مكان فى القلب: August 2007

Friday, August 24, 2007

 

المُغيب


عندما تراه تجده بسيطاً يعشق الحياه متفائلاً
ويوماً رأيته مهموم يكاد الحزن يعتصره ولا يستطيع أخفأه
سألته عن سر حزنه و كأنه كان ينتظر السؤال تدافعت كلماته لعله يستريح
قألاً رأيتُها فى فرح أحدى قريباتى أمس كنت أظن أنى نسيتها لم أعلم أنها مازالت بداخلى
وعبرت أطراف أصابعه عن حالته أشد من الكلمات
فطيبت خاطره و ذهبت
اليوم التالى رايته شخص أخر ليس فى رأسه أى شئ و يضحك و سألته بعجب
فرد على متحاشى نظراتى بأنه أخذ سيجاره حشيش من صديق له لكى ينسى
وعندما لاحظ جحوظ عينى قال لى لا تقلقى الموضوع ده عادى أوى و مش أدمان و لا حاجه
قلت له طيب بتقول عليه صديقك و بيحبك أزاى ويرضى أن يعطيك السم
خدعوك فقالو أن الحشيش ليس له أضرار المواد الأخرى و أنه لا يسبب الأدمان
فالنبسط الفكره
المخ عباره عن خلايا عصبيه و كل خليه تتصل بالخليه الأخرى عن طريق مليارات الوصلات لتشكل شبكه تكفى لتحيط بكوكب الارض 1600 مره
ففى الحالات العاديه توجد ماده فى المخ أسمها الدوبامين مسؤله عن حدوث حاله الفرح عندما نسمع خبر كالفوز أو حدوث حدث سعيد
وعندما نأخذ المخدرات تنشط المراكز المسؤله عن البهجه و السعاده فتسفر عنها نشوه إضافيه زائفه
وعند تعاطى المخدرات وفى الربع ساعه الأولى يحدث أن يشعر المتعاطى بأنه يركب سيارة سباق أوى أنه يهوى من أرتفاع شاهق مع أحساس بالنشوه
ولااااااااكن بعد النشوه تأتى الأثار الأليمه فيفقد المتعاطى قدرته على الأداء الطبيعى فى عضلات الوجه واليدين
بنسبه %30 و يقلل من أدأه لوظأفه الحيويه
ويفقد المتعاطى بتكرار الأمرقدره الأنسان الطبيعى على الأستمتاع بتناول وجبه لذيذه او سماع خبر سعيد
ويسيطر عليه أحساس الكأبه البغيض المؤلم ولا يرى فى الدنيا أى شئ سعيد
ومع أكتشاف أكثر من 60 عقار لعلاج الأدمان
تبقى قوه الأراده هى العلاج الحاسم و الأساسى

Labels:


Saturday, August 18, 2007

 

رحم واحد


صديقه طفولتى برقتها وعزوبتها و جمالها الملائكى ....كبرنا معاً

نتقابل معا صباحا لنذهب معاً فى الطريق المشترك هى الى مدرستها يعلمها أساتذه مسلمين بأسم جد يسمى لبيب نخله
وأنا ألى مدرستى يعلمنى راهبات مسيحيات بأسم جد يسمى محمود محمد
نعم صديقتى مسيحيه وأنا مسلمه
يوميا صباحاً أنا وهى نضع أيدينا و نتعانق و تعطينى بنبونه كل يوم بطعم الربسوس ولم تنقطع عن عادتها يومياً لمده سنوات
وكانت تسألنى ببرائه الطفوله ماذا يعلم المسلم أرد عليها بطفوله لا نكذب لا نسرق لا نؤذى احد فكانت ترد على بأبتسامه صافيه
يبقى انتى أكيد هتخشى الجنه...وأنا فى المقابل أسألها عن دينها لتقول زى ألى انتى قلتى عليه بالضبط
أقول لها يبقى اكيد هنبقى مع بعض فى الجنه و نضحك
أتذكر الأن صديقتى وطفولتنا ومدى التشابه و الاندماج
لماذا نسمح لهم الأن أن يقولو علينا مختلفين
أعندما نتسارع مثل الثيران .....ونرى الجثث فى الساحات
أتسمحون ان تعلموننى من جسه المسلم ومن جسه المسيحى بعد ان سالت و أختلطت الدماء
ومن قتل الأخر أم قام بالمهمه أخرون ووضعوا السلاح فى أيدى كل منهما ليوهمونا أن كل منهم قتل الأخر
أسمحوا لى أن أقول الجمله القادمه بالعاميه المصريه
يا ناس يا هو يا مصرى
عايز نبقى زى العراق ولا لبنان ولا فلسطين ولا السودان
لا تكونو مثل المجنون الذى أمسك عقب السيجاره بطرف أصابعه وقذفها باقصى قوته لتطير فى الهواء وتستقر على الاخضر وتؤتى عليه بأكمله و تقيد الحادثه ضد ............مجهول
كلمه أعجبتنى: مصرى و أفتخر
وأللى مش عاجبه ينتحر.....
يكتب على قبره واحد منقهر
حاول يتحدى مصرى و ما قدر

Labels:


Sunday, August 12, 2007

 

القلعه الموحشه


قال: هلمى إلى فى قلعتى أحميكى من مخاوفك وأزرع الورد فى أرض حزنك و أضئ الشمع لأنير نفسك الوحيده
قالت:القيود تشدنى و تربطنى الحبال
قال:لا تهابى لا تخافى فقط أستشعرى حبى لكى نطير
قالت:مالى ومال الحب أسمع أنه وهم العمر
قال:لا تخافى فحبى غير أى حب فحبى لكى أسطوره و سوف أجعل قلبك طفل يرى حدائق الله المعموره
قالت:كيف أتركنى فانا أسمع دائما عن المصير
قال:لا تكلمينى عن الأمس واليوم و غدا ففى هذه اللحظه وجتك وأنت كل سنينى
قالت:كلامك له وقع السحر ولاكنى أستحلفك أتركنى أمشى على دربى الصغير
قال:وأتتركينى أعانى أنى أنظر فى الوجوه كل الوجوه أنتى لا أرى غيرك قالت:لا أبالغ أن قلت عرفت الدفء فى سطورك و الحنان فى حنايا أهاتك
قال:هلمى وأنسى وأصعدى معى ألى السماء الحالمه
قالت:و لكنى أراه هاويه مظلمه
قال:أسرعى أسرعى فالعمر قصير وطموحى كبير
قالت:سوف أصعد ولما لا فأنت أذبت الجليد من على لوحات عمرى الحزين
قال:لا يا معبودتى أنتظرى لا تتبعينى لقد صحى الضمير
قالت:الأن بعد أن شممت رائحه الحريق من قلبى الرقيق
قال:لا فالنفترق لأن لقيانا درب من دروب المستحيل
تركها على قارعه الطريق وسط المطر وحيده ولم يعطيها خريطه الرجوع
ورأته من بين الغمام مع أخرى يوحد معها أمله النبيل.......الرجل صاحب الضمير

Labels:


Friday, August 10, 2007

 

رحيل مدونه


وأنا أتصفح عالم المدونات الان وجت بالصدفه خبر وفاه مدونه أسمها شيماء لا أستطيع وصف ما انا به رغم أننى لم أعرفها ألا اليوم ولم أدخل بالتعليق عندها ألا اليوم أرجومن قارئ الخبر ان يدعوا لها ويقراء قران ويهبه لها ماتت العذيذه شيماء عن 28عاما ولا حول ولا قوه ألا بالله
http://www.shikoonline.blogspot.com/وأسم مدونتها

Labels:


Sunday, August 5, 2007

 

سحقاً للعبوديه


أدم لماذا ربتك أمك وأربى أبنى الذكر
أن الأنوثه أستكانه وخير النساء المرأه الخاضعه حتى إذا كانت فى ذل ومهانه
أدم لماذا ربتك أمك وأربى أبنى الذكر
إنك رأيك حق ورأى الأنثى على رجاحته فيه كل الحمق
أدم لماذا ربتك أمك وأربى أبنى الذكر
إذا أهديت الانثى الأساور الماسيه كبلت عقلها وقلبها و لسانها حتى فناء الأبديه
أدم لماذا ربتك أمك وأربى أبنى الذكر
إذا أخترت الأنثى ففذ بذات العينين المكحلتين و الشفتين المكتنزتين وأهمل العقل فهو مهمل فى الحالتين
أدم أنى أحبك فلماذا أجبرتنى و طوعتنى لكى تحبنى أن أبرز لك مفاتنى فقط فقط هى مايهمك مفاتنى
لماذا لا تحبنى وأنا أقراء أشعارى وكتبى الأدبيه
لماذا لا تحبنى وأنا أقراء جريدتى الصباحيه
لماذا لا تحبنى وأنا أسابق الريح وأجرى حافيه القدمين على العشب الأخضر
لماذا لا تحبنى و أناأنظرللقمر ولا أفكر إلا فقط فقط فى ضوء القمر و النجوم و السماء
وإذا كلمتك عنهم تنعتنى بالبلهاء
أدم أنى احبك ولا اطلب المستحيل
لا أريد منك غير أشياء ضئيله
فقط فقط أهتم بما تسميه أنت قله حيله

Wednesday, August 1, 2007

 

تاج من البنوته الرقيقه .....حدوته


أنا جالى تاج من الرقيقه حدوته...أناكنت واخده فكره عن موضوع التاج ده قبل كده بس مكنتش عارفه بيتبعت أزاى
دلوقتى فهمت اللبه
أنا كنت فاكره موضوع التاج ده بيحصل بعد سنه مالتدوين مثلا لما العلاقه تأوى بين المدونين عشان كده أتفجأت لما
أتبعتلى تاج بعد اقل من شهر فى عالم التدوين مخبيش عليكم فرحت أوى عشان حسيت بالحب ليه
أنا شايفه التاج ده حاجه صحيه ومهمه عشان نعرف بعض أكتر
أسم مدونتك؟
مكان فى القلب
لماذا أخترته ..وما هى نيتك من وراء أختياره؟
أخترته لعده أسباب أولا لانى كنت بأقراء للمدونين قبل دخولى عالم التدوين وأثرنى الحب ألى بنهم مع أنهم مش عارفين بعض
فحبيت أستمتع بالعالم الدافىء الداعم ده وأنتمى أليه وأنا فى تعريفى للأسم قلت مكان أحتويه ويحتوينى ويملكنى وأملكه وأأنس به وأعتقد أنى لقيته بفضلكم
وكمان عشان فيه أشياء و أماكن وأحاسيس أريد البوح بها
هل فكرت فى أغلاق مدونتك ؟ولماذا؟
يافتاح يا عليم يا رزاق يا كريم ده احنا لسه فاتحين المحل وهنرش الميه ليه كده على الصبح
صورتك فى المدونه و رمزيتها؟؟
مش عارفه حسيت أول ما شفتها أن الانسان طلما وجد الرفيق الطيب ممكن يمشى بأمان فى الحياه حتى لو كانت الظروف المحيطه مش ملونه وممكن كمان يشعر بالسعاده لمجرد القرب منه المهم عجبتنى الصوره وأثرت فيه
لما دخلت عالم التدوين من الأساس؟
يمكن فبه يوم يجى أطبطب على حد أو أمسح دمعه حد او أدفى حد لو حصل ده هكون فى منتهى السعاده
جمله قيلت لك فى وصف مدونتك؟
بصراحه كل الناس ألى علقت كانت فى منتهى الرقه والزوق العالى كل الكلام أسعدنى
التعليقات بالنسبه لك..واهميتها؟
نبض القلب فهى التفاعل الحقيقى
أحلى بوست كتبته....ضع اللنك ثم أذكر لماذا؟
كلهم أولادى
أفضل بوست قرأته ؟وضع اللنك؟
كل البوستات الى بقرأها بتفاعل مع صاحب البوست وأندمج معه وأنظر من وجه نظره وبحترمها عشان كده كلهم الافضل
أفضل مدونه قرأتها؟
كلهم واللهى بدون مجامله
حد قل أدبه فى التعليق أيه رد فعلك؟
أبدا كلهم ناس حساسه وجميله
أسواء مدونه؟
ده بقه حصل
مدونه واحده نكره تطاولت على الرسول بأسأله سخيفه زيها وتطوالت على السيده خديجه وطبعا الشيطان ألى
ألى فاتح المدونه وقاعد فى دمغها البوست ألى بعده تطاولت على الذات الالهيه بسؤال حقير زيها
عموما الله متم نوره ولو كره الكافرين
وأيضا النار وقودها الناس والحجاره
نغير الموضوع ده عشان هى أقل من أن أنا أدوشكم بسيرتها
أسواء بوست أسواء مدونه؟
الأجابه فى السؤال السابق
هيحصل أيه لاميلك لما تموتى؟؟
سؤال غريب عجيب
هو انا هاكون عند ربنا بتسأل وعرقى مرقى فاضيه أدور على الأميل وألى هيحصله
بس أنا هكتب فى الوصيه لأولادى يدخلو على كل العناوين المتسيفه ويبعتلهم يدعو للمرحومه حضرتى ويقر أو الفاتحه
وخصوصا انا مسيفه الباسوورد
أديتى الباسوورد لحد قبل كده؟
أى نعم
كانت أيه طبيعه علاقتك بيه؟
مين الباسوورد ولا ألى خده عموما كل خير
أسمك؟
حاجه غريبه تانى يعنى لو عايزه أقوله كنت كتبته فى التعريف بتاعى
المشهور بيه وسط أصحابك؟
ده تصميم بقه عموما عشان بحبكم أوشا
عمرك؟
ياجدعان حد يسأل انثى عن عمرها عموما عشان برده بحبكم 35
برجك؟
الجدى
دراستك؟؟مجالك؟؟
درست محاسبه فى كليه تجاره ودلوقتى بعد ما العلم تقدم بدرس نظم معلومات
شخصيتك نوعها ايه؟
متفائله..بسيطه..عندى سعه صدر..حموله
السفر بالنسبه لك؟
متعه لحد السما لما بأكون مع ناس صحبتها حلوه أما لو حصل العكس كل الأماكن فى الوقت ده بتبقى فى عينى واحده
المهم عندى الصحبه أخبرها ايه
وقت فراغك بتعملى ايه؟
ببلجر ,ببلجر, ببلجر,بتكلم فى التليفون مع أصحابى
المود بتاعك؟
مرحه ألا لو ظهر حد كأبو خبر كأبو
الأكله المفضله؟
الأطعمه الخفيفه ألى معموله بفن ..ام على من غير زبيب وجوز هند عشان مش بحبهم
الصفات التى أخذتها من بابا؟
التسامح عمال على بطال من غير مناسبه التفائل من غير مناسبه
الصفات التى أخذتها من ماما؟
أنكار الذات بس مش بطريقتها هى اكتر أنا خت حته تحمل السؤليه
أكتر ست حاجات بكرهها؟
بكاء الشيخ
القسوه
الظلم
الزلازل
التكالب على المال
الفضائح
أكتر ست حاجات بحبها؟
ربنا و الرسول صلى الله عليه وسلم
أولادى وهم يضحكون
أصحابى ألى فى الحياه وأصحابى البلوجاريه ألى معنتش أقدر أستغنى عنهم
الجبال الجبال الجبال أروع منظر على الاطلاق
أفنن أكلات غريبه فى المطبخ وأشوف رد فعل الجمهور
الوحده مع شوب عصير نسكافيه باللبن ساعه العصارى وخلفيه موسيقيه وتكون معزوفه بالعود أو كمان أو ناى
يا سلام يا ولاد أحلى دماغ
الشغل بالنسبه لك؟
الحلم المستحيل لطبيعه ظروف حياتى
الأنترنت بالنسبه لك؟
الأكسوجين
أمرره لمين؟؟
السندباد..أنا فى أنتظارك****صاحب البوابه****بوسى**** لومى****ممكن**** مىمى****سحركش****
الملاك الصغير****ذو النون المصرى**** المجهول****جدو ****أدم المصرى

This page is powered by Blogger. Isn't yours?

Subscribe to Posts [Atom]

<بينورو القلب>
<بنارات القلب>
<وصلات عقل قلب>
  • سندباد...أنا فى أنتظار ك
  • سوسو...أعمق مكان فى القلب
  • cast2way... نهاجر أليك ألى الأبد
  • مركبى... الوطن فى الانتظا ر
  • أسكندرانى...أوى أوى أوى أوى
  • بوسى...جميله وكلمها جميل
  • صاحب البوابه...الشجاع الحساس
  • loumi...قمر مجاور القمر
  • السندباد...شاعر المشاعر
  • الملاك الصغير...روايه غير أعتياديه
  • محمد حمدى...دماغ كبيره متواضعه
  • ساكايار...الحياه دنيا ودين
  • مجهول...كلمات متوازنه عميقه
  • ضد الظلم...أبو العربى الهومام
  • مدونه كسبان...مدونه مفيده أوى
  • mimi...قيثاره و عازفين
  • حدوته...تلسكوب لأشياء دقيقه
  • إيمان الطاهر...خواطر زى السكر
  • أدم المصرى...البركان الساخر
  • ماريا مجدولين...عادت من أجله
  • محمد الحداد...غاوى تلحين
  • محمد العشرى...أديب و روائى
  • الصوره الجديده...الواقع بأختصار
  • ذو النون المصرى...الفن بالفطره
  • جدو ...حبيب الملايين
  • ممكن...الحكى بهدف ونيه
  • بعدك على بالى...الحكى مغسول بماء المطر
  • مصراوى أوى...دين و أخلاق
  • شمعه امل...بيروووووو
  • واحد من الناس...كلام زى السكر
  • نوشا+شمس...هما مش معاهم
  • دودو...البرنسيسه
  • واحد+وحده...من الناس
  • لونلى...إحساس جميل