهم حاجة ان اختيارنا للشخصيات دي لازم يكون محسوب كويس
 
الدنيا شطرنج ابيض و اسود..فيها اللى مات زى اللى عاش.. الشامى زى المغربى .. و الدمنه زى الاسكواش
 
مصراوى أوى
فعلا يامصراوى كلامك حكم
لازم اختيارنا يكون محسوب
الحسبات بتخش فى كل حاجه بالعقل لاكن الحب بيجى وأنت مش واخد بالك فيبيبقا ساعات كتير من غير عقل
الحب هو الحاجه الوحيده ألى مبتتحسبش بالعقل
 
طرح البحر
تعرف أنا أعت أفكر فى كلامك
هى صحيح الدنيا تشبه الشطرنج لاكن مش زيه لان ساعات المساحات البيضاء لاتكون مساويه للسوداء
وألى مات عمره ماكان زى الى عاش
لان المات فرصته راحت خلاص
لاكن ألى عايش لسه عنده فرصه بس يحاول
والشامى غير المغربى
ده له عادات وده له عادات مختلفه ممكن يتأبلو بس هيفضلو مختلفين
والدمنو مش زى الشطرنج لأن الشطرنج محتاج زكاء أكبر
شرفتنى كتير يا طرح البحر
 
Post a Comment

Subscribe to Post Comments [Atom]





<< Home

This page is powered by Blogger. Isn't yours?

Subscribe to Posts [Atom]

<بينورو القلب>
<بنارات القلب>
<وصلات عقل قلب>
  • سندباد...أنا فى أنتظار ك
  • سوسو...أعمق مكان فى القلب
  • cast2way... نهاجر أليك ألى الأبد
  • مركبى... الوطن فى الانتظا ر
  • أسكندرانى...أوى أوى أوى أوى
  • بوسى...جميله وكلمها جميل
  • صاحب البوابه...الشجاع الحساس
  • loumi...قمر مجاور القمر
  • السندباد...شاعر المشاعر
  • الملاك الصغير...روايه غير أعتياديه
  • محمد حمدى...دماغ كبيره متواضعه
  • ساكايار...الحياه دنيا ودين
  • مجهول...كلمات متوازنه عميقه
  • ضد الظلم...أبو العربى الهومام
  • مدونه كسبان...مدونه مفيده أوى
  • mimi...قيثاره و عازفين
  • حدوته...تلسكوب لأشياء دقيقه
  • إيمان الطاهر...خواطر زى السكر
  • أدم المصرى...البركان الساخر
  • ماريا مجدولين...عادت من أجله
  • محمد الحداد...غاوى تلحين
  • محمد العشرى...أديب و روائى
  • الصوره الجديده...الواقع بأختصار
  • ذو النون المصرى...الفن بالفطره
  • جدو ...حبيب الملايين
  • ممكن...الحكى بهدف ونيه
  • بعدك على بالى...الحكى مغسول بماء المطر
  • مصراوى أوى...دين و أخلاق
  • شمعه امل...بيروووووو
  • واحد من الناس...كلام زى السكر
  • نوشا+شمس...هما مش معاهم
  • دودو...البرنسيسه
  • واحد+وحده...من الناس
  • لونلى...إحساس جميل